Labh Pancham 2026 Date and Puja Muhuarat in Gujarat: દિવાળીના તહેવારો પૂર્ણ થયા બાદ ગુજરાતમાં વેપાર-ધંધાની નવી શરૂઆત માટે લાભ પાંચમની આતુરતાથી રાહ જોવામાં આવે છે. આ દિવસે અનેક વેપારીઓ પોતાની દુકાનો અને ઓફિસો ફરીથી શરૂ કરે છે, જ્યારે નવા હિસાબી ચોપડાની પૂજા પણ કરવામાં આવે છે. વર્ષ 2026માં લાભ પાંચમ કયા દિવસે આવશે અને પૂજા માટે કયો સમય શુભ રહેશે? ચાલો જાણીએ ગુજરાતના પંચાંગ અનુસાર સંપૂર્ણ વિગતો.
લાભ પાંચમ 2026 ક્યારે છે? (Labh Pancham 2026 Date in Gujarat)
ગુજરાતી પંચાંગ અનુસાર, દર વર્ષે કારતક સુદ પાંચમના દિવસે લાભ પાંચમનો તહેવાર ઉજવવામાં આવે છે. વર્ષ 2026માં લાભ પાંચમ 14 નવેમ્બર, શનિવારના રોજ ઉજવવામાં આવશે. આ વખતે પંચમી તિથિ 13 નવેમ્બર 2026ના રોજ રાત્રે 8:42 વાગ્યે શરૂ થશે અને 14 નવેમ્બરના રોજ રાત્રે 11:23 વાગ્યે પૂર્ણ થશે. ઉદયાતિથિ અનુસાર 14 નવેમ્બરે લાભ પાંચમની ઉજવણી કરવામાં આવશે.
લાભ પાંચમ 2026ની તારીખ અને તિથિ
- તહેવાર: લાભ પાંચમ
- તારીખ: 14 નવેમ્બર 2026, શનિવાર
- ગુજરાતી મહિનો: કારતક
- પક્ષ: શુક્લ પક્ષ
- તિથિ: પાંચમ
- પંચમી તિથિ પ્રારંભ: 13 નવેમ્બર, રાત્રે 8:42 વાગ્યે
- પંચમી તિથિ સમાપ્તિ: 14 નવેમ્બર, રાત્રે 11:23 વાગ્યે
લાભ પાંચમ 2026 પૂજાનું શુભ મુહૂર્ત (Labh Pancham Shubh Muhurat)
લાભ પાંચમના દિવસે લક્ષ્મીજી અને ગણેશજીની પૂજા કરવાનું વિશેષ મહત્વ છે. ખાસ કરીને વેપારીઓ માટે આ દિવસ નવી શરૂઆતનો અવસર માનવામાં આવે છે. અમદાવાદના પંચાંગ અનુસાર, 14 નવેમ્બરે સવારે 6:52થી 10:33 વાગ્યા સુધી પૂજા માટે શુભ મુહૂર્ત રહેશે. આ મુહૂર્તનો કુલ સમયગાળો 3 કલાક 41 મિનિટનો છે.
શુભ મુહૂર્ત
- બ્રહ્મ મુહૂર્ત: સવારે 5:09થી 6:01 વાગ્યા સુધી
- અભિજિત મુહૂર્ત: બપોરે 12:02થી 12:46 વાગ્યા સુધી
- વિજય મુહૂર્ત: બપોરે 2:14થી 2:59 વાગ્યા સુધી
- અમૃત કાળ: બપોરે 2:59થી સાંજે 4:47 વાગ્યા સુધી
- ગોધૂલી મુહૂર્ત: સાંજે 5:56થી 6:22 વાગ્યા સુધી
- રવિ યોગ: રાત્રે 8:24થી 15 નવેમ્બરની સવારે 6:53 વાગ્યા સુધી.
લાભ પાંચમ 2026ના શુભ ચોઘડિયા (Labh Pancham Choghadiya)
ગુજરાતમાં લાભ પાંચમના દિવસે દુકાન, ઓફિસ કે નવા વ્યવસાયની શરૂઆત કરવા માટે શુભ ચોઘડિયા જોવાની પરંપરા છે. અમદાવાદ અનુસાર 14 નવેમ્બરના શુભ ચોઘડિયા આ પ્રમાણે છે.
દિવસના શુભ ચોઘડિયા
- શુભ ચોઘડિયું: સવારે 8:15થી 9:38 વાગ્યા સુધી.
- લાભ ચોઘડિયું: બપોરે 1:47થી 3:10 વાગ્યા સુધી.
- અમૃત ચોઘડિયું: બપોરે 3:10થી 4:33 વાગ્યા સુધી.
રાત્રિના શુભ ચોઘડિયા
- લાભ ચોઘડિયું: સાંજે 5:56થી 7:33 વાગ્યા સુધી.
- શુભ ચોઘડિયું: રાત્રે 9:10થી 10:47 વાગ્યા સુધી.
