IND vs ENG 5th Test: ભારત અને ઇંગ્લેન્ડ વચ્ચે પાંચ મેચની ટેસ્ટ શ્રેણીની છેલ્લી ટેસ્ટ મેચ (IND vs ENG 5th Test) આજથી એટલે કે 31 જુલાઈથી રમાઈ રહી છે. આ મેચ લંડનના ઓવલ ખાતે રમાઈ રહી છે, જેમાં ઇંગ્લેન્ડના કેપ્ટન ઓલી પોપે ટોસ જીતીને બોલિંગ કરવાનો નિર્ણય લીધો હતો.
ટોસ હાર્યા બાદ ભારતીય કેપ્ટન શુભમન ગિલે પોતાના પ્લેઇંગ-11ની જાહેરાત કરી જેમાં તેણે મોટા ફેરફાર વિશે જણાવ્યું, પરંતુ આ દરમિયાન ગિલે ભૂલ કરી. તેણે પ્લેઇંગ-11માં ત્રણ ફેરફારોનો ઉલ્લેખ કર્યો, પરંતુ તે એક ફેરફાર જણાવવાનું ભૂલી ગયો.
શુભમન ગિલે આ ભૂલ કરી
ભારત વિરુદ્ધ ઇંગ્લેન્ડની પાંચમી ટેસ્ટ મેચના ટોસ દરમિયાન, કેપ્ટન શુભમન ગિલે જણાવ્યું હતું કે તેણે પ્લેઇંગ-11માં ત્રણ ફેરફાર કર્યા છે પરંતુ ભારતના પ્લેઇંગ-11માં ચાર ફેરફાર કરવામાં આવ્યા છે. ગિલ આકાશદીપનું નામ લેવાનું ભૂલી ગયો, જેને અંશુલ કંબોજની જગ્યાએ તક મળી.
આ સાથે ભારતના પ્લેઇંગ-11માં વિકેટકીપર બેટ્સમેન ઋષભ પંતની જગ્યાએ ધ્રુવ જુરેલને તક મળી, જ્યારે શાર્દુલ ઠાકુરને પડતો મૂકવામાં આવ્યો. શાર્દુલની જગ્યાએ કરુણ નાયરને તક મળી છે. તે જ સમયે, જસપ્રીત બુમરાહની જગ્યાએ પ્રસિદ્ધ કૃષ્ણાને પ્લેઇંગ-11માં સ્થાન મળ્યું.
ભારત-ઇંગ્લેન્ડ પ્લેઇંગ-11
ભારત: યશસ્વી જયસ્વાલ, કેએલ રાહુલ, સાઈ સુદર્શન, શુભમન ગિલ (કેપ્ટન), કરુણ નાયર, રવિન્દ્ર જાડેજા, ધ્રુવ જુરેલ (વિકેટકીપર), વોશિંગ્ટન સુંદર, આકાશ દીપ, પ્રસિદ્ધ કૃષ્ણા, મોહમ્મદ સિરાજ.
? Toss and Team Update ?
— BCCI (@BCCI) July 31, 2025
England win the toss in the 5th Test and elect to field.
A look at #TeamIndia's Playing XI for the 5th and Final Test ??
Updates ▶️ https://t.co/Tc2xpWNayE#ENGvIND pic.twitter.com/fxzEfXEzLA
ઇંગ્લેન્ડ: જેક ક્રોલી, બેન ડકેટ, ઓલી પોપ (કેપ્ટન), જો રૂટ, હેરી બ્રુક, જેકબ બેથેલ, જેમી સ્મિથ (વિકેટકીપર), ક્રિસ વોક્સ, ગુસ એટકિન્સન, જેમી ઓવરટન, જોશ ટંગ