અક્ષત પંડ્યા, અમદાવાદ.
Capricorn Vikram Samvat 2080 Yearly Horoscope | Makar Vikram Samvat 2080 Horoscope | મકર રાશિનું વાર્ષિક રાશિફળ વિક્રમ સંવત 2080: મકર રાશિના જાતકો માટે નવું વર્ષ જવાબદારીઓથી ભરેલું રહેશે. શનિ-રાહુ-કેતુ-ગુરુ જેવા લાંબા ગાળે ગોચર કરતા ગ્રહો આ વર્ષ દરમિયાન તમને અસર કરશે. હાલ તમારી સાડાસાતી ચાલી રહી છે, જેનાં કારણે જીવનમાં ખૂબ જ પડકારોનો સામનો કરવો પડશે. વિદેશ પ્રવાસના યોગ બની રહ્યા છે. મકાન-વાહનના પણ યોગ બનશે.
ગ્રહોના ગોચર પર આંશિક નજર
ગુરુ મહારાજનું ગોચર
ગુરુ ગ્રહ વર્ષ દરમિયાન તમારી રાશિથી ચોથા સ્થાનમાં ગોચર કરશે. માતા તરફથી કોઈ લાભ પ્રાપ્ત થશે. મકાન-વાહનમાં વધારો થઈ શકે છે. કર્મસ્થાને પ્રમોશનના યોગ છે. ધાર્મિકતામાં રુચિ વધશે.
શનિ મહારાજનું ગોચર
શનિ મહારાજ તમારી રાશિથી બીજા સ્થાને પરિભ્રમણ કરી રહ્યા છે. એટલે કે તમારે હાલ શનિની સાડાસાતી ચાલી રહી છે. તમામ કાર્યોમાં મોડુ થશે. જીવનમાં મુશ્કેલીઓનો સામનો કરવો પડશે. બચત કરેલા પૈસા વપરાઈ જશે. દેવુ આ વર્ષે બિલકુલ ન કરવું.
રાહુ મહારાજનું ગોચર
રાહુ મહારાજે વર્ષની શરુઆતમાં તમારી રાશિથી ત્રીજા સ્થાને પ્રવેશ કર્યો છે. જેથી તમારા પરાક્રમમાં વધારો થશે અને તેનાથી લાભ પ્રાપ્ત થશે.
વ્યવસાય
ગુરુ ગ્રહની દ્રષ્ટિ તમારા કર્મ સ્થાને પડતી હોવાથી આ વર્ષ વ્યવસાયની દ્રષ્ટિએ ખૂબ સારુ રહેશે. પ્રમોશનના યોગ બની રહ્યા છે. નવું સાહસ કરીને પૈસા કમાવશો. કોઈ કર્મચારી તમારી સંસ્થાને ખૂબ મદદ કરશે. એપ્રિલથી સપ્ટેમ્બર 2024 સુધીના સમયગાળા દરમિયાન ધ્યાન રાખવું.
આરોગ્ય
આ વર્ષ દરમિયાન આરોગ્ય બાબતે વર્ષ મધ્યમ રહેશે. એવા કોઈ અશુભ ગ્રહો ગોચર નથી કરી રહ્યા પણ અગાઉ જણાવ્યું તે અનુસાર શનિની સાડાસાતીની અસર તમને થોડી નડશે.
લગ્ન-લગ્નજીવન
આ વર્ષે અપરિણીતોના લગ્ન થઇ શકે છે. લગ્નજીવન બાબતે સાચવવું જરુરી બની રહેશે. જીવનસાથી સાથે મહત્વની વાતો શેર કરવાનું રાખો તે તમારા જીવનને સુખાકારી તરફ લઇ જશે. પ્રેમજીવન માટે વર્ષ મધ્યમ.
અભ્યાસ
વિદ્યાર્થીમિત્રો માટે આ વર્ષ ખૂબ જ શુભ રહેવાનું છે. સરકારી ક્ષેત્ર, મેડિકલ અને ITમાં કાર્ય કરતા જાતકોને ખૂબ લાભ થવાનો છે.
(આ ફળકથન તમારી ચંદ્ર રાશિ પરથી કરવામાં આવ્યું છે, તમારી અંગત કુંડળી પ્રમાણે આ ફળકથનમાં ફેરફાર થઈ શકે છે)
Disclaimer: આ લેખમાં સમાવિષ્ટ કોઈપણ માહિતી/સામગ્રી/ગણતરીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો / જ્યોતિષીઓ / પંચાંગો / પ્રવચનો / માન્યતાઓ/શાસ્ત્રોમાંથી એકત્રિત કરીને તમારા સુધી લાવવામાં આવી છે. અમારો હેતુ માત્ર માહિતી પ્રસારિત કરવાનો છે, તેના વપરાશકર્તાઓએ તેને માત્ર માહિતી તરીકે લેવી જોઈએ. વધુમાં, વપરાશકર્તા પોતે તેના કોઈપણ ઉપયોગ માટે જવાબદાર રહેશે. ગુજરાતી જાગરણ આની પુષ્ટિ કરતું નથી.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.