Dhanteras 2026 Muhurat, Date, Puja Timings and Vidhi: દિવાળીના મહાપર્વની શરૂઆત ધનતેરસથી થાય છે. હિન્દુ ધર્મમાં ધનતેરસનું વિશેષ મહત્વ છે. શાસ્ત્રો અનુસાર, આ દિવસે ભગવાન ધન્વંતરી, માતા લક્ષ્મી અને ધનના દેવતા કુબેરની પૂજા કરવાથી ઘરમાં સુખ, સમૃદ્ધિ અને સારા સ્વાસ્થ્યનું આગમન થાય છે. વર્ષ 2026 માં ધનતેરસનો તહેવાર ક્યારે છે અને પૂજા માટે કયું મુહૂર્ત શ્રેષ્ઠ રહેશે, તેની સંપૂર્ણ જાણકારી અહીં મેળવો.
ધનતેરસ 2026 તારીખ
આ પણ વાંચો
હિન્દુ પંચાંગ મુજબ, કાર્તિક માસના કૃષ્ણ પક્ષની ત્રયોદશી તિથિએ ધનતેરસ ઉજવવામાં આવે છે. વર્ષ 2026 માં ત્રયોદશી તિથિનો પ્રારંભ 06 નવેમ્બરના રોજ સવારે 10:30 વાગ્યે થશે અને 07 નવેમ્બરના રોજ સવારે 10:47 વાગ્યે સમાપ્ત થશે. પ્રદોષ કાળના મુહૂર્તને ધ્યાનમાં રાખતા, ધનતેરસનો તહેવાર 06 નવેમ્બર, 2026ના રોજ ઉજવવામાં આવશે.
પૂજા માટેનું શ્રેષ્ઠ મુહૂર્ત
ધનતેરસના દિવસે પ્રદોષ કાળ અને વૃષભ કાળમાં પૂજા કરવી અત્યંત ફળદાયી માનવામાં આવે છે. જ્યોતિષીય ગણતરી મુજબ પૂજાનો શુભ સમય નીચે મુજબ રહેશે:
- શુભ મુહૂર્ત: સાંજે 06:30 થી રાત્રે 08:28 સુધી (કુલ સમયગાળો: 01 કલાક 58 મિનિટ)
- પ્રદોષ કાળ: સાંજે 05:59 થી રાત્રે 08:33 સુધી
- વૃષભ કાળ: સાંજે 06:30 થી રાત્રે 08:28 સુધી
આ સમયગાળા દરમિયાન ભગવાન ધન્વંતરી અને કુબેર દેવની પૂજા કરવાથી વિશેષ લાભ પ્રાપ્ત થશે.
ધનતેરસના દિવસે અન્ય શુભ મુહૂર્ત
- બ્રહ્મ મુહૂર્ત: 05:05 AM થી 05:56 AM
- અભિજીત મુહૂર્ત: 12:01 PM થી 12:45 PM
- વિજય મુહૂર્ત: 02:15 PM થી 03:00 PM
- ગોધૂલિ મુહૂર્ત: 05:59 PM થી 06:25 PM
- અમૃત કાલ: 10:31 PM થી 12:10 AM (07 નવેમ્બર)
- નિશિતા મુહૂર્ત: 11:58 PM થી 12:49 AM (07 નવેમ્બર)
ધનતેરસના ચોઘડિયા (Dhanteras Choghadiya 2026)
દિવસના ચોઘડિયા
- લાભ – 08:11 AM થી 09:35 AM
- અમૃત – 09:35 AM થી 10:59 AM
- શુભ – 12:23 PM થી 01:47 PM
રાત્રિના ચોઘડિયા
- લાભ – 09:11 PM થી 10:47 PM
- શુભ – 12:23 AM થી 02:00 AM, નવેમ્બર 07
- અમૃત – 02:00 AM થી 03:36 AM, નવેમ્બર 07
ધનતેરસનું મહત્વ અને ખરીદીની પરંપરા
ધનતેરસને 'ધનત્રયોદશી' તરીકે પણ ઓળખવામાં આવે છે. પૌરાણિક માન્યતા અનુસાર, સમુદ્ર મંથન દરમિયાન આ દિવસે ભગવાન ધન્વંતરી હાથમાં અમૃત કળશ લઈને પ્રગટ થયા હતા. તેઓ આયુર્વેદના જનક ગણાય છે, તેથી આ દિવસે સારા સ્વાસ્થ્ય માટે પણ પ્રાર્થના કરવામાં આવે છે. આ દિવસે સોનું, ચાંદી અને નવા વાસણો ખરીદવાની પરંપરા છે. એવી માન્યતા છે કે ધનતેરસ પર કરેલી ખરીદીથી સંપત્તિમાં 13 ગણો વધારો થાય છે.
