Rahul Gandhi Statement: રાયબરેલીમાં રાહુલ ગાંધીના આકરા પ્રહારો; PM મોદી, અમિત શાહ અને અર્થતંત્રના મુદ્દે ગંભીર આક્ષેપોથી દેશમાં રાજકીય ગરમાવો

Rahul Gandhi Statement on PM Modi: લોકસભામાં વિરોધ પક્ષના નેતા અને કોંગ્રેસ સાંસદ રાહુલ ગાંધીએ ઉત્તર પ્રદેશના રાયબરેલીમાં એક જાહેર સભાને સંબોધિત કરતી વખતે કેન્દ્ર સરકાર અને વડાપ્રધાન નરેન્દ્ર મોદી પર અત્યાર સુધીના સૌથી આકરા પ્રહારો કર્યા છે. દેશની વર્તમાન આર્થિક સ્થિતિ, મોંઘવારી અને ખાનગી ઉદ્યોગપતિઓ સાથે સરકારના કથિત જોડાણ અંગે રાહુલ ગાંધીએ કરેલા તીખા આક્ષેપોને કારણે દેશના રાજકીય વર્તુળોમાં ભારે હોબાળો મચી ગયો છે.

'દેશ આર્થિક તોફાન તરફ આગળ વધી રહ્યો છે' - રાહુલ ગાંધી

પોતાના સંબોધનમાં રાહુલ ગાંધીએ વડાપ્રધાન નરેન્દ્ર મોદી, ગૃહમંત્રી અમિત શાહ અને રાષ્ટ્રીય સ્વયંસેવક સંઘ (RSS) પર દેશની બંધારણીય અને આર્થિક વ્યવસ્થાને નુકસાન પહોંચાડવાનો સીધો આક્ષેપ કર્યો હતો. તેમણે જણાવ્યું હતું કે, 'નરેન્દ્ર મોદીએ ભારતની આર્થિક વ્યવસ્થાને ભારે નુકસાન પહોંચાડ્યું છે. દેશ ખૂબ જ નજીકના સમયમાં એક મોટા આર્થિક તોફાનનો સામનો કરવા જઈ રહ્યો છે, જેમાંથી બચાવવામાં નરેન્દ્ર મોદી કે ભારત સરકાર સંપૂર્ણપણે નિષ્ફળ સાબિત થશે.'

जब भी BJP-RSS के लोग आपके सामने आएं और नरेंद्र मोदी-अमित शाह की बात करें तो आप उनसे खुलकर कहिए 👇

नरेंद्र मोदी-अमित शाह गद्दार हैं। BJP-RSS गद्दार हैं, क्योंकि आप लोगों ने मिलकर देश को बेचने का काम किया है।

BJP-RSS ने संविधान पर, वीरा पासी जी, गांधी जी और अंबेडकर जी पर हमला… pic.twitter.com/PiMQnRRmW8

— Congress (@INCIndia) May 20, 2026

રાહુલ ગાંધીએ વધુમાં કહ્યું કે, 'જ્યારે સ્થિતિ કાબૂ બહાર જશે, ત્યારે તેઓ જનતા સમક્ષ આજીજી કરશે અને પોતાની ભૂલ સ્વીકારવાનો ઇનકાર કરશે. પરંતુ હું દેશની જનતાને સ્પષ્ટ કહેવા માંગુ છું કે દેશની આ આર્થિક દુર્દશા પાછળ માત્ર નરેન્દ્ર મોદી, અમિત શાહ અને આરએસએસની નીતિઓ જ જવાબદાર છે.'

ઇંધણના ભાવો અને કોર્પોરેટ ફંડિંગ અંગે વિવાદાસ્પદ દાવો

રાહુલ ગાંધીએ દેશમાં પેટ્રોલ અને ડીઝલના વધી રહેલા ભાવો અંગે સરકારની નીતિઓ અને મોટા કોર્પોરેટ જૂથો વચ્ચેના કથિત સંબંધો પર પણ મોટો દાવો કર્યો હતો. તેમણે આરોપ લગાવતા કહ્યું કે, 'ચૂંટણી પહેલા દેશની જનતાને એવું આશ્વાસન આપવામાં આવ્યું હતું કે ઇંધણની કોઈ અછત નથી અને પેટ્રોલના ભાવો વધશે નહીં. પરંતુ આજે વાસ્તવિકતા આપણી સામે છે અને ભાવો આસમાને પહોંચી ગયા છે.'

તેમણે વધુમાં જણાવ્યું કે, 'અંબાણી રશિયા પાસેથી સસ્તું ક્રૂડ ઓઇલ ખરીદે છે, તેને રિફાઇન કરીને વિદેશમાં નિકાસ કરે છે અને આ સમગ્ર પ્રક્રિયાથી મેળવેલા નાણાંનો ઉપયોગ નરેન્દ્ર મોદીને રાજકીય ભંડોળ પૂરું પાડવા માટે કરવામાં આવી રહ્યો છે. આ જ દેશનું કડવું સત્ય છે."

પીએમ મોદીની અપીલ અને જનતાની હાલાકી પર કટાક્ષ

#WATCH | रायबरेली: लोकसभा में नेता प्रतिपक्ष व कांग्रेस सांसद राहुल गांधी ने कहा, "नरेंद्र मोदी कहते हैं कि विदेश मत जाएं, सोना न खरीदें, इलेक्ट्रिक गाड़ी खरीदें। आने वाले समय में किसान के पास खाद नहीं होगा। देखिए कुछ महीनों में महंगाई कहां जाती है, पेट्रोल, डीज़ल, तेल, गैस, दाल,… pic.twitter.com/04Q1fx55vA

— ANI_HindiNews (@AHindinews) May 20, 2026

વડાપ્રધાન દ્વારા સામાન્ય નાગરિકોને આપવામાં આવતી વિવિધ સલાહ પર કટાક્ષ કરતા કોંગ્રેસ નેતાએ દેશમાં આગામી સમયમાં ભયંકર મોંઘવારી વધવાની આશંકા વ્યક્ત કરી હતી. તેમણે કટાક્ષ કરતા ઉમેર્યું કે, 'વડાપ્રધાન દેશની સામાન્ય જનતાને વિદેશ પ્રવાસ ન કરવા, સોનું ન ખરીદવા અને તેના બદલે ઇલેક્ટ્રિક વાહનો (EV) ખરીદવા માટે અપીલ કરી રહ્યા છે. પરંતુ તેઓ પોતે હજારો કરોડ રૂપિયાના અતિ આધુનિક લક્ઝરી વિમાનમાં બેસીને વિદેશ પ્રવાસો કરે છે. આગામી સમયમાં દેશના ખેડૂતો ખાતરની તીવ્ર અછતનો સામનો કરશે. પેટ્રોલ, ડીઝલ, ખાદ્ય તેલ, રાંધણ ગેસ, કઠોળ અને ચોખા જેવી મૂળભૂત ચીજવસ્તુઓના ભાવો સામાન્ય નાગરિકની પહોંચ બહાર જવાના છે, જે દેશ માટે ખૂબ જ ચિંતાજનક બાબત છે.'