IPL 2026 Purple Cap: આઈપીએલ 2026 માં પંજાબ કિંગ્સનું વિજયી અભિયાન અવિરત ચાલુ છે. રવિવારે રમાયેલા રોમાંચક મુકાબલામાં પંજાબ કિંગ્સે લખનૌ સુપર જાયન્ટ્સ (LSG) ને 54 રનથી હરાવીને પોઈન્ટ ટેબલમાં પોતાનું ટોચનું સ્થાન વધુ મજબૂત કર્યું છે. આ જીત બાદ માત્ર પોઈન્ટ ટેબલમાં જ નહીં, પરંતુ સૌથી વધુ વિકેટ લેનારા બોલરોની યાદી એટલે કે 'પર્પલ કેપ' સ્ટેન્ડિંગમાં પણ નોંધપાત્ર ફેરફારો જોવા મળ્યા છે.
IPL 2026 Purple Cap: પર્પલ કેપની રેસમાં અંશુલ કંબોજ મોખરે
બોલિંગ વિભાગમાં અત્યારે ચેન્નાઈ સુપર કિંગ્સના અંશુલ કંબોજનું વર્ચસ્વ જોવા મળી રહ્યું છે. અંશુલ 13 વિકેટ સાથે પર્પલ કેપની યાદીમાં પ્રથમ સ્થાને યથાવત છે. જોકે, લખનૌ સામેની મેચ બાદ બીજા સ્થાને મોટો ફેરફાર થયો છે.
IPL 2026 Purple Cap: પ્રિન્સ યાદવની લાંબી છલાંગ
લખનૌ સુપર જાયન્ટ્સના યુવા બોલર પ્રિન્સ યાદવે શાનદાર બોલિંગ પ્રદર્શનના જોરે હવે 11 વિકેટ સાથે યાદીમાં બીજું સ્થાન હાંસલ કરી લીધું છે. અગાઉ બીજા સ્થાને રહેલો પ્રસિદ્ધ કૃષ્ણા હવે 11 વિકેટ સાથે ત્રીજા ક્રમે સરકી ગયો છે.
ચોથા અને પાંચમા સ્થાને અનુક્રમે અનુભવી બોલર ભુવનેશ્વર કુમાર અને સ્પિનર રવિ બિશ્નોઈ 10-10 વિકેટ સાથે યથાવત છે. જેમ જેમ ટુર્નામેન્ટ આગળ વધી રહી છે, તેમ પર્પલ કેપ માટે બોલરો વચ્ચેની સ્પર્ધા વધુ તેજ બની રહી છે.
IPL 2026 Purple Cap: સૌથી વધુ વિકેટ ઝડપનાર ટોપ-10 બોલર્સ
| ખેલાડી | મેચ | વિકેટ | એવરેજ |
|---|---|---|---|
| અંશુલ કમ્બોજ | 6 | 13 | 16.23 |
| પ્રિન્સ યાદવ | 6 | 11 | 17.18 |
| પ્રસિદ્ધ કૃષ્ણા | 5 | 11 | 16.73 |
| ભુવનેશ્વર કુમાર | 6 | 10 | 20.00 |
| રવિ બિશ્નોઈ | 6 | 10 | 19.00 |
| જોફ્રા આર્ચર | 6 | 8 | 22.38 |
| કૃણાલ પંડ્યા | 6 | 8 | 22.50 |
| કાર્તિક ત્યાગી | 7 | 8 | 27.38 |
| જેમી ઓવર્ટન | 5 | 8 | 17.88 |
| ઇશાન મલિંગા | 6 | 8 | 23.13 |