Orange Cap, Purple Cap Holder in IPL 2026: ઇન્ડિયન પ્રીમિયર લીગ (IPL) 2026 હવે તેના અંતિમ પડાવ પર પહોંચી ગઈ છે અને ટૂર્નામેન્ટમાં માત્ર ફાઇનલ મેચ જ બાકી છે. ગુજરાત ટાઇટન્સ (GT) અને રાજસ્થાન રોયલ્સ (RR) વચ્ચે રમાયેલી હાઇ-વોલ્ટેજ ક્વોલિફાયર 2 મેચ બાદ ઓરેન્જ કેપ અને પર્પલ કેપની રેસ અત્યંત રોમાંચક મોડ પર આવી ગઈ છે. આ મહત્વપૂર્ણ મેચમાં ગુજરાત ટાઇટન્સે રાજસ્થાન રોયલ્સને 7 વિકેટથી હરાવીને ફાઇનલમાં જગ્યા બનાવી લીધી છે. આ મેચના પરિણામ બાદ રન મશીન વૈભવ સૂર્યવંશીએ ઓરેન્જ કેપ પર પોતાનું વર્ચસ્વ જાળવી રાખ્યું છે, જ્યારે પર્પલ કેપની રેસમાં મોટો ઉલટફેર જોવા મળ્યો છે.
ઓરેન્જ કેપની રેસમાં શુભમન ગિલની ધમાકેદાર એન્ટ્રી
આ પણ વાંચો
રાજસ્થાન રોયલ્સ સામેની મેચમાં 96 રનની શાનદાર ઇનિંગ રમનાર વૈભવ સૂર્યવંશીએ ઓરેન્જ કેપ પોતાના નામે રાખી છે. વૈભવ અત્યાર સુધી 16 મેચમાં 776 રન બનાવીને લિસ્ટમાં ટોચ પર છે. બીજી તરફ, ગુજરાત ટાઇટન્સના કેપ્ટન શુભમન ગિલે ક્વોલિફાયર 2માં 104 રનની શતકીય ઇનિંગ રમીને ઓરેન્જ કેપની રેસમાં સીધી બીજા સ્થાને છલાંગ લગાવી દીધી છે. ગિલના નામે હવે 15 મેચમાં 722 રન થઈ ગયા છે. આ યાદીમાં ગુજરાતનો સાઈ સુદર્શન 16 મેચમાં 710 રન સાથે ત્રીજા સ્થાને છે. જ્યારે સનરાઈઝર્સ હૈદરાબાદ (SRH) ના હેનરિક ક્લાસેન (624 રન) ચોથા અને ઇશાન કિશન (602 રન) પાંચમા સ્થાને છે.
IPL 2026: ઓરેન્જ કેપ સ્ટેન્ડિંગ્સ (ટોપ 5 બેટ્સમેન)
- વૈભવ સૂર્યવંશી (RR) - 16 મેચ, 776 રન
- શુભમન ગિલ (GT) - 15 મેચ, 722 રન
- સાઈ સુદર્શન (GT) - 16 મેચ, 710 રન
- હેનરિક ક્લાસેન (SRH) - 15 મેચ, 624 રન
- ઇશાન કિશન (SRH) - 15 મેચ, 602 રન
ભુવનેશ્વર કુમાર પાસેથી છીનવાઈ પર્પલ કેપ, રબાડા નંબર 1
બોલિંગ પ્રદર્શનની વાત કરીએ તો પર્પલ કેપની રેસમાં ગુજરાત ટાઇટન્સના ફાસ્ટ બોલર કાગીસો રબાડાએ મોટો ધમાકો કર્યો છે. રાજસ્થાન સામેની મેચમાં 2 મહત્વપૂર્ણ વિકેટ ઝડપીને રબાડાએ રોયલ ચેલેન્જર્સ બેંગલુરુ (RCB) ના અનુભવી બોલર ભુવનેશ્વર કુમારને પાછળ છોડી દીધા છે. રબાડાના નામે હવે 16 મેચમાં 28 વિકેટ થઈ ગઈ છે અને તે પર્પલ કેપ હોલ્ડર બની ગયો છે. ભુવનેશ્વર કુમાર 15 મેચમાં 26 વિકેટ સાથે બીજા સ્થાને સરકી ગયો છે. રાજસ્થાન રોયલ્સનો જોફ્રા આર્ચર 25 વિકેટ સાથે ત્રીજા, ચેન્નાઈ સુપર કિંગ્સ (CSK) નો અંશુલ કંબોજ 21 વિકેટ સાથે ચોથા અને હૈદરાબાદનો ઇશાન મલિંગા 20 વિકેટ સાથે પાંચમા સ્થાને છે.
આઇપીએલ 2026: પર્પલ કેપ સ્ટેન્ડિંગ્સ (ટોપ 5 બોલર્સ)
- કાગીસો રબાડા (GT) - 16 મેચ, 28 વિકેટ
- ભુવનેશ્વર કુમાર (RCB) - 15 મેચ, 26 વિકેટ
- જોફ્રા આર્ચર (RR) - 16 મેચ, 25 વિકેટ
- અંશુલ કંબોજ (CSK) - 14 મેચ, 21 વિકેટ
- ઇશાન મલિંગા (SRH) - 15 મેચ, 20 વિકેટ