IND vs WI 1st T20I Preview: ભારત vs વેસ્ટ ઈન્ડિઝ પાંચ T20Iમેચનીસિરીઝનો પ્રથમ મુકાબલો ઈકાના સ્ટેડિયમમાં રમાશે. શ્રેયસ અય્યરની કપ્તાની હેઠળ ભારતીય ટીમ ઈકાનામાં પોતાનો રેકોર્ડ બરાબર રાખવા અને વિજયી શરૂઆત કરવા માટે મેદાનમાં ઊતરશે. વૈભવ સૂર્યવંશી અને અભિષેક શર્મા જેવા યુવા ખેલાડીઓ પર સૌની ખાસ નજર રહેશે. ભારત અને વેસ્ટ ઈન્ડિઝ વચ્ચેની પ્રથમ T20I પહેલા વાંચો મેચ પ્રિવ્યૂ...
ઈકાના સ્ટેડિયમમાં ભારત vs વેસ્ટ ઈન્ડિઝ પ્રથમ T20
લખનઉના ઇકાના સ્ટેડિયમ ખાતે ભારત અને વેસ્ટ ઇન્ડિઝ વચ્ચે પાંચ મેચની ટી-20 સિરીઝની પ્રથમ મેચ આજે 6 ઓક્ટોબર, મંગળવારે રમાવા જઈ રહી છે. ભારતીય ટીમ આ મેચ જીતીને સિરીઝની શાનદાર શરૂઆત કરવાના લક્ષ્ય સાથે મેદાનમાં ઊતરશે. આ સાથે જ ટીમનો ઉદ્દેશ્ય ઈકાના ગ્રાઉન્ડ પર વેસ્ટ ઇન્ડિઝ સામે પોતાનો અજેય રિકોર્ડ જાળવી રાખવાનો રહેશે.
2018 નો રોહિત શર્માનો યાદગાર રેકોર્ડ અને ઈતિહાસ
ઈકાના સ્ટેડિયમમાં ભારત અને વેસ્ટ ઇન્ડિઝ વચ્ચે પ્રથમ ટી-20 મેચ 6 નવેમ્બર, 2018ના રોજ રમાઈ હતી. તે મેચમાં તત્કાલીન કેપ્ટન રોહિત શર્માએ માત્ર 61 બોલમાં અણનમ 111 રનની તોફાની ઈનિંગ રમી હતી. રોહિતના આ શાનદાર શતકની મદદથી ભારતે તે મેચ 71 રનથી પોતાના નામે કરી હતી. હવે લગભગ આઠ વર્ષ બાદ આજે બંને ટીમો ફરીથી ઈકાના મેદાન પર આમને-સામને થશે, ત્યારે ભારતીય ટીમમાં ઘણા ફેરફારો જોવા મળશે.
જોકે, તાજેતરમાં જ શ્રેયસ અય્યરની કપ્તાની હેઠળ ભારતીય ટીમ એશિયન ગેમ્સમાં ચેમ્પિયન બનીને પરત ફરી છે, જેના કારણે ટીમનો ઉત્સાહ બુલંદ છે. આ સિવાય યુવા બેટ્સમેન અભિષેક શર્મા પણ શાનદાર ફોર્મમાં ચાલી રહ્યો છે. ઈકાનાની પીચ અને હોમ ગ્રાઉન્ડના દર્શકોનો સપોર્ટ ભારત માટે મહત્વપૂર્ણ સાબિત થશે. એક તરફ 2018ની યાદો હશે તો બીજી તરફ નવી પેઢીના બેટ્સમેનો પાસેથી મોટી ઈનિંગ્સની આશા રાખવામાં આવી રહી છે.
કેપ્ટન શ્રેયસ અય્યરની વ્યૂહરચના અને સૂર્યવંશી પર નજર
આ ટી20 સિરીઝમાં ભારતીય ટીમની કમાન શ્રેયસ અય્યરના હાથમાં છે. કેપ્ટન તરીકે અય્યર સામે મજબૂત શરૂઆત કરવાની સાથે સાથે યુવા ખેલાડીઓને મોટી જવાબદારી સોંપવાનો પડકાર રહેશે. શ્રેયસ અય્યરે સિરીઝ પહેલાં જ ખેલાડીઓને પોતાનો સ્વાભાવિક ખેલ રમવાની અને બહારના દબાણથી દૂર રહેવાની સલાહ આપી છે.
આ મેચમાં આક્રમક બેટ્સમેન અભિષેક શર્મા અને વૈભવ સૂર્યવંશી પર નજર રહેશે. વૈભવ સૂર્યવંશીએ ખૂબ જ નાની ઉંમરમાં પોતાની આક્રમક બેટિંગથી અલગ ઓળખ બનાવી છે. ઝિમ્બાબ્વે પ્રવાસ પર ત્રણ ટી-20 મેચમાં તેણે 151 રન બનાવ્યા હતા. હવે ઘરેલું મેદાન પર વેસ્ટ ઈન્ડિઝ જેવી મજબૂત ટીમ સામે તેના પ્રદર્શન પર તમામની નજર રહેશે.
