Sagittarius Vikram Samvat 2080 Yearly Horoscope | Dhanu Vikram Samvat 2080 Yearly Horoscope | ધનુ રાશિનું વાર્ષિક રાશિફળ વિક્રમ સંવત 2080: ધનુ રાશિના જાતકો માટે આ વર્ષ ખૂબ જ શુભ રહેવાનું છે. રાહુ-કેતુ-ગુરુ-શનિ જેવા લાંબા ગાળે રાશિ પરિવર્તન કરતા ગ્રહોનું ગોચર આ વર્ષે તમારા જીવનમાં ખૂબ અસર કરશે. 2023ની શરુઆતમાં તમારી શનિની સાડાસાતીનો અંત થયો હતો તેથી આ વર્ષ તમારું શુભ રહ્યુ હતું, હવે આ વર્ષ તેનાથી પણ શુભ રહેવાનું છે કારણે આ વર્ષે તમારા જીવનમાં કેટલીક નવી વસ્તુઓ આવશે, જેના કારણે તમારા ભૌતિક સુખોમાં વધારો થશે.
ગ્રહોના ગોચર પર આંશિક નજર
ગુરુ મહારાજ-
ગુરુ મહારાજ વર્ષ દરમિયાન તમારી રાશિથી પાંચમા સ્થાને ગોચર કરશે, જેના કારણે વિદ્યાર્થીમિત્રોને ખૂબ લાભ થશે. દંપતીઓને સંતાનસુખના યોગ પણ રચાઈ રહ્યા છે. ભાગ્ય સ્થાન પર ગુરુ દ્રષ્ટિ કરતા હોવાથી ભાગ્ય વૃદ્ધિ થશે. કોઈ અજાણી વ્યક્તિ લાભ કરાવી આપશે.
શનિ મહારાજનું ફળ-
શનિ મહારાજ વર્ષ દરમિયાન તમારી રાશિથી ત્રીજા સ્થાને ગોચર કરશે. જેનાં કારણે તમારા સાહસ અને પરાક્રમમાં વધારો થશે. જેટલું સાહસ કરશો તેટલું વધુ કમાઈ શકશો. થોડી ચિંતાઓમાં વધારો થશે. વાણી પર સંયમ રાખવો, વાણીને કારણે સંબંધ બગડી શકે છે.
રાહુ મહારાજનું ફળ-
વર્ષ દરમિયાન તમારી રાશિથી ચોથા સ્થાનથી રાહુ મહારાજ પરિભ્રમણ કરશે, જે તમને નવું મકાન-વાહન ખરીદવામાં મદદરુપ થશે. ઘરમાં નવા મહેમાનનું આગમન પણ થઈ શકે છે.
વ્યવસાય
વર્ષની શરુઆતમાં શુક્ર તમારી રાશિથી કર્મ સ્થાને ગોચર કરી રહ્યા છે. જે વર્ષ દરમિયાન ધંધામાં શુભ ખર્ચો સૂચવે છે. એપ્રિલ 2024 પછી કોઈ ફેરફારના સંયોગ છે.
આરોગ્ય
આરોગ્ય ક્ષેત્રે પણ તમારું આ વર્ષ શુભ રહેવાનું છે. લાંબા ગાળાની બિમારીથી છૂટકારો મળશે. વર્ષના અંત સમયમાં શ્વાસ સંબંધિત બિમારી થઈ શકે છે.
લગ્ન-લગ્નજીવન
આ વર્ષે પ્રેમ સંબંધમાં વાણીનો ખૂબ સમજદારી પૂર્વક ઉપયોગ કરવો. ગુસ્સો કરવો ભારે પડી શકે છે. લગ્નજીવનમાં કોઈ ત્રીજી વ્યક્તિ અસર ન કરે તેનું ધ્યાન રાખવું. ઓગસ્ટ 2024 પછીનો સમય અપરિણીતો માટે માગુ લઈને આવશે.
અભ્યાસ
આ રાશિના વિદ્યાર્થી મિત્રોને આ વર્ષ ખૂબ સારુ રહેવાનું છે. ઉચ્ચ ડિગ્રી હાંસલ કરશો. મેનેજમેન્ટ, ટિચર, વકીલ ક્ષેત્રે જોડાયેલ વિદ્યાર્થીમિત્રઓને ફાયદો થશે.
(આ ફળકથન તમારી ચંદ્ર રાશિ પરથી કરવામાં આવ્યું છે, તમારી અંગત કુંડળી પ્રમાણે આ ફળકથનમાં ફેરફાર થઈ શકે છે)
Disclaimer: આ લેખમાં સમાવિષ્ટ કોઈપણ માહિતી/સામગ્રી/ગણતરીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો / જ્યોતિષીઓ / પંચાંગો / પ્રવચનો / માન્યતાઓ/શાસ્ત્રોમાંથી એકત્રિત કરીને તમારા સુધી લાવવામાં આવી છે. અમારો હેતુ માત્ર માહિતી પ્રસારિત કરવાનો છે, તેના વપરાશકર્તાઓએ તેને માત્ર માહિતી તરીકે લેવી જોઈએ. વધુમાં, વપરાશકર્તા પોતે તેના કોઈપણ ઉપયોગ માટે જવાબદાર રહેશે. ગુજરાતી જાગરણ આની પુષ્ટિ કરતું નથી.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.