અક્ષત પંડ્યા, અમદાવાદ.
Aries Vikram Samvat 2080 Yearly Horoscope | Mesh Vikram Samvat 2080 Horoscope | મેષ રાશિનું વાર્ષિક રાશિફળ વિક્રમ સંવત 2080: મેષ રાશિ(અ,લ,ઈ અક્ષર)ના જાતકો માટે વિક્રમ સંવત 2080નું નવું વર્ષ ખૂબ જ શુભ રહેવાનું છે. નવા વર્ષની શરુઆતમાં જ રાહુ મહારાજ કે જેઓ અઢી વર્ષથી તમારી રાશિ પરથી પસાર થઈ રહ્યા હતા, તેઓ 30 ઓક્ટોબર 2023ના રોજ મીન રાશિમાં પ્રવેશી ચૂક્યા છે. જેથી અઢી વર્ષથી તમે જે મહેનત કરી રહ્યા છો તેનું પરિણામ તમને આ નવા વર્ષે પ્રાપ્ત થશે. પરંતુ મીન રાશિ તમારાથી બારમી રાશિ હોવાથી ખર્ચા પણ આ વર્ષે વધુ આવે તેવી સંભાવનાઓ વ્યક્ત કરી શકાય છે.
ગ્રહોના ગોચર પર આંશિક નજર
ગુરુ મહારાજનું ફળ
ગુરુ મહારાજ વર્ષની શરુઆતમાં તમારી જ રાશિ પરથી પરિભ્રમણ કરશે, જે શુભ બાબત કહી શકાય. ધાર્યા પરિણામો હાંસલ કરશો. સારી ડિગ્રી આ વર્ષે મેળવશો. આત્મવિશ્વાસ વધશે. અટકેલા કાર્યો પૂરા થશે. નવા લોકો સાથે મિત્રતા વધશે અને વ્યાવસાયિક સંબંધો કેળવશો. અપરિણીત જાતકોના લગ્ન આ વર્ષે થઈ જશે.
શનિ મહારાજનું ફળ
શનિ મહારાજ તમારી રાશિથી અગિયારમાં સ્થાનમાં પરિભ્રમણ કરી રહ્યા છે. જે તમને લાભ આપશે. અણધાર્યો લાભ મળી શકે છે. સાસરીયા પક્ષમાંથી કોઈ મોટી મદદ મળશે. વર્ષ દરમિયાન થોડી આળસનો અનુભવ થશે. મહેનતનું ફળ મોડું મળશે.
રાહુ મહારાજનું ફળ
રાહુ મહારાજ તમારી રાશિથી બારમે પરિભ્રમણ કરશે. જે તમારા ખર્ચાઓમાં અસહ્ય વધારો કરાવશે. માનસિક સ્વાસ્થ્ય પર પણ રાહુ મહારાજની અસર જોવા મળશે. વાણી પર સંયમ રાખવો, તમારા આખાબોલા સ્વભાવના કારણે લોકો સાથે સંબંધો વણસી શકે છે.
વ્યવસાય
વર્ષની શરુઆતમાં ગુરુ તમારી રાશિમાંથી જ પસાર થઈ રહ્યા છે. જે ખૂબ સારી બાબત ગણી શકાય. વ્યવસાય ક્ષેત્રે આ વર્ષ સારામાં સારુ રહેશે. નવું રોકાણ કરી શકશો. જે કાર્ય અટકી ગયા હતા તે ફરીથી શરુ થશે. કર્મચારીઓનો વિશ્વાસ જીતવો થોડો અઘરો બની રહેશે. એકંદરે વ્યવસાય ક્ષેત્રે આ વર્ષ શુભ રહેશે.
આરોગ્ય
આ વર્ષે આરોગ્ય બાબતે ખર્ચો થશે, પોતાના કે પરિવારના સભ્યો પાછળ સ્વાસ્થ્ય બાબતે ખૂબ ખર્ચાનું અનુમાન લગાવી શકાય છે. વિદેશથી કોઈ ખરાબ સમાચાર આવી શકે છે.
આર્થિક ક્ષેત્ર
આર્થિક ક્ષેત્રે આ વર્ષ મિશ્ર રહેશે. વાહનમાં ખૂબ ખર્ચો કરવો પડશે, નવું વાહન ખરીદવાના પણ યોગ રહેલા છે. મે મહિના પછી ખર્ચમાં આંશિક રાહત થશે. જુલાઈ 2024 પછી અચાનક આવતના સ્ત્રોત વધવા લાગશે અને સારી એવી બચત કરી શકશો. કોઈ મિત્ર તમને આર્થિક રીતે નુકસાન પહોંચાડી શકે છે, સમજીને વ્યવહાર કરવા.
લગ્ન-લગ્નજીવન
વર્ષ દરમિયાન ગુરુ તમારી રાશિમાંથી જ પસાર થઇ રહ્યા છે, ગુરુ લગ્નનો કારક ગ્રહ છે. જેના કારણે લગ્નોત્સુક જાતકોના આ વર્ષે લગ્ન થઈ શકે છે. જેઓ પરિણીત છે તેમનું લગ્નજીવન સુમેળભર્યું રહેશે. પ્રેમ સંબંધોમાં પણ સફળતા મળવાના યોગ રહેલા છે.
અભ્યાસ
મેષ રાશિના વિદ્યાર્થી મિત્રો માટે આ વર્ષ ખૂબ જ શુભ રહેવાનું છે. આ વર્ષે સારી ડિગ્રી પ્રાપ્ત કરી શકશો. કઈંક એવું નવું શિખવા મળશે કે જે તમને જીવનભર કામમાં આવી શકશે. સપ્ટેમ્બર 2024 પછીનો સમય શુભ રહેશે.
(આ ફળકથન તમારી ચંદ્ર રાશિ પરથી કરવામાં આવ્યું છે, તમારી અંગત કુંડળી પ્રમાણે આ ફળકથનમાં ફેરફાર થઈ શકે છે)
Disclaimer: આ લેખમાં સમાવિષ્ટ કોઈપણ માહિતી/સામગ્રી/ગણતરીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો / જ્યોતિષીઓ / પંચાંગો / પ્રવચનો / માન્યતાઓ/શાસ્ત્રોમાંથી એકત્રિત કરીને તમારા સુધી લાવવામાં આવી છે. અમારો હેતુ માત્ર માહિતી પ્રસારિત કરવાનો છે, તેના વપરાશકર્તાઓએ તેને માત્ર માહિતી તરીકે લેવી જોઈએ. વધુમાં, વપરાશકર્તા પોતે તેના કોઈપણ ઉપયોગ માટે જવાબદાર રહેશે. ગુજરાતી જાગરણ આની પુષ્ટિ કરતું નથી.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.