India vs New Zealand ODI Series: ન્યૂઝીલેન્ડ સામે રમાનારી આગામી વન-ડે (ODI) શ્રેણી પહેલાં ભારતીય ક્રિકેટ કંટ્રોલ બોર્ડ (BCCI) એ ભારતીય સ્ક્વોડમાં મહત્વનો ફેરફાર કર્યો છે. પુરુષ પસંદગી સમિતિએ યુવા ઝડપી બોલર આકિબ નબીને પ્રથમ ત્રણ વન-ડે મેચો માટે પણ ભારતીય ટીમમાં સામેલ કરવાનો નિર્ણય લીધો છે. નોંધનીય છે કે અગાઉ તેને માત્ર શ્રેણીની ચોથી અને પાંચમી મેચ માટે જ પસંદ કરવામાં આવ્યો હતો, પરંતુ હવે તે શ્રેણીની શરૂઆતથી જ ભારતીય ટીમ સાથે જોડાશે.
આકિબ નબી સમગ્ર ODI શ્રેણીમાં રહેશે ભારતીય ટીમનો ભાગ
આ પણ વાંચો
BCCI દ્વારા જારી કરવામાં આવેલી સત્તાવાર યાદી મુજબ, જમણા હાથના ઝડપી બોલર આકિબ નબીને પ્રથમ ત્રણ મેચોમાં સ્થાન આપવામાં આવ્યું છે, જેના કારણે તે હવે સમગ્ર વન-ડે શ્રેણી દરમિયાન ટીમ ઈન્ડિયા ઉપલબ્ધ રહેશે. જોકે, પસંદગી સમિતિ કે બોર્ડ દ્વારા અચાનક કરવામાં આવેલા આ ફેરફાર પાછળનું કોઈ ચોક્કસ તકનીકી કારણ જાહેર કરવામાં આવ્યું નથી.
પ્રથમ ત્રણ વન-ડે મેચો માટે ભારતીય ટીમની કમાન શુભમન ગિલના હાથમાં
પ્રથમ ત્રણ વન-ડે મેચો માટે શુભમન ગિલને ટીમનો કેપ્ટન બનાવવામાં આવ્યો છે, જ્યારે શ્રેયસ અય્યર વાઇસ-કેપ્ટન તરીકેની જવાબદારી સંભાળશે. આ ટીમમાં રોહિત શર્મા, વિરાટ કોહલી અને કે.એલ. રાહુલ જેવા અનુભવી ખેલાડીઓની સાથે યુવા પ્રતિભાઓને પણ સ્થાન મળ્યું છે.
પ્રથમ 3 ODI માટેની ટીમ:
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર (વાઇસ-કેપ્ટન), કે.એલ. રાહુલ (વિકેટકીપર), અક્ષર પટેલ, નમન ધીર, અંશુલ કંબોજ, ગુરનૂર બ્રાર, ઋતુરાજ ગાયકવાડ, અર્શદીપ સિંહ, ઈશાન કિશન (વિકેટકીપર), મોહમ્મદ સિરાજ, કુલદીપ યાદવ, નીતિશ કુમાર રેડ્ડી (માત્ર પ્રથમ વન-ડે માટે) અને આકિબ નબી.
ચોથી અને પાંચમી વન-ડે માટે ટીમમાં કરાયા ફેરફારો
શ્રેણીની છેલ્લી બે મેચો માટે ટીમનું નેતૃત્વ બદલાશે, જેમાં શ્રેયસ અય્યર કેપ્ટનશિપ કરશે અને ઈશાન કિશન વાઈસ-કેપ્ટન બનશે. આ મેચો માટે તિલક વર્મા, કુમાર કુશાગ્ર અને યશ ઠાકુરને સ્ક્વોડમાં ઉમેરવામાં આવ્યા છે.
4થી અને 5મી ODI માટેની ટીમ:
શ્રેયસ અય્યર (કેપ્ટન), રોહિત શર્મા, વિરાટ કોહલી, તિલક વર્મા, ઈશાન કિશન (વિકેટકીપર, વાઈસ-કેપ્ટન), અક્ષર પટેલ, નમન ધીર, આકિબ નબી, ગુરનૂર બ્રાર, ઋતુરાજ ગાયકવાડ, અર્શદીપ સિંહ, કુમાર કુશાગ્ર (વિકેટકીપર), મોહમ્મદ સિરાજ, યશ ઠાકુર અને કુલદીપ યાદવ.