IND vs ENG 2nd Test: ટીમ ઈન્ડિયાના કેપ્ટન શુભમન ગિલે એજબેસ્ટન ખાતે ભારત અને ઈંગ્લેન્ડ વચ્ચે રમાઈ રહેલી બીજી ટેસ્ટમાં બેવડી સદી ફટકારી છે. તેણે 311 બોલમાં આ સિદ્ધિ મેળવી હતી. આ દરમિયાન ગિલના બેટમાંથી 21 ચોગ્ગા અને 2 છગ્ગા પણ લાગ્યા હતા. આ સાથે તેણે અનેક રેકોર્ડ્સ પોતાના નામે કર્યા છે.
તેણે મોહમ્મદ અઝહરુદ્દીનનો 35 વર્ષ જૂનો રેકોર્ડ પણ તોડી નાખ્યો છે. તે ઇંગ્લેન્ડમાં ટેસ્ટમાં ડબલ સેન્ચુરી ફટકારનાર પ્રથમ ભારતીય બેટ્સમેન બન્યો છે. એટલું જ નહીં, તે ઇંગ્લેન્ડમાં સૌથી વધુ વ્યક્તિગત સ્કોર બનાવનાર ભારતીય કેપ્ટન પણ બન્યો છે. ગિલના ટેસ્ટ કારકિર્દીનો આ શ્રેષ્ઠ સ્કોર છે.
Maiden DOUBLE-CENTURY for Shubman Gill in Test Cricket! ??
— BCCI (@BCCI) July 3, 2025
What a knock from the #TeamIndia Captain! ??
Updates ▶️ https://t.co/Oxhg97g4BF#ENGvIND | @ShubmanGill pic.twitter.com/JLxhmh0Xcs
ભારતીય કેપ્ટન દ્વારા ઈંગ્લેન્ડમાં સૌથી વધુ ટેસ્ટ સ્કોર
- 253*: શુભમન ગિલ- 2025
- 179: મોહમ્મદ અઝહરુદ્દીન- 1990
- 149: વિરાટ કોહલી- 2018
SENA દેશમાં ભારતીય કેપ્ટન દ્વારા સૌથી વધુ સ્કોર
- 253*: શુભમન ગિલ વિરુદ્ધ ઈંગ્લેન્ડ, 2025
- 192: અઝહરુદ્દીન વિરુદ્ધ ન્યૂઝીલેન્ડ, 1990
- 179: અઝહરુદ્દીન વિરુદ્ધ ઈંગ્લેન્ડ, 1990
- 169: સચિન તેંડુલકર વિરુદ્ધ દક્ષિણ આફ્રિકા, 1997
- 153: વિરાટ કોહલી વિરુદ્ધ દક્ષિણ આફ્રિકા, 2018
- 149: વિરાટ કોહલી વિરુદ્ધ ઇંગ્લેન્ડ, 2018
ખાસ ક્લબમાં થઈ એન્ટ્રી
- ગિલ ટેસ્ટમાં બેવડી સદી ફટકારનાર છઠ્ઠા ભારતીય કેપ્ટન બન્યો છે.
- ગિલ પહેલા એમએકે પટૌડી, સુનીલ ગાવસ્કર, સચિન તેંડુલકર, એમએસ ધોની, શુભમન ગિલે આ સિદ્ધિ હાંસલ કરી છે.
- જોકે, વિરાટ કોહલીએ કેપ્ટન તરીકે ટેસ્ટમાં 7 બેવડી સદી ફટકારી છે. અન્ય કેપ્ટનોએ આ 1-1 વખત કર્યું છે.
- વિદેશી ટેસ્ટમાં ભારતીય કેપ્ટન દ્વારા ફટકારવામાં આવેલી આ બીજી બેવડી સદી છે. આ પહેલા વિરાટ કોહલીએ 2016માં નોર્થ સાઉન્ડમાં 200 રન બનાવ્યા હતા.
- ગિલ SENA દેશોમાં બેવડી સદી ફટકારનાર પ્રથમ એશિયન કેપ્ટન બન્યો છે. તેમના પહેલા તિલકરત્ને દિલશાને 2011માં લોર્ડ્સમાં 193 રન બનાવ્યા હતા.
ભારતીય કેપ્ટન તરીકે ટેસ્ટમાં બેવડી સદી ફટકારનાર સૌથી યુવા ખેલાડી
- 23 વર્ષ 39 દિવસ: મન્સૂર અલી ખાન પટૌડી વિરુદ્ધ ઇંગ્લેન્ડ, દિલ્હી, 1964
- 25 વર્ષ 298 દિવસ: શુભમન ગિલ વિરુદ્ધ ઇંગ્લેન્ડ, એજબેસ્ટન, 2025
- 26 વર્ષ 189 દિવસ: સચિન તેંડુલકર વિરુદ્ધ ન્યુઝીલેન્ડ, અમદાવાદ, 1999
- 27 વર્ષ 260 દિવસ: વિરાટ કોહલી વિરુદ્ધ વેસ્ટ ઇન્ડીઝ, નોર્થ સાઉન્ડ, 2016
પહેલી ટેસ્ટમાં સદી ફટકારી હતી
રોહિત શર્માએ ટેસ્ટ ક્રિકેટમાંથી નિવૃત્તિ લીધા પછી, શુભમન ગિલને ભારતીય ટેસ્ટ ટીમની કમાન સોંપવામાં આવી હતી. કેપ્ટનશીપની અસર તેના બેટ પર બિલકુલ જોવા મળી ન હતી. ગિલે લીડ્સમાં રમાયેલી પહેલી ટેસ્ટમાં સદી ફટકારી હતી. ગિલે પહેલી ઇનિંગમાં 227 બોલમાં 147 રન બનાવ્યા હતા. આ દરમિયાન તેણે 19 ચોગ્ગા અને 1 છગ્ગો ફટકાર્યો હતો. બીજી ઇનિંગમાં તે ફક્ત 8 રન જ બનાવી શક્યો હતો.
ઇંગ્લેન્ડમાં ભારતીય દ્વારા સૌથી વધુ ટેસ્ટ સ્કોર
- 253*: શુભમન ગિલ, બર્મિંગહામ, 2025
- 221: સુનિલ ગાવસ્કર, ધ ઓવલ, 1979
- 217: રાહુલ દ્રવિડ, ધ ઓવલ, 2002