Shikhar Dhawan Second Marriage: ભારતીય ક્રિકેટ ટીમના દિગ્ગજ બેટ્સમેન શિખર ધવન, જેઓ ક્રિકેટપ્રેમીઓમાં 'ગબ્બર' તરીકે જાણીતા છે, તે ફરી એકવાર લગ્નના બંધનમાં બંધાવા જઈ રહ્યો છે. 19 ફેબ્રુઆરી 2026ના રોજ શિખરે તેની મંગેતર સોફી શાઈન સાથે સંગીત સેરેમનીની તસવીરો સોશિયલ મીડિયા પર શેર કરી છે, જેનાથી તેના ચાહકોમાં ભારે ઉત્સાહ જોવા મળી રહ્યો છે.
સંગીત નાઈટ અને રોમેન્ટિક અંદાજ
શિખર ધવને ઇન્સ્ટાગ્રામ પર તસવીરો શેર કરતા કેપ્શનમાં લખ્યું હતું - Sangeet Night. Almost the Dhawans. આ તસવીરોમાં શિખર ઓફ-વ્હાઈટ કલરના ભારતીય આઉટફિટમાં જોવા મળ્યો હતો, જેમાં તેણે એમ્બ્રોઈડરી કરેલી બંધગલા જેકેટ અને સ્ટાઈલિશ કુર્તા સાથે સફેદ પેન્ટ પહેર્યું હતું. બીજી તરફ, સોફી શાઈન ગોલ્ડન કલરના સિક્વન્સવાળા લહેંગામાં અત્યંત સુંદર અને દેશી અંદાજમાં જોવા મળી હતી. સોફીએ પોતાના લુકને હેવી જ્વેલરી સાથે પૂર્ણ કર્યો હતો, જેમાં લાલ અને લીલા મોતીવાળા નેકલેસનો સમાવેશ થાય છે.
કોણ છે સોફી શાઈન?
સોફી શાઈન આયર્લેન્ડની નાગરિક અને મોડલ છે. સોફીએ હાલમાં શિખર ધવન ફાઉન્ડેશનની જવાબદારી સંભાળી રહી છે, જે શિખર ધવનના રમતગમત અને સામાજિક સાહસોનો પરોપકારી વિભાગ છે. સોફીને સામાજિક કાર્યોમાં ઊંડો રસ છે અને તે છેલ્લા કેટલાક સમયથી શિખરની પ્રોફેશનલ અને પર્સનલ લાઈફનો મહત્વનો હિસ્સો બની ગઈ છે. નોંધનીય છે કે શિખર ધવન સોફી કરતા ઉંમરમાં 5 વર્ષ મોટા છે.
કઈ રીતે શરૂ થઈ લવ સ્ટોરી?
અહેવાલો મુજબ, શિખર અને સોફીની મુલાકાત થોડા વર્ષો પહેલા દુબઈમાં થઈ હતી. મિત્રતામાંથી શરૂ થયેલો આ સંબંધ ધીમે ધીમે પ્રેમમાં બદલાયો હતો. આ સંબંધ વિશે પ્રથમ વખત ચર્ચા ત્યારે શરૂ થઈ જ્યારે આઈસીસી (ICC) ચેમ્પિયન્સ ટ્રોફી 2025 દરમિયાન બંને સ્ટેન્ડ્સમાં સાથે જોવા મળ્યા હતા. ત્યારબાદ મે 2025માં તેમણે સોશિયલ મીડિયા પર તસવીરો શેર કરીને પોતાના સંબંધોની પુષ્ટિ કરી હતી. બંનેએ જાન્યુઆરીમાં સગાઈ કરી હતી અને હવે તેઓ લગ્ન કરવા જઈ રહ્યા છે.
શિખર ધવનના બીજા લગ્ન
શિખર ધવનના આ બીજા લગ્ન છે. અગાઉ 2012માં તેમણે ઓસ્ટ્રેલિયાની આયેશા મુખર્જી સાથે લગ્ન કર્યા હતા, જેમનાથી તેમને જોરાવર નામનો પુત્ર છે. જોકે, પરસ્પર મતભેદોને કારણે 2023માં આયેશા અને શિખરના છૂટાછેડા થયા હતા.