IND W vs AUS W: મહિલા વર્લ્ડ કપના બીજા સેમિફાઇનલમાં, ભારતે સાત વખતના ચેમ્પિયન ઓસ્ટ્રેલિયાને 5 વિકેટથી હરાવીને ફાઇનલમાં પ્રવેશ કર્યો છે. 339 રનના લક્ષ્યનો પીછો કરતા, જેમીમા રોડ્રિગ્સે અણનમ 127 રન બનાવ્યા હતા. જીત પછી, તે ભાવુક થઈ ગઈ હતી, તેના સૌથી ખરાબ દિવસોને યાદ કર્યા હતા.
??????. ????????. ?????????? ?
— ICC (@ICC) October 30, 2025
Jemimah Rodrigues soaks in emotions after playing a warrior's knock to help India cross the line in the #CWC25 semi-final ?#INDvAUS pic.twitter.com/14dJPAgrpo
18 વર્ષમી ઉંમરે ડેબ્યૂ કર્યું
18 વર્ષની ઉંમરે ભારત માટે ડેબ્યૂ કરવું એ દરેક માટે સરળ બાબત નથી. નેશનવ ટીમ માટે રમવું એક વાત છે, પરંતુ ટીમમાં સ્થાન મેળવવા માટે કુશળતા અને માનસિક શક્તિ જાળવી રાખવી એ બીજી વાત છે. જેમીમાની શરુઆતી કારકિર્દી સરળ રહી હતી, પરંતુ જ્યારે તેને 2022 વર્લ્ડ કપ ટીમમાંથી બહાર કરવામાં આવી, ત્યારે તેના જીવનમાં ખરાબ વળાંક આવ્યો.
આનાથી તેણીને ખૂબ જ આઘાત લાગ્યો હતો, તે લગભગ દરરોજ રાત્રે રડતી અને મિત્રો અને પરિવારથી પોતાની લાગણીઓ છુપાવતી હતી. થોડા સમય માટે સ્વસ્થ થયા પછી, જેમીમાએ તેને સૌથી વધુ ગમતી વસ્તુ - ક્રિકેટ - પર ધ્યાન કેન્દ્રિત કર્યું હતું. તેણીએ તેના સ્થાનિક કોચ સાથે કામ કર્યું હતું.
ઐતિહાસિક ઇનિંગ્સ પછી ભાવુક થઇ
તે મુંબઈના મેદાનમાં ગઈ અને પોતાની જીદ પર અડગ રહી હતી. તે કઠિન પિચો પર રમવા માંગતી હતી અને સ્થાનિક સર્કિટ પર ઉપલબ્ધ કઠિન બોલરોનો સામનો કરવા માંગતી હતી. સેમિફાઇનલમાં ઓસ્ટ્રેલિયા સામેની તેની અણનમ 127 રનની ઇનિંગમાં તેની સખત મહેનત સ્પષ્ટ દેખાઈ આવી હતી. મેચ પછી, તેણીએ તેની સફર વિશે વાત કરી હતી.
જેમિમા રાત્રે રડતી હતી
જેમિમાએ જીત બાદ કહ્યું કે, "ગઈ વખતે મને વર્લ્ડ કપમાંથી બહાર કરવામાં આવી હતી, પરંતુ આ વખતે મને તક મળી છે. પરંતુ અહીં ઘણા લોકો હતા જેમણે મને મદદ કરી છે. હું માનસિક રીતે અસ્વસ્થ હતી, હું દરરોજ રડતી હતી. હું બાઇબલના શાસ્ત્રો વાંચતી હતી, અને તેનાથી મને મદદ મળી."
લોકોએ સમર્થન આપ્યું
જેમિમાએ વધુમાં કહ્યું કે, "મને લાગે છે કે મારે ફક્ત મેદાનમાં ઉતરવાનું હતું, અને ભગવાને બધું સંભાળ્યું. નવી મુંબઈ મારા માટે ખાસ છે, અને લોકો આટલી મોટી સંખ્યામાં આવ્યા અને અમને ખૂબ ટેકો આપ્યો. હું તેના માટે બધાનો આભાર માનવા માંગુ છું."
સચિનને જોઈને ક્રિકેટનું સપનું જાગ્યું
2011 માં ભારતે વર્લ્ડ કપ જીત્યો ત્યારે તે માત્ર 10 વર્ષની હતી અને તે રાત્રે મહાન સચિન તેંડુલકર (જેમિમાનું ઘર તે સમયે સચિનના ઘર પાછળ હતું) ને ઘરે પરત ફરતા જોયો. આ ક્ષણે જેમિમાને ક્રિકેટને ગંભીરતાથી લેવાની પ્રેરણા આપી, અને 2017 ની મહિલા વર્લ્ડ કપ ફાઇનલ તેના સપનાને વાસ્તવિકતામાં ફેરવવામાં એક અન્ય પ્રેરક પરિબળ હતું.
દરેક ફેનના મનમાં એક નામ કોતરાયું
આ સેમિફાઇનલમાં તેના પ્રદર્શને દરેક ક્રિકેટ ચાહકના હૃદય અને મનમાં 'જેમિમા' નામ કાયમ માટે કોતરાઈ ગયું છે. સૌથી અગત્યનું, ઓસ્ટ્રેલિયન સમર્થકોને આજે જેમી અને ભારતીય ટીમે જે શાંત રીતે પ્રદર્શન કર્યું તે સમજવામાં થોડો સમય લાગશે.