Baroda vs Chandigarh: હાર્દિક પંડ્યાએ ફરી એકવાર વિજય હજારે ટ્રોફીમાં શાનદાર પ્રદર્શન કર્યું. આ ખેલાડીએ ચંદીગઢ સામે પોતાની ટીમને જોરદાર વિજય અપાવ્યો. પ્રથમ બેટિંગ કરતા બરોડાએ 391 રન બનાવ્યા અને જવાબમાં ચંદીગઢની ટીમ 242 રનમાં ઓલઆઉટ થઈ ગઈ. આ મેચમાં હાર્દિક પંડ્યાએ 31 બોલમાં 75 રન બનાવ્યા હતા. તેણે પોતાની ઇનિંગમાં 9 છગ્ગા અને 2 ચોગ્ગા ફટકાર્યા હતા. તેનો સ્ટ્રાઇક રેટ 240થી વધુ હતી. પરંતુ આ પછી પંડ્યાએ એવું કંઈક કર્યું જે BCCIના નિયમોની વિરુદ્ધ હતું.
પંડ્યાએ BCCIની વાત ન સાંભળી
ચંદીગઢ સામે 75 રનની ઇનિંગ રમ્યા બાદ, પંડ્યા પણ બોલિંગ કરવા આવ્યો. તેણે માત્ર બોલિંગની શરૂઆત જ નહીં પણ 10 ઓવર પણ ફેંકી . પંડ્યાએ પોતાના સ્પેલમાં 10 ઓવરમાં 66 રન આપીને 3 વિકેટ ઝડપી હતી. અહીં ખાસ વાત એ છે કે પંડ્યાને BCCI COE દ્વારા બોલિંગ કરવાની પરવાનગી આપવામાં આવી નથી.
જ્યારે ટીમ ઈન્ડિયાની પસંદગી ન્યૂઝીલેન્ડ વનડે શ્રેણી માટે કરવામાં આવી હતી, ત્યારે બીસીસીઆઈએ એક ટ્વિટ દ્વારા માહિતી આપી હતી કે પંડ્યા 10 ઓવર ફેંકવા માટે ફિટ નથી, પરંતુ તેમ છતાં આ ખેલાડીએ વિજય હજારે ટ્રોફીમાં તેના ક્વોટાની બધી ઓવર ફેંકી હતી. T20 વર્લ્ડ કપને ધ્યાનમાં રાખીને COE દ્વારા હાર્દિક પંડ્યાને બાજુ પર રાખવામાં આવ્યો છે અને આ ખેલાડી વિજય હજારે ટ્રોફીમાં સંપૂર્ણ 10 ઓવર બોલિંગ કરી રહ્યો છે. આ કારણોસર પંડ્યાને BCCI તરફથી ઠપકો પણ મળી શકે છે. જોકે, એ પણ શક્ય છે કે આ ઓલરાઉન્ડરે ચંદીગઢ સામેની મેચ પહેલા આ માટે પરવાનગી લીધી હોય.
? HARDIK PANDYA HAMMERED 208 RUNS IN JUST 2 MATCHES IN VHT 2025 ?
— RISHAV (@arroganthardik) January 8, 2026
- with 20 sixes and 11 fours ?? pic.twitter.com/Zws0DWhxZ7
હાર્દિક પંડ્યાનું શાનદાર પ્રદર્શન
હાર્દિક પંડ્યા તેણે વિજય હજારે ટ્રોફીમાં શાનદાર પ્રદર્શન કર્યું છે. ચંદીગઢ સામે 75 રન બનાવવા ઉપરાંત, આ ખેલાડીએ વિદર્ભ સામે પણ શાનદાર પ્રદર્શન કર્યું. પંડ્યાએ 133 રનની ઇનિંગ રમી હતી. પંડ્યાએ છેલ્લી 2 મેચમાં 20 છગ્ગા ફટકાર્યા. પંડ્યા હવે ન્યુઝીલેન્ડ સામેની ટી20 શ્રેણીમાં રમતો જોવા મળશે.