Hanuman Jayanti 2026 Date, Puja Vidhi, Timings: દર વર્ષે ચૈત્ર પૂર્ણિમાના દિવસે હનુમાન જન્મોત્સવ (Hanuman Janmotsav 2026) ધામધૂમથી ઉજવાય છે. પરંપરાગત માન્યતા મુજબ આ તિથિએ સૂર્યોદય સમયે ભગવાન હનુમાનનો જન્મ થયો હતો, તેથી આ દિવસ ભક્તો માટે અત્યંત શુભ માનવામાં આવે છે. દેશભરના મંદિરોમાં વહેલી સવારથી પૂજા-પાઠ, દર્શન અને આધ્યાત્મિક કાર્યક્રમોનું આયોજન થાય છે.
એવું માનવામાં આવે છે કે બજરંગબલીની કૃપાથી જીવનમાં અવરોધો દૂર થાય છે અને સફળતા પ્રાપ્ત થાય છે. ભગવાન હનુમાનને ભગવાન શિવનો અવતાર માનવામાં આવે છે અને તેઓ અંજનીપુત્ર, પવનપુત્ર, સંકટમોચન અને બજરંગબલી જેવા અનેક નામોથી પૂજાય છે. હવે જાણીએ કે 2026માં હનુમાન જન્મોત્સવ (Hanuman Janmotsav 2026 Date) ક્યારે છે અને તેનો શુભ મુહૂર્ત શું છે.
હનુમાન જન્મોત્સવ 2026 શુભ મુહૂર્ત (Hanuman Janmotsav 2026 Shubh Muhurat)
ચૈત્ર પૂર્ણિમાની તિથિ 1 એપ્રિલ, 2026ની સવારે 07:06 વાગ્યે શરૂ થશે અને 2 એપ્રિલ, 2026ની સવારે 07:41 વાગ્યે પૂર્ણ થશે. ઉદયાતિથિના નિયમ મુજબ, હનુમાન જન્મોત્સવ 2 એપ્રિલ 2026, ગુરુવારના દિવસે ઉજવવામાં આવશે.
હનુમાન જન્મોત્સવ પૂજા વિધિ (Hanuman Janmotsav Puja Vidhi)
હનુમાન જન્મોત્સવની સવારે વહેલી ઉઠીને સ્નાન કરો અને ભગવાન હનુમાનનું ધ્યાન કરો. ત્યારબાદ નજીકના હનુમાન મંદિરે જઈ પવનપુત્રને સિંદૂર અથવા ચમેલીના તેલમાં મિશ્રિત સિંદૂર અર્પણ કરો. ઇચ્છા હોય તો સિંદુરિયા લંગોટ, મીઠા પાન અથવા તેમના પ્રિય ભોગ પણ સમર્પિત કરી શકો છો.
પૂજા દરમિયાન ચમેલીના તેલનો દીવો પ્રગટાવો અને ગોળ-ચણા અર્પણ કરો. અંતમાં હનુમાન ચાલીસાનો પાઠ, મંત્ર જાપ અને આરતી કરો. માન્યતા છે કે આ દિવસે હૃદયપૂર્વક કરેલી ભક્તિ બજરંગબલીને પ્રસન્ન કરે છે અને ભક્તોના તમામ સંકટો દૂર કરે છે.
હનુમાનજીના મંત્રો (Hanuman Jayanti 2026 Mantra)
- ॐ हं हनुमते नम:
- ॐ नोम भगवते आंजनेयाय महाबलाय स्वाहा
- ॐ हं हनुमते रुद्रात्मकाय हुं फट्
- ओम नमो भगवते हनुमते नम:
- ॐ हं पवननंदनाय स्वाहा
- ॐ नमो हनुमते आवेशाय आवेशाय स्वाहा