Orange Cap in IPL 2026 (ઓરેન્જ કેપ આઈપીએલ 2026), IPL 2026 Orange Cap Winners List (April 21, 2026): IPL 2026ની 30મી મેચ મુંબઈ ઈન્ડિયન્સ (MI) સામે રમાયેલી મેચમાં ગુજરાત ટાઇટન્સનો (GT) કેપ્ટન શુભમન ગિલ મોટી ઇનિંગ રમવામાં નિષ્ફળ રહ્યો હતો, જેના કારણે તેણે ઓરેન્જ કેપની રેસમાં નંબર 1 નું સ્થાન હાંસલ કરવાની સુવર્ણ તક ગુમાવી દીધી છે. બીજી તરફ, શાનદાર સદી ફટકારનાર મુંબઈના સ્ટાર બેટ્સમેન તિલક વર્માએ આ લિસ્ટમાં જબરદસ્ત છલાંગ લગાવી છે.
શુભમન ગિલને બેવડો ફટકો
આ પણ વાંચો
સોમવાર, 20 એપ્રિલના રોજ રમાયેલી મેચમાં ગુજરાત ટાઇટન્સને મુંબઈ ઈન્ડિયન્સ સામે કારમી હારનો સામનો કરવો પડ્યો હતો. પ્રથમ બેટિંગ કરતા MI એ તિલક વર્માની શાનદાર સદીના જોરે 199 રન બનાવ્યા હતા, જેના જવાબમાં GT ની આખી ટીમ માત્ર 100 રનમાં સમેટાઈ ગઈ હતી. આ મેચમાં શુભમન ગિલને બેવડો ફટકો પડ્યો છે; એક તો તેમની ટીમે હારનો સામનો કરવો પડ્યો, અને બીજું, તે ઓરેન્જ કેપની યાદીમાં ટોચ પર પહોંચી શક્યો ન હતો.
200 રનના લક્ષ્યાંકનો પીછો કરતી વખતે ગિલ 13 બોલમાં 3 ચોગ્ગાની મદદથી માત્ર 14 રન જ બનાવી શક્યો હતો. આ 14 રન સાથે, IPL 2026 ની 5 મેચમાં તેમના કુલ રનનો આંકડો 265 થઈ ગયો છે. હાલમાં તે ઓરેન્જ કેપની રેસમાં સનરાઇઝર્સ હૈદરાબાદના વિસ્ફોટક બેટ્સમેન હેનરિક ક્લાસેનથી માત્ર 18 રન પાછળ રહીને બીજા ક્રમે છે.
તિલક વર્માની ટોપ રેન્કિંગમાં ધમાકેદાર એન્ટ્રી
મુંબઈ ઈન્ડિયન્સના યુવા બેટ્સમેન તિલક વર્માએ ઓરેન્જ કેપની રેસમાં મોટી છલાંગ લગાવી છે. પ્રથમ 5 મેચમાં ફોર્મ સાથે સંઘર્ષ કરી રહેલા તિલક, GT સામેની મેચ પહેલા ટોપ 50 બેટ્સમેનોના લિસ્ટમાં પણ સામેલ ન હતો. જોકે, ગુજરાત સામેની તેમની આક્રમક સદીએ તેને સીધા 33મા સ્થાને પહોંચાડી દીધો છે. તિલકે આ સિઝનમાં 6 મેચમાં કુલ 144 રન બનાવ્યા છે, જેમાંથી 101 રન માત્ર GT સામે જ આવ્યા છે.
ઓરેન્જ કેપ - આઈપીએલ 2026માં સૌથી વધારે રન બનાવનાર પ્લેયર્સ | Top 5 Orange Cap Contenders in IPL 2026
આ સિઝનમાં સૌથી વધુ રન બનાવનારા ટોચના 5 ખેલાડીઓની યાદીમાં રોયલ ચેલેન્જર્સ બેંગલુરુના (RCB) બે ખેલાડીઓ અને રાજસ્થાન રોયલ્સના (RR) એક ખેલાડીનો સમાવેશ થાય છે. વિરાટ કોહલી અને વૈભવ સૂર્યવંશી વચ્ચે ખૂબ જ ઓછો તફાવત જોવા મળી રહ્યો છે.
- હેનરિક ક્લાસેન (SRH): 283 રન
- શુભમન ગિલ (GT): 265 રન
- વિરાટ કોહલી (RCB): 247 રન
- વૈભવ સૂર્યવંશી (RR): 246 રન
- રજત પાટીદાર (RCB): 230 રન
આઈપીએલ 2026 ઓરેન્જ કેપ લિસ્ટ | IPL 2026 Orange Cap List
IPL 2026 Orange Cap (Updated April 21, 2026) | આઈપીએલ 2026 ઓરેન્જ કેપ
| ખેલાડી | મેચ | ઇનિંગ્સ | રન | એવરેજ | સ્ટ્રાઈક રેટ | ચોગ્ગા | છગ્ગા |
|---|---|---|---|---|---|---|---|
| હેનરિક ક્લાસેન | 6 | 6 | 283 | 47.17 | 144.39 | 19 | 10 |
| શુભમન ગિલ | 5 | 5 | 265 | 53.00 | 151.43 | 27 | 10 |
| વિરાટ કોહલી | 6 | 6 | 247 | 49.40 | 157.32 | 28 | 8 |
| વૈભવ સુર્યવંશી | 6 | 6 | 246 | 41.00 | 236.54 | 24 | 20 |
| રજત પાટિદાર | 6 | 6 | 230 | 46.00 | 212.96 | 12 | 22 |
| કૂપર કોનોલી | 6 | 5 | 223 | 55.75 | 163.97 | 21 | 14 |
| યશસ્વી જયસવાલ | 6 | 6 | 223 | 55.75 | 152.74 | 23 | 12 |
| ઈશાન કિશન | 6 | 6 | 213 | 35.50 | 188.50 | 22 | 12 |
| પ્રભસિમરન સિંહ | 6 | 5 | 211 | 52.75 | 171.54 | 22 | 11 |
| પ્રિયાંશ આર્ય | 5 | 5 | 211 | 42.20 | 248.24 | 14 | 20 |