બીજી તરફ, અભિષેક શર્મા પણ ભારતીય ટી-20 ટીમના બેટિંગ ઓર્ડરનોમહત્ત્વનો ભાગ છે. પાવરપ્લેમાં ઝડપથી રન બનાવવાની તેની ક્ષમતા ટીમને શરૂઆતી ઓવરોમાં લીડ અપાવી શકે છે, જ્યારે મધ્યક્રમમાં કપ્તાન શ્રેયસ અય્યરની સાથે તિલક વર્મા અને અન્ય બેટ્સમેનો પર ઇનિંગને મજબૂતી આપવાની જવાબદારી રહેશે.
ભારતનો પક્ષ ભારે, વેસ્ટ ઇન્ડિઝ પણ પડકાર ફેંકવા તૈયાર
ભારતીય ટી-20 સ્ક્વોડમાં અભિષેક શર્મા, વૈભવ સૂર્યવંશી, ઈશાન કિશન, સંજૂ સેમસન, તિલક વર્મા અને શિવમ દુબે જેવા શ્રેષ્ઠ વિકલ્પો ઉપલબ્ધ છે. ભારતે ત્રણ મેચોની વનડે સીરિઝ 2-1થી જીતી લીધી હતી, પરંતુ કેરેબિયન ટીમે તેને કડક ટક્કર આપી હતી. હવે વેસ્ટ ઈન્ડિઝ ટી-20 ફોર્મેટમાં પણ પોતાનો દમ બતાવવા માંગશે.
કેરેબિયન ટીમને શેરફેન રધરફોર્ડ, શિમરોન હેટમાયર અને રોમારિયો શેફર્ડ જેવા વિસ્ફોટક ખેલાડીઓ પાસેથી મજબૂત પ્રદર્શનની આશા છે. શાઈ હોપે વનડે સિરીઝમાં જબરદસ્ત બેટિંગ કરી હતી અને તે ઇકાનામાં પણ એ જ લય જાળવી રાખવા માંગશે. આ સિવાય બોલિંગમાં વેસ્ટ ઇન્ડિઝને અકીલ હોસેન, શમાર જોસેફ અને રોમારિયો શેફર્ડ પાસેથી શ્રેષ્ઠ પ્રદર્શનની અપેક્ષા રહેશે.
IND vs WI: હેડ-ટુ-હેડ T20 રિકોર્ડ (Head-to-Head Record)
ભારત અને વેસ્ટ ઈન્ડિઝ વચ્ચે અત્યાર સુધીમાં કુલ 31 ટી-20 આંતરરાષ્ટ્રીય મુકાબલા રમાયા છે. જેમાં ભારતીય ટીમે 20 મેચમાં વિજય મેળવ્યો છે, જ્યારે કેરેબિયન ટીમને 10 મેચોમાં સફળતા મળી છે. એક મેચ અનિર્ણિત રહી હતી. જોકે આંકડા ભારતની તરફેણમાં છે, પરંતુ વેસ્ટ ઈન્ડિઝની ટીમ ટૂંકા ફોર્મેટમાં મોટી ટીમોને ચોંકાવવા માટે જાણીતી છે.
IND vs WI T20I Squads: બંને ટીમના પૂર્ણ સ્ક્વોડ
ભારતીય ટીમ (India Squad): શ્રેયસ અય્યર (કેપ્ટન), તિલક વર્મા (વાઈસ કેપ્ટન), અભિષેક શર્મા, સંજૂ સેમસન (વિકેટકીપર), વૈભવ સૂર્યવંશી, અર્શદીપ સિંહ, શિવમ દુબે, ઇશાન કિશન, નમન ધીર, કુલદીપ યાદવ, નીતિશકુમાર રેડ્ડી, અક્ષર પટેલ, પ્રિન્સ યાદવ, રવિ બિશ્નોઈ, મયંક યાદવ.
વેસ્ટ ઈન્ડિઝ ટીમ (West Indies Squad): શાઈ હોપ (કેપ્ટન, વિકેટકીપર), આમીર જાંગૂ, રોસ્ટન ચેઝ, મેથ્યુ ફોર્ડે, શિમરોન હેટમાયર, અકીલ હોસેન, શમાર જોસેફ, ગુડાકેશ મોતી, કીમો પોલ, કામિલ પૂરન, રોવમેન પોવેલ, શેરફેન રધરફોર્ડ, ક્વેન્ટિન સેમ્પસન, રોમારિયો શેફર્ડ, શમાર સ્પ્રિંગર.