KKR vs RR: દરેક બોલ સાથે બાજી પલટાતી જોવા મળી. દરેક શોટ સાથે ડ્રેસિંગ રૂમમાં તણાવ જોવા મળ્યો. સ્ટેન્ડમાં વિજય માટે પ્રાર્થના કરતા દર્શકો અને મેદાન પર ચિંતિત કેપ્ટન. ચાહકો જ્યારે મેદાન પર પહોંચે છે ત્યારે T-20 મેચથી જે ઉત્સાહની અપેક્ષા રાખે છે તે બધો જ ઉત્સાહ KKR અને રાજસ્થાન રોયલ્સ વચ્ચે ઇડન ગાર્ડન્સ ખાતે રમાયેલી મેચમાં જોવા મળ્યો હતો. શુભમ દુબેએ પોતાની વિસ્ફોટક બેટિંગથી રાજસ્થાનની જીત લગભગ નક્કી કરી દીધી હતી, પરંતુ છેલ્લો બોલ ફિલ્ડરને ભેદી ન શક્યો. જોફ્રા આર્ચરના રન આઉટથી KKRના કેમ્પને ઉજવણી કરવાની તક મળી, જ્યારે રાજસ્થાનના ડ્રેસિંગ રૂમમાં ફરી એકવાર નિરાશા જોવા મળી હતી.
છેલ્લી ઓવરનો રોમાંચ
રાજસ્થાન રોયલ્સને છેલ્લી ઓવરમાં જીત માટે 22 રનની જરૂર હતી. કેપ્ટન રિયાન પરાગ આઉટ થઈ ગયો હતો અને KKRનો હાથ ઉપર હતો. કેપ્ટન રહાણેએ બોલ વૈભવ અરોરાને આપ્યો. જોફ્રા આર્ચર અને શુભમ દુબે ક્રીઝ પર હતા. આર્ચરે પહેલા બોલ પર ઝડપથી બે રન બનાવ્યા. પરંતુ બીજા બોલ પર ફક્ત એક જ રન બની શક્યો. હવે રાજસ્થાનને જીતવા માટે ચાર બોલમાં 19 રનની જરૂર હતી. KKR ચાહકોના ચહેરા ચમકી રહ્યા હતા અને વિજયના જશ્નમાં ડૂબવા લાગ્યા હતા. પણ અસલી રોમાંચ હજુ શરૂ થવાનો બાકી હતો.
ઈમ્પેક્ટ પ્લેયર તરીકે આવેલા શુભમે ત્રીજા બોલ પર જોરદાર સિક્સર ફટકારી. આ સિક્સર ફટકારતાની સાથે જ કેપ્ટન રહાણે તેના બોલર પર ગુસ્સે ભરાયો. હવે 3 બોલ બાકી હતા અને જીત માટે 13 રનની જરૂર હતી. ડિફેન્ડિંગ ચેમ્પિયન હજુ પણ ઉપર હતો, પરંતુ હવે KKRના કેમ્પમાં હારનો ડર ઘેરાઈ ગયો હતો. શુભમે ચોથો બોલ સ્ક્વેર લેગ તરફ ધકેલી દીધો અને બોલ ફિલ્ડરને ડોજ કરીને બાઉન્ડ્રી લાઇન પાર કરી ગયો. હવે આ મેચ સંપૂર્ણપણે ખુલ્લી ગયો હતો. શુભમે જાણે રાજસ્થાન છાવણીમાં નવો પ્રાણ ફૂંક્યો હોય તેવું લાગતું હતું.
Another day, another #TATAIPL classic ?@KKRiders prevail by 1️⃣ run in a last-ball thriller in Kolkata to boost their playoff hopes ??
— IndianPremierLeague (@IPL) May 4, 2025
Scorecard ▶ https://t.co/wg00ni9CQE#KKRvRR pic.twitter.com/mJxuxBSPqw
શુભમ છેલ્લા બોલ પર જીતાડી શક્યો નહીં
પાંચમા બોલ પર, શુભમે વૈભવના બોલ પર તીર જેવો ફોરવર્ડ શોટ રમ્યો, જે સીધો બાઉન્ડ્રી લાઇનની પાર ગયો. આ છગ્ગા સાથે રાજસ્થાનની આશાઓ વધી ગઈ. કોલકાતાના ડ્રેસિંગ રૂમમાં ચિંતા વધી ગઈ હતી અને કેપ્ટન રહાણેના ચહેરા પર તણાવ સ્પષ્ટ દેખાઈ રહ્યો હતો. જોકે, વૈભવ છેલ્લો બોલ સ્ટમ્પ પર જ ફેંકવામાં સફળ રહ્યો. શુભમ અને આર્ચર બે રન લેવા દોડ્યા પરંતુ આર્ચર ક્રીઝથી દૂર રહ્યો અને વૈભવે સ્ટમ્પ ઉખેડી નાખ્યા અને કોલકાતાની જીત પર મહોર લગાવી દીધી હતી.