પ્રેમ સંબંધમાં દગો મળ્યા બાદ તેમાથી બહાર નિકળવા શું કરવું? પ્રેમાનંદજી મહારાજે આપ્યો જવાબ

Premanand Ji Maharaj: આદ્યાત્મિક ગુરુ પ્રેમાનંદજી મહારાજના દરબારમાં લોકો પોતના પ્રશ્નો લઈને આવે છે. પ્રેમાનંદજી મહારાજ સરળ શબ્દોમાં તેનું સમાધાન પણ આવે છે. ત્યારે પ્રેમાનંદજી મહારાજને પુછવામાં આવ્યું કે પ્રેસ સંબંધમાં દગો થયા પછી તેમાથી બહાર નિકળવા શું કરવું જોઈએ.

પ્રેમાનંદજી મહારાજે કહ્યું હતું કે આજના આધુનિક સમયમાં યુવા વર્ગ એક એવી ગંભીર સમસ્યાથી ગ્રસિત થઈ રહ્યો છે જે તેમના સમગ્ર જીવનને અંધકાર તરફ ધકેલી રહી છે. લગ્ન પહેલાના પ્રેમ સંબંધોમાં પડ્યા બાદ જ્યારે એક પક્ષ બીજાને છોડી દે છે, ત્યારે આસક્તિને કારણે યુવાનો તેમાંથી બહાર નીકળી શકતા નથી. આ ‘ગર્લફ્રેન્ડ-બોયફ્રેન્ડ’ ની સંસ્કૃતિ બાળકો માટે અત્યંત હાનિકારક સાબિત થઈ રહી છે, જેના કારણે ઘણા બાળકો ડિપ્રેશનમાં સરી પડે છે, માનસિક રીતે વિક્ષિપ્ત થઈ જાય છે અથવા તો આત્મહત્યા જેવા આત્યંતિક પગલાં ભરે છે.

ચરિત્ર જ બધું છે:

પ્રેમાનંદજી મહારાજ મુજબ મિત્રતા કરવી એ પાપ નથી, પરંતુ મિત્રતાના નામે ગંદુ આચરણ કરવું એ પાપ છે. જો કોઈને પ્રેમથી સ્વીકારો તો તેને આજીવન નિભાવવાની ભાવના રાખવી જોઈએ. આજના યુવાનોએ એક મહત્વનું સૂત્ર યાદ રાખવાની જરૂર છે: "જો પૈસા ગયા તો કંઈ નથી ગયું, સ્વાસ્થ્ય ગયું તો થોડું ગયું, પણ જો ચરિત્ર ગયું તો બધું જ જતું રહ્યું." ભારતીય સંસ્કૃતિમાં હંમેશા ચરિત્રની પૂજા થાય છે અને ચરિત્ર વગરનું જીવન નિરર્થક છે.

મોબાઈલ અને બદલાતો સમય:

આજથી 40 વર્ષ પહેલાના સમયની સરખામણી કરીએ તો ત્યારે ગર્લફ્રેન્ડ-બોયફ્રેન્ડ જેવી કોઈ વાત શાળાઓમાં નહોતી. બાળકો પવિત્ર ભાવના સાથે સાથે ભણતા હતા અને તેમની દ્રષ્ટિમાં કોઈ દોષ નહોતો. પરંતુ આજે પરિસ્થિતિ બદલાઈ છે. આજે 12 કે 13 વર્ષનો બાળક મોબાઈલ રૂપી ‘ગુરુ’ પાસેથી બધી જ ગંદી વાતો શીખી લે છે, જેનાથી નવી પેઢીમાં મલિનતા વધી રહી છે. ભારતનું ભવિષ્ય એવા આ બાળકો જ આગળ જઈને ડોક્ટર, જજ, ધારાસભ્ય કે સાંસદ બનવાના છે. જો આ પેઢી વ્યસન અને વ્યભિચારથી મુક્ત નહીં હોય, તો તે સમાજનું કલ્યાણ કરવાને બદલે માત્ર શોષણ જ કરશે.

અધ્યાત્મ જ સાચો માર્ગ:

આ ગૂંચવણો અને માનસિક તણાવમાંથી બહાર નીકળવાનો શ્રેષ્ઠ માર્ગ ‘અધ્યાત્મ’ છે. ભગવાનનું નામ જપવું, સત્સંગ સાંભળવો અને સંતોની વાણી વાંચવી એ જ મનને સ્થિર કરવાની સાચી ઔષધિ છે. આધુનિક શિક્ષણ આપણને ચરિત્રહીનતાથી બચાવી શકતું નથી, તેના માટે ભગવાનનો આશરો લેવો અનિવાર્ય છે.

ભગવાન પર અતૂટ શ્રદ્ધા રાખવી જોઈએ. જે રીતે કર્દમ ઋષિએ ભગવાનની તપસ્યા કરીને પોતાના અનુરૂપ પત્ની માંગી હતી અને ભગવાને તેમનું લગ્ન મહારાજ મનુની પુત્રી દેવહુતિ સાથે કરાવ્યું હતું, તેવી જ રીતે યુવાનોએ પણ સંયમ રાખીને ભગવાન પાસે પ્રાર્થના કરવી જોઈએ. જો યુવાનો સમયસર પોતાની આદતોમાં સુધારો નહીં કરે, તો તેઓ પોતે જ પોતાનું જીવન બરબાદ કરી દેશે.