DC vs GT Match Preview: IPL 2026 માં આજે દિલ્હીના અરુણ જેટલી સ્ટેડિયમ ખાતે દિલ્હી કેપિટલ્સ (DC) અને ગુજરાત ટાઇટન્સ (GT) સામસામે ટકરાશે. સતત બે જીત સાથે ઉત્સાહિત દિલ્હીની ટીમ આજે પોતાના ઘરઆંગણે વિજયની હેટ્રિક પૂરી કરવાના ઈરાદા સાથે મેદાનમાં ઉતરશે. બીજી તરફ, સતત બે હારનો સામનો કરી રહેલી ગુજરાત ટાઇટન્સ માટે આ મેચ આત્મવિશ્વાસ પુનઃસ્થાપિત કરવા માટે અત્યંત નિર્ણાયક સાબિત થશે.
DC vs GT Match Preview: દિલ્હી કેપિટલ્સની મજબૂત બેટિંગ અને ધારદાર બોલિંગ
દિલ્હીએ તેની છેલ્લી બે મેચોમાં લખનૌ સુપર જાયન્ટ્સ અને મુંબઈ ઇન્ડિયન્સને પરાજય આપીને શાનદાર લય પ્રાપ્ત કરી છે. ટીમના બેટિંગ વિભાગમાં 22 વર્ષીય યુવા સ્ટાર સમીર રિઝવી આકર્ષણનું કેન્દ્ર બન્યો છે. રિઝવીએ સ્પિનરોની સાથે સાથે ઝડપી બોલરો સામે પણ આક્રમક અભિગમ અપનાવીને બધાને પ્રભાવિત કર્યા છે.
કેએલ રાહુલ અને પથુમ નિસાન્કા જેવી ઓપનિંગ જોડી પાસેથી ટીમને મજબૂત શરૂઆતની અપેક્ષા છે. જોકે, ત્રીજા ક્રમે બેટિંગ કરતા નીતિશ રાણાનું ફોર્મ ચિંતાનો વિષય છે. બોલિંગમાં મુકેશ કુમાર, લુંગી ન્ગીડી અને કુલદીપ યાદવની ત્રિપુટી વિરોધી બેટ્સમેનો માટે મુશ્કેલી ઊભી કરી રહી છે, જ્યારે કેપ્ટન અક્ષર પટેલ પાવરપ્લે અને મિડલ ઓવર્સમાં રન રોકવામાં સફળ રહ્યો છે.
DC vs GT Match Preview: ગુજરાત ટાઇટન્સની વાપસી માટે સંઘર્ષ
ગુજરાત ટાઇટન્સ હાલમાં બેટિંગ અને બોલિંગ બંને વિભાગમાં સંઘર્ષ કરતી જોવા મળી રહી છે. ટીમ તેના ટોચના ક્રમના બેટ્સમેનો પર વધુ પડતી નિર્ભર છે, જ્યારે મધ્યમ ક્રમ (મિડલ ઓર્ડર) અપેક્ષા મુજબ પ્રદર્શન કરી શક્યો નથી. ગ્લેન ફિલિપ્સ, વોશિંગ્ટન સુંદર અને રાહુલ તેવટિયા જેવા ખેલાડીઓએ દબાણ હેઠળ જવાબદારી સ્વીકારવી પડશે.
રાહતના સમાચાર એ છે કે નિયમિત કેપ્ટન શુભમન ગિલ સ્નાયુ ખેંચાણની સમસ્યામાંથી સાજો થઈ ગયો છે અને આજની મેચમાં ટીમનું નેતૃત્વ કરવા માટે સંપૂર્ણ ફિટ છે. ગુજરાતના બોલરો કાગીસો રબાડા અને મોહમ્મદ સિરાજ પર દિલ્હીના બેટ્સમેનોને વહેલા આઉટ કરવાનું દબાણ રહેશે.
Delhi Capitals IPL 2026 Squad । DC 2026 ની સંપૂર્ણ ટીમ
અક્ષર પટેલ (કેપ્ટન), કેએલ રાહુલ, અભિષેક પોરેલ, ટ્રીસ્ટન સ્ટબ્સ, સમીર રિઝવી, કરુણ નાયર, કુલદીપ યાદવ, મિશેલ સ્ટાર્ક, ટી નટરાજન, મુકેશ કુમાર, આશુતોષ શર્મા, વિપરાજ નિગમ, માધવ તિવારી, ત્રિપુરાણા વિજય, અજય મંડલ, દુષ્મંથા ચમીરા, ડેવિડ મિલર, બેન ડકેટ, આકિબ દાર, પથુમ નિસાન્કા, લુંગી ન્ગીડી, સાહિલ પારેખ, પૃથ્વી શો અને કાયલ જેમીસન.
Gujarat Titans IPL 2026 Squad । GT 2026 ની સંપૂર્ણ ટીમ
શુભમન ગિલ (કેપ્ટન), રાશિદ ખાન, જોસ બટલર, મોહમ્મદ સિરાજ, કાગીસો રબાડા, રાહુલ તેવટિયા, સાઈ સુદર્શન, શાહરૂખ ખાન, વોશિંગ્ટન સુંદર, પ્રસિદ્ધા કૃષ્ણા, આર. સાઈ કિશોર, ઈશાંત શર્મા, ગ્લેન ફિલિપ્સ, જયંત યાદવ, મોહમ્મદ અરશદ ખાન, કુમાર કુશાગ્રા, માનવ સુથાર, નિશાંત સિંધુ, ગુરનૂર સિંઘ બ્રાર, અનુજ રાવત, જેસન હોલ્ડર, ટોમ બેન્ટન, અશોક શર્મા, લ્યુક વુડ અને પૃથ્વી રાજ.