ટ્રેન્ડિંગ

IPL 2026: શશાંક સિંહ પર 'કાલા જાદુ'ની અસર! આજે પણ SRHના સ્ફોટક બેટ્સમેન ક્લાસેનનો આસાન કેચ છોડતા મજેદાર મીમ્સ વાયરલ

આજે શશાંકે લૉકી ફર્ગ્યુશન અને કૂપર કોનોલીનો પણ 1-1 કેચ છોડ્યો હતો. ક્લાસેનને જીવતદાન મળતા તેણે તાબડતોડ બેટિંગ કરીને 69 રન ફટકારી દેતા SRHએ 20 ઑવરમાં 235 રન ઝૂડી નાંખ્યા

By: Sanket ParekhEdited By:Sanket ParekhPublish Date: Wed, 06 May 2026 11:17 PM (IST)Updated: Wed, 06 May 2026 11:17 PM (IST)
ipl-2026-memes-goes-viral-on-social-media-after-shashank-singh-drops-an-easy-catch
HIGHLIGHTS
  • પંજાબ કિંગ્સના ખેલાડી શશાંક સિંહે અત્યાર સુધીમાં 6 આસાન કેચ પડતા મૂક્યા
  • આજે વિકેટકિપર પ્રભસિમરસિંહે પણ એક સરળ સ્ટમ્પિંગ મિસ કર્યું

ઈન્ડિયન પ્રીમિયર લીગ (IPL 2026)માં પંજાબ કિંગ્સ (PBKS)ના ખેલાડી શશાંકસિંહની કંગાળ ફિલ્ડિંગ યથાવત જોવા મળી રહી છે. આ IPLમાં શશાંકસિંહ સતત હાથમાં આવેલા સરળ કેચ છોડી રહ્યો છે. આજે પણ IPL 2026ની 49મી મેચમાં શશાંકસિંહે સનરાઈઝર્સ હૈદરાબાદ (SRH) સામેની મેચમાં હેનરિક ક્લાસેનનો એકદમ સરળ કેચ પડતો મૂક્યો હતો.

ફર્ગ્યુસન અને કૂપર કોનોલીનો કેચ પર છોડ્યો

જો આજની મેચની જ વાત કરીએ તો, SRHની ઈનિંગ્સ દરમિયાન શશાંક સિંહે લૉકી ફર્ગ્યુશન અને કૂપર કોનોલીનો પણ એક-એક કેચ છોડ્યો છે. આ સિવાય વિકેટકિપર પ્રભસિમરસિંહે પણ એક સરળ સ્ટમ્પિંગ મિસ કર્યું હતુ.

આ પણ વાંચો
ચાર વર્ષ પછી ટીમ ઇન્ડિયામાં પરત ફર્યો ભુવનેશ્વર કુમાર , ન્યૂઝીલેન્ડ સામેની શ્રેણી પહેલાં રોહિત શર્માએ મોકલ્યો ખાસ મેસેજ
ચાર વર્ષ પછી ટીમ ઇન્ડિયામાં પરત ફર્યો ભુવનેશ્વર કુમાર , ન્યૂઝીલેન્ડ સામેની શ્રેણી પહેલાં રોહિત શર્માએ મોકલ્યો ખાસ મેસેજ

3 જીવતદાન મળ્યા બાદ ઈશાન કિશને 55 રન ફટકાર્યા હતા.જ્યારે શશાંકસિંહ તરફથી જીવતદાન મળ્યા બાદ ક્લાસેને પણ 69 રનને સ્ફોટક ઈનિંગ્સ રમી હતી. આમ અત્યાર સુધીમાં IPLની આ સિઝનમાં શશાંકસિંહ 6 કેચ છોડી ચૂક્યો છે. ક્લાસેનનો કેચ હાથમાંથી છૂટી જતાં શશાંકસિંહને લઈને સોશિયલ મીડિયામાં કેટલાક મજેદાર રિલ્સ વાયરલ થઈ રહ્યા છે.

કોઈ કહે છે કે, કોઈએ શશાંકસિંહ પર કાલા જાદુ કર્યો છે, તો કોઈ કેચ પડતા મૂકવા બાબતે શશાંકસિંહ અને શિવન દૂબે વચ્ચે હરિફાઈ હોવાની વાત કરી રહ્યું છે, તો ચાલો આવા જ કેટલાક મજેદાર મિમ્સ માણીએ…