IND vs WI 4th T20 Live Streaming: ભારત અને વેસ્ટ ઈન્ડિઝ વચ્ચે રમાઈ રહેલી 5 મેચની T20I સિરીઝની ચોથી મેચ આજે 14 ઓક્ટોબર, બુધવારના રોજ હૈદરાબાદના રાજીવ ગાંધી ઈન્ટરનેશનલ સ્ટેડિયમ ખાતે રમાશે. શ્રેયસ અય્યરની કેપ્ટનશીપ હેઠળ રમી રહેલી ભારતીય ટીમ આ T20 સિરીઝમાં 2-1 થી આગળ છે. જાણો ભારત અને વેસ્ટ ઈન્ડિઝ વચ્ચે ચોથી T20 મેચનું લાઈવ સ્ટ્રીમિંગ ક્યાં અને કેવી રીતે જોવું.
ટીમ ઈન્ડિયા પાસે સિરીઝ જીતવાની મોટી તક
આપને જણાવી દઈએ કે, 5 મેચની T20I સિરીઝમાં ટીમ ઈન્ડિયાએ 2 મેચ, જ્યારે વેસ્ટ ઈન્ડિઝ ટીમે એક મેચ જીતી છે. ત્યારે આ ચોથી T20I મેચ મહત્વપૂર્ણ સાબિત થશે. આજે હૈદરાબાદમાં ભારત ચોથી મેચ જીતીને સિરીઝ પોતાના નામે કરવાના ઈરાદા સાથે મેદાનમાં ઉતરશે. જ્યારે વેસ્ટ ઈન્ડિઝ મેચ જીતીને સિરીઝ બચાવવાનો પ્રયાસ કરશે.
IND vs WI: ચોથા T20 મુકાબલાની વિગત
આવા સમયે, ચાલો જાણીએ કે ચોથી ટી20 મેચ ક્યારે અને ક્યાં થશે? સાથે જ એ પણ જાણી લઈએ કે ફેન્સ ટીવી અને મોબાઈલ પર આ મેચ કેવી રીતે જોઈ શકે છે?
IND vs WI 4th T20: મેચ ક્યારે રમાશે?
ભારત અને વેસ્ટ ઈન્ડીઝ વચ્ચે ચોથી ટી20 મેચ આજે 14 ઓક્ટોબર, બુધવાર 2026 ના રોજ રમાશે.
IND vs WI 4th T20: મેચ ક્યાં રમાશે?
ભારત અને વેસ્ટ ઈન્ડીઝ વચ્ચે ચોથી ટી20 મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમ ખાતે રમાશે.
IND vs WI 4th T20: મેચનો સમય શું?
ભારત અને વેસ્ટ ઈન્ડીઝ વચ્ચે ચોથી ટી20 મેચ સાંજે 7:00 વાગ્યે શરૂ થશે, જ્યારે ટોસ અડધો કલાક પહેલા સાંજે 6:30 વાગ્યે થશે.
IND vs WI 4th T20: ક્યાં અને કેવી રીતે જોવી મેચ?
ટીવી પર લાઈવ પ્રસારણ (TV Broadcast): ભારતમાં સ્ટાર સ્પોર્ટ્સ નેટવર્ક (Star Sports Network) ની ચેનલો પર IND vs WI ચોથી T20 મેચ નું લાઈવ ટેલિકાસ્ટ થશે.
મોબાઈલ અને ડિજિટલ સ્ટ્રીમિંગ (Live Streaming): ભારત અને વેસ્ટ ઈન્ડીઝ વચ્ચેની ચોથી T20 મેચ મોબાઇલ પર જીયો હોટસ્ટાર (JioHotstar) એપ અને વેબસાઈટ પર જોઈ શકાશે.
T20I Series: ભારત 2-1 થી આગળ
ઈન્દોરના હોલકર સ્ટેડિયમ ખાતે 11 ઓક્ટોબરે રમાયેલી ત્રીજી T20I મેચમાં ટીમ ઈન્ડિયાએ વેસ્ટ ઈન્ડિઝને 14 રને હરાવ્યું હતું. અભિષેક શર્માની 30 બોલમાં 69 રનની વિસ્ફોટક ઈનિંગ અને ફાસ્ટ બોલર અર્શદીપ સિંહની 3 વિકેટના શાનદાર પ્રદર્શનથી ભારતને જીત મળી હતી. મેચ દરમિયાન અર્શદીપસિંહે વેસ્ટ ઈન્ડિઝના કેપ્ટન શાઈ હોપની વિકેટ ઝડપીને વિજયની ઉજવણી કરી હતી.
ટીમ કોમ્બિનેશન અને સંભવિત ફેરફાર
ભારતીય ટીમ મેનેજમેન્ટ વિજેતા કોમ્બિનેશન જાળવી રાખે તેવી શક્યતા છે. જોકે, સંજુ સેમસનના સતત બિનસાતત્યપૂર્ણ પ્રદર્શનને કારણે ટીમ મેનેજમેન્ટ ઓપનિંગમાં વૈભવ સૂર્યવંશીને તક આપવા માટે વિચારણા કરી શકે છે.
IND vs WI T20 Series: બંને ટીમની સંપૂર્ણ સ્ક્વોડ
ભારતીય ટીમ (India T20 Squad): શ્રેયસ અય્યર (કેપ્ટન), અભિષેક શર્મા, અર્શદીપ સિંહ, અક્ષર પટેલ, ઈશાન કિશન (વિકેટકીપર), કુલદીપ યાદવ, મયંક યાદવ, નમન ધીર, નીતિશ કુમાર રેડ્ડી, પ્રિન્સ યાદવ, રવિ બિશ્નોઈ, સંજુ સેમસન (વિકેટકીપર), શિવમ દુબે, તિલક વર્મા અને વૈભવ સૂર્યવંશી.
વેસ્ટ ઈન્ડિઝ ટીમ (West Indies T20 Squad): શાઈ હોપ (કેપ્ટન અને વિકેટકીપર), અકીલ હોસીન, અમીર જાંગુ (વિકેટકીપર), ગુડાકેશ મોતી, જ્વેલ એન્ડ્રુ (વિકેટકીપર), કામિલ પુરન, કીમો પોલ, મેથ્યુ ફોર્ડે, ક્વેન્ટિન સેમ્પસન, રોમારિયો શેફર્ડ, રોસ્ટન ચેઝ, રોવમેન પોવેલ, શમર જોસેફ, શમર સ્પ્રિંગર, શેરફેન રધરફોર્ડ અને શિમરોન હેટમાયર (વિકેટકીપર).