ICC Cricket Calendar Till 2035: ઈન્ટરનેશનલ ક્રિકેટ કાઉન્સિલ (ICC) દ્વારા 2035 સુધીના પ્રમુખ પુરુષ ક્રિકેટ ટુર્નામેન્ટનું શેડ્યૂલ અને આગામી વર્લ્ડ કપના ક્વાલિફિકેશનનુંફોર્મ્ટ નક્કી કરી દીધું છે. બાલી ખાતે રવિવારે યોજાયેલી ICC બોર્ડની બેઠકમાં આ નિર્ણયોને મંજૂરી આપવામાં આવી હતી. આ નિર્ણય અંતર્ગત ભારતને 2029 ચેમ્પિયન્સ ટ્રોફીની મેજબાની સોંપવામાં આવી છે, જ્યારે 2031 ODI વર્લ્ડ કપનું આયોજન ભારત અને બાંગ્લાદેશ સંયુક્ત રીતે કરશે.
2028 થી 2034 સુધીની ક્રિકેટ ટુર્નામેન્ટોનું શેડ્યૂલ
ICC CEO સંજોગ ગુપ્તાના જણાવ્યા અનુસાર, આગામી વર્ષોમાં વિવિધ દેશોમાં અનેક મોટી ક્રિકેટ ટુર્નામેન્ટ યોજાશે:
- 2028: T20 વર્લ્ડ કપ ઓસ્ટ્રેલિયા અને ન્યૂઝીલેન્ડમાં યોજાશે.
- 2029: વર્લ્ડ ટેસ્ટ ચેમ્પિયનશિપ (WTC) ફાઈનલ મેચ ઈંગ્લેન્ડમાં અને ચેમ્પિયન્સ ટ્રોફી ભારતમાં રમાશે.
- 2030: T20 વર્લ્ડ કપનું આયોજન ઈંગ્લેન્ડ, આયર્લેન્ડ અને સ્કોટલેન્ડમાં થશે.
- 2031: વનડે વર્લ્ડ કપ ભારત અને બાંગ્લાદેશની સંયુક્ત મેજબાની હેઠળ યોજાશે.
- 2032: T20 વર્લ્ડ કપના મેજબાન દેશોની જાહેરાત પાછળથી કરવામાં આવશે.
- 2033: ચેમ્પિયન્સ ટ્રોફીના મેજબાન દેશ અંગેની જાહેરાત પાછળથી થશે.
- 2034: T20 વર્લ્ડ કપના મેજબાન દેશો પણ પાછળથી નક્કી કરાશે.
2028 પુરુષ T20 વર્લ્ડ કપ ક્વોલિફાયરનું ફોર્મેટ
ICC દ્વારા 2028 પુરુષ T20 વર્લ્ડ કપના ગ્લોબલ ક્વાલિફાયરનું ફોર્મેટ પણ જાહેર કરવામાં આવ્યું છે. આ ક્વાલિફાયરમાં કુલ 16 ટીમો ભાગ લેશે અને તેમની વચ્ચે 31 મેચો રમાશે. આ ક્વાલિફાયરમાંથી ટોચની 8 ટીમો T20 વર્લ્ડ કપ માટે પોતાનું સ્થાન પાક્કું કરશે.
મહિલા T20 વર્લ્ડ કપ ક્વોલિફાયર માટેનું ફોર્મેટ
2028 મહિલા T20 વર્લ્ડ કપના ગ્લોબલ ક્વાલિફાયરમાં નીધરલેન્ડ્સ અને સ્કોટલેન્ડની સાથે પ્રાદેશિક ક્વાલિફાયરમાંથી પસંદ થયેલી 8 ટીમો ભાગ લેશે. આ સ્પર્ધામાંથી શ્રેષ્ઠ 2 ટીમો મહિલા T20 વર્લ્ડ કપ માટે ક્વોલિફાય થશે.
LA28 ઓલિમ્પિક માટે પુરુષ-મહિલા ક્વાલિફાયરનું શેડ્યૂલ
લોસ એન્જિલિસ ઓલિમ્પિક 2028 (LA28) માં ક્રિકેટની વાપસી માટે ICC એ પુરુષ અને મહિલા ક્વાલિફાયરની તારીખો અને મેજબાન દેશો નક્કી કરી લીધા છે:
- પુરુષ ક્વાલિફાયર: 5 થી 13 February 2028 દરમિયાન અમેરિકામાં યોજાશે.
- મહિલા ક્વાલિફાયર: 26 February થી 5 March 2028 દરમિયાન બાંગ્લાદેશમાં રમાશે.
આ બંને ક્વાલિફાયરમાં 8-8 ટીમો ભાગ લેશે. ફાઈનલ જીતનારી ટીમ ઓલિમ્પિક માટેનું અંતિમ ઉપલબ્ધ કોટા હાંસલ કરશે. આ રીતે ICC ના આ નવા કાર્યક્રમથી ભારતને 2 મોટી ટુર્નામેન્ટોની મેજબાની મળી છે અને LA28 ઓલિમ્પિકમાં ક્રિકેટની ભાગીદારીનો રસ્તો સ્પષ્ટ થયો છે.