T20 world cup 2026: ભારતીય ક્રિકેટ ટીમ આગામી મેચ માટે દિલ્હી પહોંચી રહી છે ત્યારે ટીમના સંયોજનમાં મોટા ફેરફારો જોવા મળી શકે છે. યુએસએ સામેની પ્રથમ મેચમાં વિજયી શરૂઆત કર્યા પછી, ભારતીય ટીમમાં ઈજા અને બીમારીને કારણે કેટલાક ફેરફારો અનિવાર્ય બન્યા છે.
અભિષેક શર્માની ગેરહાજરી અને સુંદરનું પુનરાગમન
ટીમ ઈન્ડિયા માટે સૌથી મોટા ચિંતાના સમાચાર ઓપનિંગ બેટ્સમેન અભિષેક શર્માને લઈને છે. અહેવાલો મુજબ, અભિષેક શર્મા પેટમાં દુખાવાની ફરિયાદને કારણે બીજી મેચ માટે ઉપલબ્ધ રહેશે નહીં. અગાઉ યુએસએ સામેની મેચમાં પણ તે આ જ કારણસર પૂર્ણ ક્ષમતાથી રમી શક્યો ન હતો.
🚨 MAJOR CHANGE IN TEAM INDIA SQUAD FOR 2ND T20I MATCH 🚨
— Sam (@Cricsam01) February 8, 2026
- Washington Sundar joins the squad for the next Match
- Abhishek Sharma unavailable due to illness.
- Bumrah may be rested again.
- Abhishek missed the USA game due to an upset stomach.
pic.twitter.com/WdW4orYo88
બીજી તરફ, ઓલરાઉન્ડર વોશિંગ્ટન સુંદર સત્તાવાર રીતે ટીમ સાથે જોડાઈ ગયો છે. સુંદરના આવવાથી ટીમની બેટિંગમાં ઊંડાણ આવશે અને દિલ્હીની પિચ પર તેની ઓફ-સ્પિન બોલિંગ પણ નિર્ણાયક સાબિત થઈ શકે છે. કેપ્ટન સૂર્યકુમાર યાદવે અગાઉ જ સંકેત આપ્યો હતો કે સુંદર દિલ્હીમાં ટીમનો હિસ્સો બનશે.
જસપ્રીત બુમરાહના આરામ પર સસ્પેન્સ
ભારતના મુખ્ય ફાસ્ટ બોલર જસપ્રીત બુમરાહની ફિટનેસ પર હજુ પણ સવાલો છે. બુમરાહને ગત મેચમાં ભારે તાવ હોવાને કારણે આરામ આપવામાં આવ્યો હતો. સૂત્રોના જણાવ્યા અનુસાર, મેનેજમેન્ટ વર્લ્ડ કપની લાંબી ટૂર્નામેન્ટને ધ્યાનમાં રાખીને બુમરાહને ફરીથી આરામ આપી શકે છે જેથી તે નોક-આઉટ મેચો માટે સંપૂર્ણ રીતે ફિટ રહે. મોહમ્મદ સિરાજે પ્રથમ મેચમાં જે રીતે 3 વિકેટ ઝડપીને તરખાટ મચાવ્યો હતો, તેને જોતા બુમરાહની ગેરહાજરીમાં સિરાજ અને અર્શદીપ સિંહ પર પેસ એટેકની જવાબદારી રહેશે.
સંભવિત પ્લેઈંગ ઈલેવનમાં ફેરફાર
અભિષેક શર્મા બહાર થતા યશસ્વી જયસ્વાલ અથવા અન્ય કોઈ બેટ્સમેનને ઓપનિંગમાં તક મળી શકે છે. જો પિચ સ્પિનરોને મદદરૂપ જણાશે તો વોશિંગ્ટન સુંદર પ્લેઈંગ ઈલેવનમાં સીધો સ્થાન મેળવશે. ગૌતમ ગંભીર અને સૂર્યકુમાર યાદવની જોડી દિલ્હીની કન્ડિશન મુજબ અંતિમ નિર્ણય લેશે. ભારતીય ચાહકો આશા રાખી રહ્યા છે કે આ ફેરફારો છતાં ટીમ ઈન્ડિયા પોતાની જીતનો સિલસિલો જાળવી રાખશે.