Shardiya Navratri 2026 Date and Time: સનાતન ધર્મમાં શક્તિની ઉપાસનાનું પર્વ એટલે નવરાત્રી. દેશભરમાં શારદીય નવરાત્રીનો તહેવાર અપાર શ્રદ્ધા અને ઉત્સાહ સાથે ઉજવવામાં આવે છે. આ દિવસોમાં મા આદ્યશક્તિ દેવી દુર્ગાના નવ સ્વરૂપોની પૂજા-અર્ચના કરવામાં આવે છે. માન્યતા છે કે નવરાત્રી દરમિયાન માતાજી પૃથ્વી પર ભ્રમણ કરે છે અને ભક્તો પર કૃપા વરસાવે છે. વર્ષ 2026 માં શારદીય નવરાત્રી કઈ તારીખે શરૂ થશે અને ઘટસ્થાપન માટે કયું મુહૂર્ત શ્રેષ્ઠ રહેશે, તેની વિગતો અહીં મેળવો.
શારદીય નવરાત્રી 2026 તારીખ અને તિથિ
હિન્દુ પંચાંગ અનુસાર, શારદીય નવરાત્રી અશ્વિન મહિનાના શુક્લ પક્ષની એકમ (પ્રતિપદા) તિથિથી શરૂ થાય છે અને નવમી સુધી ચાલે છે. વર્ષ 2026 માટેની વૈદિક ગણતરી મુજબ, પ્રતિપદા તિથિ 10 ઓક્ટોબર શનિવારના રોજ સવારે 09:19 વાગ્યે શરૂ થશે અને બીજા દિવસે 11 ઓક્ટોબરના રોજ સવારે 09:30 વાગ્યે સમાપ્ત થશે. શાસ્ત્રોમાં સૂર્યોદય વ્યાપિની તિથિનું વિશેષ મહત્વ હોવાથી, શારદીય નવરાત્રીનો પ્રારંભ 11 ઓક્ટોબર 2026 થી થશે. આ દિવસે વિધિવત રીતે ઘટસ્થાપન કરીને નવરાત્રી મહોત્સવનો પ્રારંભ કરવામાં આવશે.
ઘટસ્થાપન માટેનું શુભ મુહૂર્ત
જ્યોતિષીય ગણતરીઓ અનુસાર, 11 ઓક્ટોબર 2026 ના રોજ ઘટસ્થાપન માટે બે શ્રેષ્ઠ મુહૂર્ત પ્રાપ્ત થઈ રહ્યા છે:
- સવારનું મુહૂર્ત: સવારે 06:20 થી 10:12 વાગ્યા સુધી (કુલ સમયગાળો: 3 કલાક 52 મિનિટ).
- અભિજિત મુહૂર્ત: બપોરે 11:45 થી 12:32 વાગ્યા સુધી (કુલ સમયગાળો: 46 મિનિટ).
ભક્તો પોતાની અનુકૂળતા મુજબ આ શુભ સમયગાળા દરમિયાન કળશ સ્થાપન કરી શકે છે.
નવરાત્રી 2026 નું સંપૂર્ણ ટાઈમ-ટેબલ
- 11 ઓક્ટોબર: પ્રતિપદા, ઘટસ્થાપન, માં શૈલપુત્રી પૂજા
- 12 ઓક્ટોબર: દ્વિતિયા, માં બ્રહ્મચારિણી પૂજા
- 13 ઓક્ટોબર: તૃતીયા, માં ચંદ્રઘંટા પૂજા
- 14 ઓક્ટોબર: ચતુર્થી, માં કુષ્માંડા પૂજા
- 15 ઓક્ટોબર: પંચમી, માં સ્કંદમાતા પૂજા
- 16 ઓક્ટોબર: ષષ્ઠી, માં કાત્યાયની પૂજા
- 17 ઓક્ટોબર: સપ્તમી, માં કાલરાત્રી પૂજા
- 18 ઓક્ટોબર: સપ્તમી (વિશેષ પૂજા)
- 19 ઓક્ટોબર: મહાઅષ્ટમી, માં મહાગૌરી પૂજા
- 20 ઓક્ટોબર: મહાનવમી, માં સિદ્ધિદાત્રી પૂજા, વિજયાદશમી (દશેરા) અને પારણા
11 ઓક્ટોબર 2026 ના રોજનું પંચાંગ
- સૂર્યોદય: 06:20 AM
- સૂર્યાસ્ત: 05:57 PM
- બ્રહ્મ મુહૂર્ત: 04:41 AM થી 05:31 AM
- અભિજિત મુહૂર્ત: 11:45 AM થી 12:32 PM
- વિજય મુહૂર્ત: 02:05 PM થી 02:51 PM
- અમૃત કાલ: 03:55 PM થી 05:34 PM
- નિશિતા મુહૂર્ત: 11:44 PM થી 12:33 AM (12 ઓક્ટોબર)