Gujarat Titans, batting coach Matthew Hayden: ઇન્ડિયન પ્રીમિયર લીગ (IPL) 2026 28 માર્ચથી શરૂ થવાની તૈયારીમાં છે. જ્યારે સંપૂર્ણ સમયપત્રકની સત્તાવાર જાહેરાત કરવામાં આવી નથી, મીડિયા અહેવાલો સૂચવે છે કે આ ટુર્નામેન્ટ 28 માર્ચથી 31 મે વચ્ચે રમાશે. આ પહેલાં 2022ની ચેમ્પિયન ગુજરાત ટાઇટન્સ (GT)એ એક મહત્વપૂર્ણ પગલું ભર્યું છે.
મેથ્યુ હેડન બેટિંગ કોચ તરીકે નિયુક્ત
ગુજરાતે ભૂતપૂર્વ ઓસ્ટ્રેલિયન વિસ્ફોટક બેટ્સમેન મેથ્યૂ હેડનને બેટિંગ કોચ તરીકે નિયુક્ત કર્યો છે. હેડન અગાઉ પાકિસ્તાની ટીમ સાથે પણ કામ કરી ચૂક્યો છે. તેણે 2022 T20 વર્લ્ડ કપ દરમિયાન પાકિસ્તાન ટીમ માટે કોચ અને માર્ગદર્શક તરીકે સેવા આપી હતી. હેડન પહેલા, ગુજરાત માટે આ ભૂમિકા ઓસ્ટ્રેલિયન મેથ્યૂ વેડ સંભાળી રહ્યો હતો.
Powerhouse. Legend. Now our Batting Coach 💪
— Gujarat Titans (@gujarat_titans) March 10, 2026
Saying '𝗛𝗮𝘆-𝗗𝗼𝘀t' to @HaydosTweets 👋 pic.twitter.com/J3eE59AzM1
ગુજરાત ટાઇટન્સના કોચિંગ સ્ટાફમાં કોણ-કોણ?
ગુજરાત ટાઇટન્સના કોચિંગ ગ્રુપમાં હેડન, હેડ કોચ આશિષ નેહરા સાથે કામ કરશે. હેડનની આક્રમક વિચાર શક્તિ અને ગિલની કેપ્ટનશિપનું સંયોજન આ સીઝનમાં જોવા લાયક હશે.
ડિરેક્ટર વિક્રમ સોલંકીનું નિવેદન
મેથ્યૂ હેડન સાથે કરાર કર્યા પછી, ગુજરાતના ક્રિકેટ ડિરેક્ટર વિક્રમ સોલંકીએ જણાવ્યું હતું કે- મેથ્યૂ હેડનની નિમણૂક અમારી સફરના એક મહત્વપૂર્ણ તબક્કે આવી છે. એક ફ્રેન્ચાઇઝી તરીકે અમે સતત અમારા ક્રિકેટ ઇકોસિસ્ટમને મજબૂત બનાવવા પર ધ્યાન કેન્દ્રિત કરીએ છીએ. ઉચ્ચતમ સ્તરે તેનો અનુભવ અને ઉભરતી પ્રતિભાને માર્ગદર્શન આપવાની તેમની ક્ષમતા, આગામી સિઝનમાં અમારા બેટ્સમેન માટે એક મૂલ્યવાન સંપત્તિ બનશે.
મેથ્યૂ હેડનનું IPL કરિયર
મેથ્યૂ હેડન IPLની પહેલી ત્રણ સિઝનમાં રમ્યો હતો. મહેન્દ્ર સિંહ ધોનીની કેપ્ટનશીપ હેઠળ ચેન્નાઈ સુપર કિંગ્સ (CSK) વતી રમતા, તેણે 32 ઇનિંગ્સમાં 36.90ની સરેરાશથી 1,107 રન બનાવ્યા, જેની સ્ટ્રાઇક રેટ 137.51 હતી. હેડને IPLમાં આઠ અડધી સદી ફટકારી છે, જેનો શ્રેષ્ઠ સ્કોર 93 છે. વર્ષ 2009માં હેડને 572 રન બનાવીને ઓરેન્જ કેપ જીતી હતી. 2010માં તે મોંગૂસ બેટનો ઉપયોગ કરીને ભારે ચર્ચામાં રહ્યો હતો અને ઘણી વિસ્ફોટક ઇનિંગ રમી હતી.
મેથ્યૂનું આંતરરાષ્ટ્રિય કરિયર
મેથ્યૂ હેડને પોતાના સમયનો એક ખતરનાક ઓપનરમાંથી એક હતો. તેણે ઓસ્ટ્રેલિયાના ત્રણે ફોર્મેટમાં મળીને 273 ઈન્ટરનેશનલ મેચ રમ્યાં છે જેમાં 15 હજારથી વધુ રન બનાવ્યા છે. 2000ના દશકામાં ઓસ્ટ્રેલિયાની સફળ ટીમનો તે મહત્વનો ખેલાડી રહ્યો છે અને કેટલીક આઈસીસી ટૂર્નામેન્ટ જીતવામાં મહત્વનું યોગદાન આપ્યું છે. તેની આક્રમક બેટિંગ શૈલીએ લિમિટેડ ઓવર ક્રિકેટમાં પાવરપ્લેના ઉપયોગને એક નવું રુપ આપ્યું છે જેની અસર આજે પણ ટી-20 ક્રિકેટમાં જોવા મળે છે.