West Bengal CM Oath Ceremony Update: પશ્ચિમ બંગાળના રાજકીય ઇતિહાસમાં આજે એક નવું પ્રકરણ લખાયું છે. ભારતીય જનતા પાર્ટી (BJP) ના દિગ્ગજ નેતા સુવેન્દુ અધિકારી આજે પશ્ચિમ બંગાળના નવા મુખ્યમંત્રી તરીકે શપથ ગ્રહણ કર્યા છે. આ સાથે જ રાજ્યમાં પહેલીવાર ભાજપની સરકાર બની છે અને મમતા બેનર્જીના 15 વર્ષના એકહથ્થુ શાસનનો સત્તાવાર રીતે અંત આવ્યો છે.
LIVE: শপথ গ্রহণ অনুষ্ঠান | ব্রিগেড প্যারেড গ্রাউন্ড, কলকাতা। https://t.co/7yIHkuNMFH
— BJP West Bengal (@BJP4Bengal) May 9, 2026
સુવેન્દુ અધિકારીએ શપથ ગ્રહણ કર્યા
સુવેન્દુ અધિકારીનો શપથ ગ્રહણ સમારોહ કોલકાતાના ઐતિહાસિક બ્રિગેડ પરેડ ગ્રાઉન્ડ ખાતે સવારે 11:00 વાગ્યે યોજાયો હતો. આ કાર્યક્રમની ભવ્યતાનો અંદાજ એ વાત પરથી લગાવી શકાય છે કે તેમાં વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ, ભાજપના રાષ્ટ્રીય અધ્યક્ષ નીતિન નવીન તેમજ 20 જેટલા રાજ્યના મુખ્યમંત્રીઓ પણ હાજર રહ્યા હતા. લોકતાંત્રિક મર્યાદા અને પ્રોટોકોલ જાળવી રાખતા, ભાજપ દ્વારા પૂર્વ મુખ્યમંત્રી મમતા બેનર્જીને પણ આ સમારોહમાં હાજર રહેવા માટે સત્તાવાર આમંત્રણ પાઠવવામાં આવ્યું હતું.
#WATCH Kolkata | BJP leader Suvendu Adhikari takes oath as the first BJP Chief Minister of West Bengal since independence pic.twitter.com/6F6jiQkiwE
— ANI (@ANI) May 9, 2026
'જાયન્ટ કિલર' તરીકે સાબિત થયા હતા
સુવેન્દુ અધિકારીએ આ ચૂંટણીમાં 'જાયન્ટ કિલર' સાબિત થયા છે. તેમણે મમતા બેનર્જીના ગઢ ગણાતા ભવાનીપુર વિસ્તારમાં તેમને હરાવીને ભાજપની જીતમાં મહત્વની ભૂમિકા ભજવી હતી. 8 મેના રોજ કોલકાતા પહોંચેલા અમિત શાહની હાજરીમાં સુવેન્દુ અધિકારીને સર્વસંમતિથી ભાજપ વિધાનસભા પક્ષના નેતા તરીકે ચૂંટવામાં આવ્યા હતા. ત્યારબાદ, તેમણે રાજ્યપાલ આર.એન. રવિને મળીને ધારાસભ્યોના સમર્થન પત્ર સાથે સરકાર બનાવવાનો દાવો રજૂ કર્યો હતો.
#WATCH Kolkata | BJP leader Suvendu Adhikari greets PM Narendra Modi and other senior leaders of the NDA after taking oath as the Chief Minister of West Bengal pic.twitter.com/xjgOgTh6U9
— ANI (@ANI) May 9, 2026
બંગાળમાં ચૂંટણી પરિણામોનું ગણિત
પશ્ચિમ બંગાળની આ વિધાનસભા ચૂંટણીમાં ભાજપે અભૂતપૂર્વ પ્રદર્શન કર્યું છે. કુલ બેઠકોમાંથી 207 બેઠકો પર ભવ્ય વિજય મેળવીને ભાજપે સ્પષ્ટ બહુમતી હાંસલ કરી છે. બીજી તરફ, સત્તાધારી તૃણમૂલ કોંગ્રેસ (TMC) માત્ર 80 બેઠકો પર સમેટાઈ ગઈ છે. આ જનાદેશ સ્પષ્ટપણે દર્શાવે છે કે બંગાળની જનતાએ પરિવર્તનના પક્ષમાં મતદાન કર્યું છે.
બંગાળમાં પરિવર્તનની લહેર જોવા મળશે
સુવેન્દુ અધિકારી બંગાળના પ્રથમ ભાજપ મુખ્યમંત્રી બનીને ઈતિહાસ રચ્યો છે. લાંબા સમય સુધી વામપંથીઓ અને ત્યારબાદ TMC ના શાસન બાદ, બંગાળમાં હવે 'સોનાર બાંગ્લા' ના સંકલ્પ સાથે ભાજપે શાસન શરૂ કર્યું છે.