MS Dhoni Retirement: શું આજે નિવૃત્તિની જાહેરાત કરશે ધોની? IPLની રીટેન્શન લિસ્ટ જાહેર થતા પહેલા જ ચાહકોની વધી ધડકનો

સોશિયલ મીડિયા પર એવી પ્રબળ ચર્ચાઓ ચાલી રહી છે કે 'થાલા' (Thala) તરીકે જાણીતા ધોની કદાચ IPLની આગામી સીઝનનો ભાગ નહીં બને અને 17 નવેમ્બરના રોજ તેઓ પોતાની નિવૃત્તિની જાહેરાત કરી શકે છે. આ ખબરો સામે આવતાં જ લાખો ક્રિકેટ રસિકો અત્યંત ભાવુક થઈ ગયા છે.

By: Mukesh JoshiEdited By:Mukesh JoshiPublish Date: Tue, 17 Nov 2026 11:37 AM (IST)Updated: Tue, 17 Nov 2026 11:37 AM (IST)
ms-dhoni-retirement-rumours-csk-retention-list-ipl-2027
એમએસ ધોની

MS Dhoni Retirement Rumours: ઇન્ડિયન પ્રીમિયર લીગ (IPL) 2027 ની મિની-ઓક્શન પહેલાં ખેલાડીઓને જાળવી રાખવાની (Retention) અંતિમ તારીખ નજીક આવતાં જ ક્રિકેટ જગતમાં ગરમાવો આવી ગયો છે. ખાસ કરીને ચેન્નાઈ સુપર કિંગ્સ (CSK) અને તેના દિગ્ગજ ખેલાડી મહેન્દ્ર સિંહ ધોનીને લઈને ચાલી રહેલી અટકળોએ ચાહકોની ચિંતા વધારી દીધી છે. સોશિયલ મીડિયા પર એવી પ્રબળ ચર્ચાઓ ચાલી રહી છે કે 'થાલા' (Thala) તરીકે જાણીતા ધોની કદાચ IPLની આગામી સીઝનનો ભાગ નહીં બને અને 17 નવેમ્બરના રોજ તેઓ પોતાની નિવૃત્તિની જાહેરાત કરી શકે છે. આ ખબરો સામે આવતાં જ લાખો ક્રિકેટ રસિકો અત્યંત ભાવુક થઈ ગયા છે.

સોશિયલ મીડિયા પર ચાહકોની ભાવુક પ્રતિક્રિયાઓ

ચેન્નાઈના ચાહકોને ડર છે કે ફ્રેન્ચાઈઝીની રીટેન્શન લિસ્ટ સાથે જ ધોનીના સંન્યાસના સમાચાર પણ જાહેર થઈ શકે છે. પ્લેટફોર્મ 'X' પર ચાહકો પોતાની લાગણીઓ ખુલ્લેઆમ વ્યક્ત કરી રહ્યા છે. એક ભાવુક ચાહકે લખ્યું, "ધોની, મને ખબર છે કે હું રડી પડીશ. આભાર 'થાલા', તમે જ CSKને અદ્ભુત ઓળખ અપાવી છે." અન્ય એક પ્રશંસકે ચેપોક સ્ટેડિયમમાં યોગ્ય વિદાય મેળવવા માટે ધોનીને વધુ એક સિઝન રમવા આગ્રહ કર્યો છે. ચાહકોનું માનવું છે કે ધોની વગર ચેન્નાઈની ટીમની કલ્પના કરવી પણ મુશ્કેલ છે.

શું ધોની કોઈ નવી ભૂમિકામાં દેખાશે?

અટકળો એવી પણ છે કે જો ધોની ખેલાડી તરીકે મેદાન પર નહીં તો તેઓ 'મેન્ટર' કે અન્ય કોઈ પ્રશાસકીય ભૂમિકામાં CSK સાથે જોડાઈ શકે છે. જોકે, આ અંગે અત્યાર સુધી ચેન્નાઈ સુપર કિંગ્સના મેનેજમેન્ટ કે ખુદ મહેન્દ્ર સિંહ ધોની તરફથી કોઈ જ સત્તાવાર નિવેદન આપવામાં આવ્યું નથી.

ફિટનેસ અને ડિસેમ્બરના મેડિકલ ટેસ્ટ પર નજર

ઉલ્લેખનીય છે કે, ગત 2026ની IPL સીઝનમાં પગના સ્નાયુની ઈજા અને ફિટનેસની સમસ્યાઓના કારણે ધોની એક પણ મેચ રમી શક્યા ન હતા. જોકે, ગયા ઓક્ટોબરમાં બેંગલુરુના એક કાર્યક્રમમાં તેમણે હળવાશથી કહ્યું હતું કે પોતાના શરીરરૂપી "વિન્ટેજ વાહન" ને ફિટ રાખવા માટે તેમને તબીબી મદદની જરૂર પડે છે. તેમણે સ્પષ્ટ કર્યું હતું કે ડિસેમ્બર પહેલાં તેઓ ફિટનેસ ટેસ્ટ કરાવશે અને ડોક્ટરોના રિપોર્ટના આધારે જ આગળનો નિર્ણય લેશે.

CSKની રણનીતિ અને મોટો ટ્રેડ સોદો

બીજી તરફ, CSK એ આગામી સિઝન માટે પોતાની તૈયારીઓ શરૂ કરી દીધી છે. તાજેતરમાં જ સનરાઈઝર્સ હૈદરાબાદ સાથેના મોટા ટ્રેડ સોદા હેઠળ લિયામ લિવિંગસ્ટોન અને જેક એડવર્ડ્સ ટીમમાં સામેલ થયા છે. આ તમામ બદલાવ વચ્ચે સૌથી મોટો પ્રશ્ન એ છે કે શું 17 નવેમ્બરના રોજ જાહેર થનારી યાદીમાં 'થાલા'નું નામ સામેલ હશે કે પછી ભારતીય ક્રિકેટના આ સૌથી સફળ સુપરકાએકનો સુવર્ણ અધ્યાય હંમેશ માટે પૂરો થશે?

નોંધ: આ અહેવાલ સોશિયલ મીડિયા પર ચાલી રહેલી અટકળો અને ચર્ચાઓ પર આધારિત છે, અને આ અંગે કોઈ અધિકૃત પુષ્ટિ કરવામાં આવી નથી.