PBKS vs SRH Match Preview: IPL ની 19મી સીઝનમાં આજે પંજાબ કિંગ્સ અને સનરાઇઝર્સ હૈદરાબાદ વચ્ચે મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે રોમાંચક મુકાબલો રમાશે. પંજાબ કિંગ્સ આ સીઝનમાં અત્યાર સુધી અપરાજિત રહી છે અને તે પોતાની જીતની લય જાળવી રાખવા માટે મેદાનમાં ઉતરશે. બીજી તરફ, સનરાઇઝર્સ હૈદરાબાદ તેની બીજી જીતની શોધમાં છે.
PBKS vs SRH Match Preview: ટીમ પંજાબ આત્મવિશ્વાસથી ભરપૂર
પંજાબ કિંગ્સે ટૂર્નામેન્ટમાં અત્યાર સુધી શાનદાર પ્રદર્શન કર્યું છે. રમાયેલી 3 મેચોમાંથી ટીમે 2 માં ભવ્ય વિજય મેળવ્યો છે, જ્યારે KKR સામેની પાછલી મેચ વરસાદને કારણે રદ થતા ટીમને 1 પોઈન્ટ મળ્યો હતો. હાલમાં પંજાબ કિંગ્સ 5 પોઈન્ટ સાથે પોઈન્ટ ટેબલમાં બીજા સ્થાને છે. ટીમની બેટિંગ લાઇનઅપ અત્યંત મજબૂત જણાય છે, જેમાં પ્રિયાંશ આર્ય અને પ્રભસિમરને વિસ્ફોટક શરૂઆત અપાવી છે. કેપ્ટન શ્રેયસ ઐયર પણ ફોર્મમાં પરત ફર્યો છે, જ્યારે કૂપર કોનોલી ત્રીજા ક્રમે ટીમ માટે ગેમ-ચેન્જર સાબિત થઈ રહ્યો છે.
PBKS vs SRH Match Preview: હૈદરાબાદ માટે ઓપનિંગ જોડીનું ફોર્મ ચિંતાનો વિષય
સનરાઇઝર્સ હૈદરાબાદ માટે આ સીઝન મિશ્ર રહી છે. ટીમે 3 મેચમાંથી 2 માં હારનો સામનો કરવો પડ્યો છે અને હાલમાં તે પોઈન્ટ ટેબલમાં છઠ્ઠા સ્થાને છે. લખનૌ સામેની પાછલી મેચમાં માત્ર 5 રનથી હાર્યા બાદ ટીમ દબાણમાં છે. ખાસ કરીને ટ્રેવિસ હેડ (64 રન) અને અભિષેક શર્મા (55 રન) ની જોડી અપેક્ષા મુજબનું પ્રદર્શન કરવામાં નિષ્ફળ રહી છે. પાછલી મેચમાં અભિષેક શૂન્ય પર જ્યારે હેડ માત્ર 7 રને આઉટ થયા હતા, જે ટીમ મેનેજમેન્ટ માટે ચિંતાનો વિષય છે.
PBKS vs SRH Match Preview: મુલ્લાનપુર સ્ટેડિયમના રસપ્રદ આંકડા
આ મેદાન પર બંને ટીમો બીજી વખત આમને-સામને થશે. 2 વર્ષ પહેલા રમાયેલી મેચમાં હૈદરાબાદે પંજાબને માત્ર 2 રનથી હરાવ્યું હતું.
સ્ટેડિયમના મહત્વના આંકડા નીચે મુજબ છે:
- કુલ મેચ: 13
- પહેલા બેટિંગ કરનારની જીત: 6
- પહેલા બોલિંગ કરનારની જીત: 6
- સર્વોચ્ચ સ્કોર: 228 રન (મુંબઈ ઇન્ડિયન્સ)
- લોએસ્ટ સ્કોર: 95 રન (KKR)
- વ્યક્તિગત શ્રેષ્ઠ સ્કોર: 103 (પ્રિયાંશ આર્ય)
- શ્રેષ્ઠ બોલિંગ: 4/28 (યુઝવેન્દ્ર ચહલ)
Punjab Kings IPL 2026 Squad । PBKS 2026 ની સંપૂર્ણ ટીમ
શ્રેયસ અય્યર (કેપ્ટન), અર્શદીપ સિંહ, અઝમતુલ્લા ઓમરઝાઈ, હરનૂર સિંહ પન્નુ, હરપ્રીત બ્રાર, લોકી ફર્ગ્યુસન, માર્કો જેન્સન, માર્કસ સ્ટોઈનિસ, મિચ ઓવેન, મુશીર ખાન, નેહલ વાઢેરા, પ્રભસિમરન સિંહ, પ્રિયાંશ આર્ય, પાયલા અવિનાશ, શશાંક સિંહ, સૂર્યાંશ હેગડે, વિષ્ણુ વિનોદ, વૈશાક વિજયકુમાર, ઝેવિયર બાર્ટલેટ, યશ ઠાકુર, યુઝવેન્દ્ર ચહલ, કૂપર કોનોલી, બેન દ્વારશુઈસ, પ્રવીણ દુબે અને વિશાલ નિષાદ.
Sunrisers Hyderabad IPL 2026 Squad । SRH 2026 ની સંપૂર્ણ ટીમ
પેટ કમિન્સ (કેપ્ટન), ઇશાન કિશન, અંકિત વર્મા, આર શરણ, હેનરિક ક્લાસેન, ટ્રેવિસ હેડ, હર્ષલ પટેલ, કામિન્દુ મેન્ડિસ, હર્ષ દુબે, બ્રાયન કાર્સે, અભિષેક શર્મા, નીતીશ કુમાર રેડ્ડી, જીશાન અંસારી, જયદેવ ઉનડકટ, ઈશાન મલિંગા, શિવાંગ કુમાર, સલિલ અરોરા, સાકિબ હુસૈન, ઓમકાર તરમાલે, અમિત કુમાર, પ્રફુલ હિન્જે, ક્રેન્સ ફુલેત્રા, લિયામ લિવિંગસ્ટોન, શિવમ માવી, જેક એડવર્ડ્સ.