RR vs CSK: ભારતીય ટીમના સ્ટાર ઓલરાઉન્ડર રવિન્દ્ર જાડેજાએ IPL 2026માં રાજસ્થાન રોયલ્સ માટે પોતાની ડેબ્યૂ મેચમાં શાનદાર પ્રદર્શન કરીને બધાનું દિલ જીતી લીધું છે.
તેણે CSK સામે RRની 8 વિકેટની જીતમાં મુખ્ય ભૂમિકા ભજવી હતી. તેના મેચવિનિંગ સ્પેલ દરમિયાન, CSKના ભૂતપૂર્વ સાથી એમએસ ધોની વિશેના તેના નિવેદને ચર્ચા જગાવી છે.
જાડેજાએ MS ધોની વિશે શું કહ્યું?
હકીકતમાં, CSK સામેની મેચમાં જાડેજાએ તેના ક્વોટાની ત્રણ ઓવરમાં 18 રન આપીને બે વિકેટ લીધી અને CSK મિડલ ઓર્ડરને મુશ્કેલીમાં મુકી દીધું હતું. તેણે CSKને 127 રન સુધી મર્યાદિત રાખવામાં મદદ કરી અને RRએ માત્ર 12.1 ઓવરમાં લક્ષ્ય હાંસલ કરી લીધું. યુવા ઓપનર વૈભવ સૂર્યવંશીએ ટીમ માટે 17 બોલમાં 52 રનની સનસનાટીભરી ઇનિંગ રમી હતી.
રાજસ્થાનની જીત પછી Jio Hotstar પર બોલતા, જાડેજાએ ખુલાસો કર્યો કે તેણે તેની ભૂતપૂર્વ ટીમનો સામનો કરતા પહેલા એમએસ ધોની સાથે વાત કરી ન હતી. તેણે હસીને કહ્યું- માહી ભાઈ પોતાનો ફોન બંધ રાખે છે તેથી અમે વાત કરી નથી. વાત નથી થઈ પણ જ્યારે પણ હું તેમને મળીશ, ત્યારે હું તેમની સાથે ઘણી વાતો કરીશ. આ નિવેદન તેમના અને ધોની વચ્ચેના ગાઢ સંબંધને દર્શાવે છે.
મેચની વાત કરીએ તો, સીઝન પહેલા બંને ટીમોએ પોતાના સ્ટાર ખેલાડીઓની અદલાબદલી કરી હતી. રવિન્દ્ર જાડેજા હવે રાજસ્થાન માટે રમે છે, જ્યારે સંજુ સેમસન સીએસકે માટે રમે છે. આ મેચમાં જાડેજાનો હાથ ઉપર હતો. તેણે પહેલી જ ઓવરમાં સરફરાઝ ખાન અને શિવમ દુબેની મહત્વપૂર્ણ વિકેટો લઈને ચેન્નાઈની કમર તોડી નાખી હતી.
બીજી તરફ CSK માટે સેમસનનો ડેબ્યૂ પ્રભાવશાળી રહ્યો ન હતો. 2020 પછી આ પહેલી વાર હતું જ્યારે સંજુ તેના IPL ડેબ્યૂમાં અડધી સદી ફટકાર્યા વિના આઉટ થયો હતો. 6 રને રમી રહેલા સંજુએ નાન્દ્રે બર્ગરની બોલ પર મોટો શોટ રમવાનો પ્રયાસ કર્યો, પરંતુ બોલ સીમ થઈ ગયો અને તેના ઓફ સ્ટમ્પને ઉખેડી નાખ્યો. CSK એ મેચમાં 127 રન બનાવ્યા. જવાબમાં, RRએ 12.1 ઓવરમાં 8 વિકેટે મેચ જીતી લીધી હતી.
જાડેજાએ ગન સેલિબ્રેશન વિશે શું કહ્યું?
મેચમાં બે વિકેટ લેવા ઉપરાંત, જાડેજાએ તેના ગન સેલિબ્રેશન દ્વારા પર લાઇમલાઈટમાં રહ્યો હતો. શિવમ દુબેને આઉટ કર્યા પછી, તેણે તેના ઉજવણી પાછળનું રહસ્ય જાહેર કર્યું. જ્યારે ભૂતપૂર્વ ભારતીય ક્રિકેટરો સુરેશ રૈના અને અનિલ કુંબલેએ તેને જિયો હોટસ્ટારના કોમેન્ટ્રી પેનલ પર પૂછ્યું કે શું આ ઉજવણી નવી છે, ત્યારે જાડેજાએ જવાબ આપ્યો- જ્યારે હું CSK માટે રમતો હતો ત્યારે હું આ રીતે ઉજવણી કરતો હતો. મેં વિચાર્યું કે હું ચાલુ રાખીશ. મને ખબર હતી કે દુબે પહેલા બોલથી જ સ્પિનરોને ફટકારવાનો પ્રયાસ કરી રહ્યો હતો. મારા મનમાં એ વાત હતી, પણ તે એ પણ વિચારી રહ્યો હતો કે જો તે પોતાની વિકેટ ગુમાવશે તો CSKનો મિડલ ઓર્ડર ખતમ થઈ જશે.
જાડેજાએ એમ પણ કહ્યું કે તેને ગુલાબી રંગ ગમે છે. તેને લાગ્યું કે પીળો રંગ થોડો જૂનો લાગવા લાગ્યો હતો, પરંતુ આ વાત તે મજાકમાં જ કરી રહ્યો હતો. તેણ વધુમાં જણાવ્યું કે- સીએસકે જેવી ટીમ છોડીને જવું, જ્યાં તે 12-13 વર્ષ રમ્યો હતો, શરૂઆતમાં મુશ્કેલ હતું. તે તેના માટે ખૂબ જ ભાવનાત્મક ક્ષણ હતી, પરંતુ તેણે પોતાને ખાતરી આપી કે આવા ફેરફારો સફરનો એક ભાગ છે. અંતે, જાડેજાએ કહ્યું કે સારી વાત એ હતી કે તે હવે તે ટીમ સાથે છે જ્યાં તેણે તેનું પહેલું આઈપીએલ ટાઇટલ જીત્યું હતું.