IPL 2026, VIRAL VIDEO: ઈન્ડિયન પ્રીમિયર લીગ (IPL 2026)ની શરૂઆત પૂર્વે પાંચ વખતની ચેમ્પિયન મુંબઈ ઈન્ડિયન્સ (MI) ના કેમ્પમાં ભારે ઉત્સાહ જોવા મળી રહ્યો છે. તાજેતરમાં ટીમના ટ્રેનિંગ સેશન દરમિયાન માલિક નીતા અંબાણી ખેલાડીઓ અને સ્ટાફને મળવા પહોંચ્યા હતા. જ્યાં ટીમના પૂર્વ કેપ્ટન રોહિત શર્માને જોઈને તેમનું રિએક્શન સોશિયલ મીડિયા પર વાયરલ થઈ રહ્યું છે.
રોહિત શર્માનું ગજબનું ટ્રાન્સફોર્મેશન
આ પણ વાંચો
હકીકતમાં રોહિત શર્માએ છેલ્લા કેટલાક મહિનાઓમાં પોતાની ફિટનેસ પર ખૂબ જ મહેનત કરી છે, જેના પરિણામે તેનું વજન ઘટ્યું છે અને તે અગાઉ કરતાં ખૂબ જ ફિટ દેખાઈ રહ્યો છે.
વાનખેડે સ્ટેડિયમમાં પ્રેક્ટિસ દરમિયાન જ્યારે નીતા અંબાણી રોહિત પાસે પહોંચ્યા, ત્યારે તેઓ તેને જોઈને આશ્ચર્યચકિત થઈ ગયા હતા. તેમણે હિટમેનને જોઈને કહ્યું, 'ઓહ માય ગોડ, રોહિત! હું તો તને ઓળખી જ ન શકી. તું એકદમ જવાન છોકરા (Young Boy) જેવો લાગી રહ્યો છે.' નીતા અંબાણીની આ વાત સાંભળીને હેલ્મેટ પહેરેલા રોહિત શર્માએ પણ એક ક્યૂટ સ્માઈલ આપી હતી, જે ફેન્સને ખૂબ પસંદ આવી રહી છે.
રોહિતની ફિટનેસ પાછળનું રહસ્ય
એવું કહેવાય છે કે, રોહિત શર્મા 2027નો વનડે વર્લ્ડકપ પણ રમવા માંગે છે. આ માટે તે અત્યારથી પોતાની ફિટનેસ પર પુરતું ધ્યાન આપી રહ્યો છે. ટ્રેનિંગ સેશનના વીડિયોમાં નીતા અંબાણીએ ટીમના અન્ય ખેલાડીઓ સાથે પણ મુલાકાત કરી હતી.
આ દરમિયાન એક ભાવુક પળ ત્યારે આવી જ્યારે તેમણે દિગ્ગજ ઓલરાઉન્ડર કિરોન પોલાર્ડનો પરિચય તેમના પૌત્ર સાથે 'પોલી કાકા' તરીકે કરાવ્યો હતો, જે દર્શાવે છે કે, મુંબઈ ઈન્ડિયન્સ માટે પોલાર્ડ માત્ર એક ખેલાડી નહીં પણ પરિવારના સભ્ય સમાન છે.
Mrs. Nita Ambani met the squad during training ahead of the start of TATA IPL 2026! 💙 pic.twitter.com/r2Gy9NaDOc
— Mumbai Indians (@mipaltan) March 27, 2026
જણાવી દઈએ કે, IPL 2026ની શરૂઆત 28 માર્ચના રોજ RCB અને SRH વચ્ચેની મેચથી થશે. મુંબઈ ઈન્ડિયન્સ પોતાની પહેલી મેચ 29 માર્ચ 2026 ના રોજ રવિવારે વાનખેડે સ્ટેડિયમમાં કોલકાતા નાઈટ રાઈડર્સ (KKR) સામે રમશે.
હાર્દિક પંડ્યાની કેપ્ટનશીપ હેઠળની આ ટીમમાં સૂર્યકુમાર યાદવ, જસપ્રીત બુમરાહ, ટ્રેન્ટ બોલ્ટ અને ક્વિન્ટન ડીકોક જેવા દિગ્ગજ ખેલાડીઓ સામેલ છે, જેના કારણે ક્રિકેટ પંડિતો આ ટીમને આ સીઝન જીતવા માટે સૌથી મોટી દાવેદાર માની રહ્યા છે.