Uttarakhand Avalanche: ઉત્તરાખંડના કેદારતાલ ટ્રેક પર ભોજખડકથી આગળ હિમસ્ખલન (Avalanche) થવાને કારણે 8 લોકો ફસાઈ ગયા છે, જ્યારે 4 લોકો સુરક્ષિત મળી આવ્યા છે. કચ્ચી ઢાંગ પાસે સુરક્ષિત મળી આવેલા 4 લોકોમાં 3 પોર્ટર અને 1 કૂકનો સમાવેશ થાય છે.
ફસાયેલા લોકોને સુરક્ષિત બહાર કાઢવા માટે શનિવારે NDRF, SDRF, વન વિભાગ અને ટ્રેકિંગ એજન્સીની ટીમો બચાવ અભિયાનમાં જોડાઈ ગઈ છે. આ દુર્ગમ વિસ્તારમાં રેસ્ક્યુ કામગીરીના પડકારોને ધ્યાનમાં રાખીને હેલિકોપ્ટરની મદદ લેવાના પ્રયાસો પણ કરવામાં આવી રહ્યા છે.
જિલ્લા આપાતકાલીન પરિચાલન કેન્દ્રમાંથી મળેલી માહિતી અનુસાર, 27 ઓક્ટોબરના રોજ ગંગોત્રીથી 7 ટ્રેકર્સ અને 6 સપોર્ટિંગ સ્ટાફ સહિત કુલ 13 સભ્યોનું દળ કેદારતાલ ટ્રેક માટે રવાના થયું હતું. આ દળની વાપસી 29 ઓક્ટોબરના રોજ નિર્ધારિત હતી, પરંતુ ખરાબ હવામાન, ગ્લેશિયર અને બરફ વર્ષાના કારણે ટ્રેકિંગ માર્ગ સંપૂર્ણપણે અવરોધાઈ ગયો હતો.
નિર્ધારિત સમયે ટીમ પરત ન ફરતાતેમની સાથે સંપર્ક કરવાના પ્રયાસો કરવામાં આવ્યા હતા. ત્યારબાદ 30 ઓક્ટોબરના રોજ ટ્રેકિંગ એજન્સી મારફતે ફોન પર સંપર્ક થતા ટીમે કચ્ચી ઢાંગ પાસે પોતે સુરક્ષિત હોવાની માહિતી આપી હતી અને તાત્કાલિક મદદ માટે વિનંતી કરી હતી.