ધનતેરસ 2026 પૂજા વિધિ
ધનતેરસના દિવસે યોગ્ય વિધિથી પૂજા કરવાથી આર્થિક સંકટ દૂર થાય છે. ભક્તોએ નીચે મુજબ પૂજા કરવી જોઈએ:
- સવારે વહેલા ઉઠી, સ્નાન કરી સ્વચ્છ વસ્ત્રો ધારણ કરવા.
- ઘરના મંદિરની સફાઈ કરી સૂર્યદેવને જળ અર્પણ કરવું.
- બાજોઠ કે ચોકી પર લાલ કે પીળું વસ્ત્ર પાથરી માતા લક્ષ્મી, ભગવાન ધન્વંતરી અને કુબેરજીની પ્રતિમા સ્થાપિત કરવી.
- ઘીનો દીવો પ્રગટાવી, ચંદનનું તિલક કરી ગણેશજીની પૂજા કરવી.
- ત્યારબાદ કુબેર મંત્ર ‘ॐ ह्रीं कुबेराय नमः’ નો 108 વાર જાપ કરવો અને ધન્વંતરી સ્તોત્રનો પાઠ કરવો.
- અંતે નૈવેદ્ય, ફળ અને મીઠાઈ અર્પણ કરી યથાશક્તિ દાન કરવું.
ધનતેરસ 2026 પૂજા સામગ્રીની યાદી
પૂજા માટે કંકુ (રોલી), અક્ષત (ચોખા), ગાયનું ઘી, ગોળ, ધૂપ, ગંગાજળ, દીવો, લાકડાનો બાજોઠ, કળશ, કપૂર, અગરબત્તી, પુષ્પો, હાર અને દેવી-દેવતાઓની તસવીર જેવી સામગ્રી એકત્ર કરી લેવી જોઈએ.
ધનતેરસ પૂજા મંત્ર (Dhanteras Puja Mantra In Gujarati)
કુબેર મંત્ર
ॐ यक्षाय कुबेराय वैश्रवणाय धनधान्याधिपतये
धनधान्यसमृद्धिं मे देहि दापय स्वाहा॥
કુબેર ધન પ્રાપ્તિ મંત્ર
ॐ श्रीं ह्रीं क्लीं श्रीं क्लीं वित्तेश्वराय नमः॥
કુબેર અષ્ટલક્ષ્મી મંત્ર
ॐ ह्रीं श्रीं क्रीं श्रीं कुबेराय अष्ट-लक्ष्मी मम गृहे धनं पुरय पुरय नमः॥
શ્રી ધન્વંતરી મંત્ર
ॐ धन्वंतराये नमः
ॐ नमो भगवते महासुदर्शनाय वासुदेवाय धन्वंतराये:
अमृतकलश हस्ताय सर्व भयविनाशाय सर्व रोगनिवारणाय
त्रिलोकपथाय त्रिलोकनाथाय श्री महाविष्णुस्वरूप
श्री धनवंतरी स्वरूप श्री श्री श्री औषधचक्र नारायणाय नमः॥