Shani Jayanti 2026:16મી મે 2026ના રોજ શનિ જયંતિ(Shani Amavasya 2026)ની ધામધૂમથી ઉજવણી કરવામાં આવશે. જેઠ મહિનાના કૃષ્ણ પક્ષની અમાસની આ તિથિને શનિ દેવના જન્મોત્સવ તરીકે ઉજવવામાં આવે છે. આ વખતે શનિવારના રોજ એક ખાસ સંયોગ બની રહ્યો છે. જે ખૂબ જ દુર્લભ છે. શનિ દેવ ન્યાય અને કર્મના દેવતા છે.
તેમની પૂજા અર્ચનાની યોગ્ય વિધિ કરવાથી ભક્તો પરના સંકટ દૂર થાય છે. વાદળી રંગનું અપરાજિતા ફુલ શનિદેવને ખૂબ જ પ્રિય હોય છે. શનિ જયંતી નિમિત્તે આ ફુલ સાથે સંકળાયેલ ઉપાય કરવાથી અનેક દોષમાંથી રાહત મળે છે.
શનિ જયંતી નિમિતે અપરાજિતા ફુલનું શું મહત્વ છે
શનિદેવને વાદળી રંગનું અપરાજિતા ફૂલ ખૂબ જ પ્રિય છે. એવું માનવામાં આવે છે કે આ ફૂલ ચઢાવવાથી શનિદેવ ઝડપથી પ્રસન્ન થાય છે. શનિદેવના સાડે સતી અને ધૈય્યના દુઃખોને દૂર કરવામાં અપરાજિતા ફૂલ ખાસ અસરકારક માનવામાં આવે છે. આ ફૂલમાં શનિદેવની ઉર્જા હોય છે, જેના કારણે શનિ જયંતિ પર તેનો ઉપયોગ ખાસ કરીને ફળદાયી બને છે.
અપરાજિતાઅર્પણ કરો
શનિ જયંતીના દિવસે સાંજે પીપળાના ઝાડ અથવા શનિ મંદિર પાસે સરસવના તેલનો દીવો પ્રગટાવો. દીવામાં કાળા તલ નાખો. પછી શનિદેવને વાદળી રંગનું અપરાજિતા ફૂલ અર્પણ કરો. આ વિધિ શનિના ક્રોધથી રાહત આપે છે અને નાણાકીય મુશ્કેલી દૂર કરે છે.
અપરાજિતા માળા
શનિ જયંતિ પર અપરાજિતાના ફૂલની માળા ચઢાવો. સૌથી પહેલા આ માળા ભગવાન શિવને અર્પણ કરો, કારણ કે શિવ શનિના ગુરુ છે. ત્યારબાદ તેને શનિદેવને અર્પણ કરો. આ ઉપાય શનિ દોષ, સાડે સતી અને ધૈય્ય માટે ખૂબ જ ફાયદાકારક છે.
શનિબીજ મંત્ર સાથે અપરાજિતા અર્પણ કરો
શનિ જયંતિ પર 'ॐ शं शनैश्चराय नमः' અથવા 'ॐ प्रां प्रीं प्रौं सः शनैश्चराय नमः' મંત્રનો 108 વાર જાપ કરો. ત્યારબાદ શનિદેવને અપરાજિતાના ફૂલ ચઢાવો.આ ઉપાય ખાસ કરીને શનિની મહાદશા અથવા અંતર્દશામાંથી પસાર થતા લોકો માટે ફાયદાકારક છે.