Randhan Chhath 2026 Date and Time: ગુજરાતી પંચાંગ અને સંસ્કૃતિમાં શ્રાવણ માસના તહેવારોનું વિશેષ મહત્વ છે. તેમાં પણ શીતળા સાતમ પૂર્વે આવતી 'રાંધણ છઠ' ગૃહિણીઓ માટે ખૂબ જ મહત્વનો દિવસ ગણાય છે. વર્ષ 2026 માં આ પર્વ કઈ તારીખે છે અને રસોઈ બનાવવા માટે કયા શુભ યોગ છે, તેની વિગતવાર જાણકારી અહીં મેળવો.
રાંધણ છઠ 2026: તારીખ અને તિથિ
વર્ષ 2026 માં રાંધણ છઠનો તહેવાર 02 સપ્ટેમ્બર, બુધવારના રોજ મનાવવામાં આવશે. શીતળા સાતમના એક દિવસ અગાઉ શ્રાવણ વદ છઠના દિવસે આ પર્વ ઉજવાય છે.
- ષષ્ઠી તિથિ પ્રારંભ: 02 સપ્ટેમ્બર, 2026 ના રોજ સવારે 06:12 વાગ્યે.
- ષષ્ઠી તિથિ સમાપ્ત: 03 સપ્ટેમ્બર, 2026 ના રોજ સવારે 04:25 વાગ્યે.
મહત્વ અને પરંપરા
રાંધણ છઠ એ શીતળા સાતમની તૈયારીનો દિવસ છે. સાતમના દિવસે ચૂલો સળગાવવાની મનાઈ હોવાથી અને દેવી શીતળાને ઠંડુ ભોજન અર્પણ કરવાનું હોવાથી, ગુજરાતી પરિવારોમાં છઠના દિવસે જ તમામ પકવાન અને રસોઈ તૈયાર કરી લેવામાં આવે છે. 'રાંધણ' એટલે રસોઈ અને 'છઠ' એટલે છઠ્ઠો દિવસ - આમ આ દિવસે ગૃહિણીઓ ચૂલાની પૂજા કરી વિવિધ વ્યંજનો રાંધે છે.
રાંધણ છઠ 2026: રસોઈ અને પૂજા માટેના શુભ મુહૂર્ત
- વિજય મુહૂર્ત: બપોરે 02:28 PM થી 03:19 PM
- ગોધૂલી મુહૂર્ત: સાંજે 06:42 PM થી 07:05 PM
- સાંય સંધ્યા: સાંજે 06:42 PM થી 07:50 PM
- અમૃત કાલ: રાત્રે 09:06 PM થી 10:38 PM (રસોઈ માટે શ્રેષ્ઠ સમય)
- નિશિતા મુહૂર્ત: મધ્યરાત્રિ 11:59 PM થી 12:44 AM (03 સપ્ટેમ્બર)
- આ ઉપરાંત, 03 સપ્ટેમ્બરના રોજ વહેલી સવારે 01:43 AM થી 06:01 AM સુધી 'સર્વાર્થ સિદ્ધિ યોગ' અને 'રવિ યોગ' પણ બની રહ્યો છે, જે અત્યંત શુભ માનવામાં આવે છે.