ન્યુઝીલેન્ડ પ્રવાસ માટે ટીમ ઈન્ડિયાની જાહેરાત; શ્રેયસ અય્યર કેપ્ટન, ભુવનેશ્વર કુમારની વાપસી

India Tour of New Zealand: BCCI દ્વારા ન્યુઝીલેન્ડ સામે રમાનારી પાંચ મેચોની T20I સિરીઝ માટે 16 સભ્યોની ભારતીય ટીમની જાહેરાત કરવામાં આવી છે. આ પ્રવાસ માટે ટીમની કમાન અનુભવી બેટ્સમેન શ્રેયસ અય્યરને સોંપવામાં આવી છે, જ્યારે વિસ્ફોટક બેટ્સમેન તિલક વર્માને વાઈસ કેપ્ટન બનાવવામાં આવ્યો છે. વનડે અને ટેસ્ટ સિરીઝ માટેની ટીમની જાહેરાત આગામી સમયમાં કરવામાં આવશે.

ભુવનેશ્વર કુમારની શાનદાર વાપસી

આ ટીમની સૌથી મોટી ખાસિયત અનુભવી ઝડપી બોલર ભુવનેશ્વર કુમારની લાંબા સમય પછી રાષ્ટ્રીય ટીમમાં વાપસી છે. ભુવીએ છેલ્લા બે IPL સીઝનમાં શાનદાર પ્રદર્શન કર્યું હતું, જેના કારણે તેમને ફરીથી ટીમમાં સ્થાન મળ્યું છે. તેણે તેની કારકિર્દીની છેલ્લી T20 મેચ વર્ષ 2022માં નેપિયરમાં રમી હતી.

આ સિવાય સ્ટાર બોલર જસપ્રીત બુમરાહને આરામ આપવામાં આવ્યો છે. વરુણ ચક્રવર્તી પણ પોતાની ફિટનેસ સાબિત કરીને ટીમમાં પરત ફર્યો છે, જ્યારે સ્પિનર રવિ બિશ્નોઈ સ્ક્વોડમાં સ્થાન મેળવવામાં નિષ્ફળ રહ્યો છે.

T20I સ્ક્વોડ

શ્રેયસ અય્યર (કેપ્ટન), તિલક વર્મા (વાઈસ-કેપ્ટન), અભિષેક શર્મા, સંજુ સેમસન, વૈભવ સૂર્યવંશી, ઈશાન કિશન, અક્ષર પટેલ, શિવમ દુબે, નીતિશ કુમાર રેડ્ડી, નમન ધીર, પ્રિન્સ યાદવ, મયંક યાદવ, અર્શદીપ સિંહ, ભુવનેશ્વર કુમાર, વરુણ ચક્રવર્તી અને કુલદીપ યાદવ.