- અમૃત ચોઘડિયું: રાત્રે 10:47થી 15 નવેમ્બરની રાત્રે 12:24 વાગ્યા સુધી.
- લાભ ચોઘડિયું: 15 નવેમ્બરની સવારે 5:16થી 6:53 વાગ્યા સુધી.
લાભ પાંચમની પૂજા વિધિ (Labh Pancham Puja Vidhi)
- સવારે વહેલા ઊઠીને સ્નાન કરો અને સ્વચ્છ વસ્ત્રો પહેરો.
- ઘરના મંદિર અથવા દુકાન-ઓફિસની સફાઈ કરીને પૂજાનું સ્થાન તૈયાર કરો.
- લક્ષ્મીજી અને ગણેશજીની મૂર્તિ અથવા તસવીર સ્થાપિત કરો.
- ભગવાનને કંકુ, ચોખા, ફૂલ, ધૂપ અને દીવો અર્પણ કરો.
- મીઠાઈ અને ફળનો ભોગ ધરાવી પરિવારની સુખ-સમૃદ્ધિ માટે પ્રાર્થના કરો.
- વેપારીઓ નવા હિસાબી ચોપડાની પૂજા કરીને તેના પ્રથમ પાના પર 'શુભ' અને 'લાભ' લખે છે.
- અંતમાં આરતી કરીને પ્રસાદનું વિતરણ કરો.
ગુજરાતમાં લાભ પાંચમનું શું છે ધાર્મિક મહત્વ?
ગુજરાતમાં લાભ પાંચમ માત્ર ધાર્મિક તહેવાર નથી, પરંતુ વેપાર અને વ્યવસાય સાથે પણ જોડાયેલો વિશેષ દિવસ છે. દિવાળી અને ગુજરાતી નવા વર્ષની ઉજવણી બાદ ઘણા વેપારીઓ આ દિવસે પોતાની દુકાનો અને ઓફિસો ફરીથી ખોલે છે. નવા કામકાજની શરૂઆત માટે પણ આ દિવસ શુભ માનવામાં આવે છે.
લાભ પાંચમને સૌભાગ્ય પાંચમ તરીકે પણ ઓળખવામાં આવે છે. 'લાભ' એટલે ફાયદો અને 'સૌભાગ્ય' એટલે સારા ભાગ્યનું પ્રતીક. ધાર્મિક માન્યતા અનુસાર, આ દિવસે લક્ષ્મીજી અને ગણેશજીની પૂજા કરવાથી ઘરમાં સુખ-સમૃદ્ધિ આવે છે અને વેપારમાં પ્રગતિ થાય છે. ગુજરાતના વેપારીઓ માટે આ દિવસનું વિશેષ મહત્વ છે. તેઓ નવા હિસાબી ચોપડા શરૂ કરે છે અને પ્રથમ પાના પર 'શુભ-લાભ' લખીને નવા વર્ષના વેપારની શરૂઆત કરે છે. જૈન ધર્મમાં આ જ દિવસને જ્ઞાન પાંચમ તરીકે ઓળખવામાં આવે છે. આ દિવસે ધાર્મિક ગ્રંથો અને જ્ઞાન પ્રત્યે આદર વ્યક્ત કરવામાં આવે છે.
લાભ પાંચમ 2026 વિશે વારંવાર પૂછાતા પ્રશ્નો
1. વર્ષ 2026માં ગુજરાતમાં લાભ પાંચમ ક્યારે છે?
વર્ષ 2026માં ગુજરાતમાં લાભ પાંચમ 14 નવેમ્બર, શનિવારના રોજ ઉજવવામાં આવશે.
2. લાભ પાંચમની પંચમી તિથિ ક્યારે શરૂ થશે?
પંચમી તિથિ 13 નવેમ્બરની રાત્રે 8:42 વાગ્યે શરૂ થશે અને 14 નવેમ્બરની રાત્રે 11:23 વાગ્યે પૂર્ણ થશે.
3. લાભ પાંચમના દિવસે પૂજાનું શુભ મુહૂર્ત કયું છે?
અમદાવાદ અનુસાર, સવારે 6:52થી 10:33 વાગ્યા સુધી પૂજાનું શુભ મુહૂર્ત છે.
4. લાભ પાંચમના દિવસે કયા દેવી-દેવતાની પૂજા કરવામાં આવે છે?
આ દિવસે મુખ્યત્વે ભગવાન ગણેશ અને માતા લક્ષ્મીની પૂજા કરવામાં આવે છે. વેપારીઓ નવા ચોપડાની પણ પૂજા કરે છે.
5. લાભ પાંચમને બીજા કયા નામથી ઓળખવામાં આવે છે?
લાભ પાંચમને સૌભાગ્ય પાંચમ અને જૈન પરંપરામાં જ્ઞાન પાંચમ તરીકે પણ ઓળખવામાં આવે છે.