GT vs RR Live Streaming, IPL 2026 Qualifier 2: ઇન્ડિયન પ્રીમિયર લીગ (IPL) 2026 હવે તેના અંતિમ અને સૌથી રોમાંચક તબક્કામાં પહોંચી ગઈ છે. એલિમિનેટર મેચમાં સનરાઇઝર્સ હૈદરાબાદ (SRH) ને 47 રનથી કારમી હાર આપીને રાજસ્થાન રોયલ્સ (RR) એ ખિતાબ જીતવા તરફ વધુ એક મજબૂત પગલું ભર્યું છે. હવે ફાઇનલમાં જગ્યા બનાવવા માટે રાજસ્થાન રોયલ્સ અને ગુજરાત ટાઇટન્સ (GT) વચ્ચે ક્વોલિફાયર 2 મેચ રમાશે. આ હાઇ-વોલ્ટેજ મેચની તારીખ, સમય, સ્થળ અને બંને ટીમોના સ્ક્વોડની સંપૂર્ણ વિગતો અહીં જાણો.
એલિમિનેટરમાં વૈભવ સૂર્યવંશીનો ઐતિહાસિક પાવર-શો
એલિમિનેટર મેચમાં પ્રથમ બેટિંગ કરતા રાજસ્થાન રોયલ્સે 243 રનનો વિશાળ સ્કોર ખડક્યો હતો. આ ઐતિહાસિક સ્કોરનો શ્રેય યુવા ઓપનર વૈભવ સૂર્યવંશીની તોફાની ઇનિંગ્સને જાય છે. વૈભવે માત્ર 29 બોલમાં 5 ચોગ્ગા અને 12 ગગનચુંબી છગ્ગાની મદદથી 97 રનની વિસ્ફોટક ઇનિંગ રમી હતી.
આ સાથે જ વૈભવ સૂર્યવંશીએ IPL ની એક જ સીઝનમાં સૌથી વધુ 65 છગ્ગા ફટકારવાનો નવો રેકોર્ડ બનાવ્યો છે. આ પહેલા આ રેકોર્ડ (59 છગ્ગા) છેલ્લા 14 વર્ષથી વેસ્ટ ઈન્ડિઝના દિગ્ગજ ક્રિસ ગેલના નામે હતો. આ ઉપરાંત ધ્રુવ જુરેલે પણ માત્ર 21 બોલમાં 50 રનની મહત્વપૂર્ણ ઇનિંગ રમી હતી. 244 રનના વિશાળ લક્ષ્યનો પીછો કરવા ઉતરેલી સનરાઇઝર્સ હૈદરાબાદની ટીમ પાવરપ્લેમાં જ 4 વિકેટ ગુમાવીને બેકફૂટ પર આવી ગઈ હતી અને સમગ્ર ટીમ 196 રનમાં ઓલઆઉટ થઈ ગઈ હતી.
GT vs RR ક્વોલિફાયર 2: ક્યારે અને ક્યાં રમાશે મેચ?
ગુજરાત ટાઇટન્સ અને રાજસ્થાન રોયલ્સ વચ્ચેની આ રોમાંચક ક્વોલિફાયર 2 મેચ શુક્રવાર, 29 મેના રોજ રમાશે. આ મેચ જીતનારી ટીમ સીધી ફાઇનલમાં પ્રવેશ કરશે, જ્યાં તેનો સામનો ડિફેન્ડિંગ ચેમ્પિયન રોયલ ચેલેન્જર્સ બેંગ્લોર (RCB) સામે થશે. RCB ક્વોલિફાયર 1 જીતીને સતત બીજી વખત ફાઇનલમાં પહોંચી ચૂક્યું છે.
તારીખ: શુક્રવાર, 29 મે
સ્થળ: મહારાજા યાદવિન્દ્ર સિંહ PCA સ્ટેડિયમ, મુલ્લાનપુર (ન્યૂ ચંદીગઢ)
સમય: સાંજે 7:30 વાગ્યે (ટોસ સાંજે 7:00 વાગ્યે થશે)
ટીવી પ્રસારણ (Live Telecast): સ્ટાર સ્પોર્ટ્સ નેટવર્ક (Star Sports Network) ની વિવિધ ચેનલો પર.
ડિજિટલ સ્ટ્રીમિંગ (Live Streaming): JioHotstar એપ અને તેની સત્તાવાર વેબસાઇટ પર ઉપલબ્ધ રહેશે.
બંને ટીમોનો સ્ક્વોડ
ગુજરાત ટાઇટન્સ (GT): શુભમન ગિલ (કેપ્ટન), સાઈ સુધરસન, જોસ બટલર (વિકેટકીપર), જેસન હોલ્ડર, ઈશાંત શર્મા, જયંત યાદવ, કાગીસો રબાડા, રાહુલ તેવટિયા, લ્યુક વૂડ, શાહરૂખ ખાન, સાઈ કિશોર, વોશિંગ્ટન સુંદર, રાશિદ ખાન, મોહમ્મદ સિરાજ, ગ્લેન ફિલિપ્સ, પ્રસિદ્ધ ક્રિષ્ના, કુમાર કુશાગ્ર (વિકેટકીપર), માનવ સુથાર, કોનોર એસ્ટરહુઇઝન, ગુરનૂર બ્રાર, નિશાંત સિંધુ, અરશદ ખાન, અશોક શર્મા.
રાજસ્થાન રોયલ્સ (RR): રિયાન પરાગ (કેપ્ટન), વૈભવ સૂર્યવંશી, યશસ્વી જયસ્વાલ, રવીન્દ્ર જાડેજા, એડમ મિલ્ને, સંદીપ શર્મા, ડોનોવન ફરેરા (વિકેટકીપર), ધ્રુવ જુરેલ (વિકેટકીપર), યુધવીર સિંહ, દાસુન શનાકા, જોફ્રા આર્ચર, શિમરોન હેટમાયર, તુષાર દેશપાંડે, શાર્દુલ ઠાકુર, સુદીપ સેન, સુધીર મિશ્રા, શુભમ દુબે, વિગ્નેશ પુથુર, અમન રાવ, અમનજોત સિંહ ચહલ, યશ પુંજા, રવિ સિંહ, બ્રિજેશ શર્મા, ક્વેના માફાકા, લુઆન-ડ્રે પ્રિટોરિયસ.