મેદાન પર મંધાનાનું વાવાઝોડું! વિરોધી ટીમ ધૂળ ચાટતી થઈ ગઈ, ભારતે તોફાની સદી સાથે સેમિફાઇનલમાં કરી ગ્રાન્ડ એન્ટ્રી

IND W vs HKC W: વિમેન્સ એશિયા કપ 2026માં ભારતીય મહિલા ક્રિકેટ ટીમે પોતાનું દબદબાભર્યું પ્રદર્શન જાળવી રાખતા સેમિફાઇનલમાં પ્રવેશ કરી લીધો છે. સ્ટાર ઓપનર અને વાઇસ કેપ્ટન સ્મૃતિ મંધાનાની શાનદાર સદીની મદદથી ભારતે હોંગકોંગ ચીનને એકતરફી મુકાબલામાં ધૂળ ચાટતી કરીને ધમાકેદાર જીત નોંધાવી છે.

મંધાનાનું તોફાન: હોંગકોંગના બોલર્સ નિષ્ફળ રહ્યા

ટોસ જીતીને પ્રથમ બેટિંગ કરવા ઉતરેલી ભારતીય ટીમ માટે સ્મૃતિ મંધાનાએ શરૂઆતથી જ આક્રમક વલણ અપનાવ્યું હતું. મંધાનાએ મેદાનની ચારેય તરફ ચોગ્ગા અને છગ્ગાની વરસાદ કરતાં સદી ફટકારી હતી. હોંગકોંગ ચીનના બોલરો પાસે મંધાનાના આક્રમણનો કોઈ જવાબ નહોતો, જેના કારણે ભારતીય ટીમે વિશાળ સ્કોર ઊભો કર્યો હતો. આ સદી સાથે મંધાના એશિયા કપના ઇતિહાસમાં સૌથી વધુ રન બનાવનારી ભારતીય મહિલા ખેલાડીઓની યાદીમાં વધુ એક ડગલું આગળ વધી ગઈ છે.

બોલર્સનો ચમકારો અને સરળ જીત

મોટા ટાર્ગેટનો પીછો કરવા ઉતરેલી હોંગકોંગ ચીનની ટીમ ભારતીય બોલરોની શિસ્તબદ્ધ બોલિંગ સામે ટકી શકી નહોતી. ભારતીય ફાસ્ટ બોલરો અને સ્પીનરોએ પાવરપ્લેમાં જ વિકેટો ઝડપીને હોંગકોંગની ટીમને દબાણમાં લાવી દીધી હતી.સતત જીત સાથે ભારતીય વિમેન્સ ટીમે પોઇન્ટ્સ ટેબલમાં ટોપ પર રહીને સત્તાવાર રીતે સેમિફાઇનલ (Semifinals) માટે પોતાનું સ્થાન પાકું કરી લીધું છે.

એશિયા કપ ટ્રોફી પર ભારતની નજર

ભારતીય ટીમ જે ફોર્મમાં રમી રહી છે તેને જોતાં તે એશિયા કપ ટ્રોફી જીતવાની પ્રબળ દાવેદાર માનવામાં આવે છે. કેપ્ટન અને મેનેજમેન્ટ માટે મંધાનાનું આ ફોર્મ સેમિફાઇનલ અને ફાઇનલ જેવા નોકઆઉટ મુકાબલાઓ પહેલાં ખૂબ જ રાહતજનક સમાચાર છે.