Usman Khawaja International Retirement: ઓસ્ટ્રેલિયાના દિગ્ગજ ઓપનર બેટ્સમેન ઉસ્માન ખ્વાજાએ આંતરરાષ્ટ્રીય ક્રિકેટમાંથી નિવૃત્તિની જાહેરાત કરી છે. શુક્રવારે પોતાના નિવૃત્તિની જાહેરાત કરતા ખ્વાજાએ જણાવ્યું હતું કે સિડની ક્રિકેટ ગ્રાઉન્ડ (SCG) પર ઈંગ્લેન્ડ સામે રમાનારી એશેઝ શ્રેણીની પાંચમી ટેસ્ટ મેચ તેમના કરિયરની છેલ્લી મેચ હશે. જોકે એ જોવાનું બાકી છે કે એશેઝ શ્રેણીની આ છેલ્લી ટેસ્ટ મેચમાં ખ્વાજાને પ્લેઈંગ-11માં સ્થાન મળે છે કે નહીં.
ઓસ્ટ્રેલિયા માટે રમનાર પ્રથમ મુસ્લિમ ક્રિકેટર
ખ્વાજાએ પોતાની સફર વિશે વાત કરતા જણાવ્યું કે તેઓ ઓસ્ટ્રેલિયા માટે રમનાર પ્રથમ મુસ્લિમ ક્રિકેટર હતા અને તેમણે વંશીય રૂઢિચુસ્તતાને તોડવાનું કામ કર્યું છે. પાકિસ્તાનના ઈસ્લામાબાદમાં જન્મેલા ખ્વાજા બાળપણમાં જ ઓસ્ટ્રેલિયા આવી ગયા હતા અને અહીંથી જ ક્રિકેટ રમીને નામ કમાવ્યું હતું. તેઓ ઓસ્ટ્રેલિયા માટે રમનાર પાકિસ્તાની મૂળના પ્રથમ ક્રિકેટર પણ બન્યા હતા.
યુવાનો માટે સંદેશ
પોતાની લાગણીઓ વ્યક્ત કરતા ખ્વાજાએ એક વીડિયોમાં કહ્યું કે હું એક અશ્વેત મુસ્લિમ છું જેને કહેવામાં આવ્યું હતું કે હું ક્યારેય ઓસ્ટ્રેલિયા માટે રમી શકીશ નહીં. આજે મને જુઓ, તમે પણ આવું કરી શકો છો. તેમણે વધુમાં ઉમેર્યું કે સૌથી મોટી લાગણી સંતોષની હોય છે અને તેઓ ભાગ્યશાળી છે કે તેમને ઓસ્ટ્રેલિયા માટે આટલી બધી મેચો રમવાની તક મળી. તેમણે પોતાના સપનાને સાકાર કરવા દેવા બદલ સૌનો આભાર માન્યો હતો.
"Thank you for letting me live my dream, and for sharing it with me."
— ABC SPORT (@abcsport) January 2, 2026
Lovely, emotional words from Usman Khawaja, as he announced he will retire from international cricket after the Sydney Test.
Read more: https://t.co/xEXcXAZMcq
Catch every ball this summer. Live and ad-free… pic.twitter.com/0WVWQwJR8w
ઉસ્માન ખ્વાજાની શાનદાર ક્રિકેટ સફર
ખ્વાજાએ અત્યાર સુધીમાં 87 ટેસ્ટ મેચોની 157 ઇનિંગ્સમાં 6206 રન બનાવ્યા છે, જેમાં 16 સદી અને 28 અર્ધસદીનો સમાવેશ થાય છે. વનડે ક્રિકેટમાં તેમણે 40 મેચોમાં ઓસ્ટ્રેલિયાનું પ્રતિનિધિત્વ કર્યું છે અને 1554 રન બનાવ્યા છે, જેમાં બે સદી અને 12 અર્ધસદી સામેલ છે. આ ઉપરાંત, તેમણે 9 ટી20 મેચોમાં પણ ઓસ્ટ્રેલિયાની જર્સી પહેરી છે અને કુલ 241 રન નોંધાવ્યા છે.