PM Kisan 24th Installment: દેશના કરોડો અનદાતાઓ માટે પીએમ કિસાન સન્માન નિધિ યોજના (PM Kisan Samman Nidhi Scheme) ના 24મા હપ્તાને લઈને એક મહત્વપૂર્ણ અપડેટ સામે આવ્યું છે. 20 ઓક્ટોબરની તારીખ ખેડૂતો માટે ખૂબ જ નિર્ણાયક માનવામાં આવી રહી છે, કારણ કે આ દિવસે યોજનાનો છેલ્લો હપ્તા જમા થયો તેને ચાર મહિનાનો સમયગાળો પૂર્ણ થઈ રહ્યો છે. આ જ ગણતરી મુજબ ખેડૂતોના ખાતામાં ટૂંક સમયમાં 2,000 નો આગામી હપ્તો ટ્રાન્સફર થાય તેવી પ્રબળ શક્યતાઓ સેવાઈ રહી છે.
શું દશેરાએ ખેડૂતોને મળશે ભેટ?
આ પણ વાંચો
નિયમ અનુસાર કેન્દ્ર સરકાર દર ચાર મહિને પીએમ કિસાન યોજના હેઠળ ખેડૂતોને 2,000 નો હપ્તા જારી કરે છે. ચાલુ વર્ષે 2026 માં બીજો (23મો) હપ્તો 20 જૂનના રોજ મુક્ત કરવામાં આવ્યો હતો. તે હિસાબે 20 ઓક્ટોબરે બરાબર ચાર મહિના પૂરા થાય છે.
યોગાનુયોગે 20 ઓક્ટોબરે દશેરા (રાવણ દહન) નો પવિત્ર તહેવાર પણ છે. આથી અટકળો ચાલી રહી છે કે કૃષિ મંત્રાલય દશેરાના શુભ અવસરે દેશના ખેડૂતોને મોટી આર્થિક ભેટ આપી શકે છે. અત્યાર સુધીમાં યોજનાના કુલ 23 હપ્તા સફળતાપૂર્વક ખેડૂતોના ખાતામાં જમા થઈ ચૂક્યા છે.
બેંકિંગ રજા અને દિવાળી પહેલાં હપ્તો જમા થવાની શક્યતા
જોકે, 24મા હપ્તાની સત્તાવાર તારીખ અંગે સરકારે હજુ સુધી કોઈ જાહેરનામું બહાર પાડ્યું નથી. 20 ઓક્ટોબરે દશેરાના કારણે બેંકોમાં જાહેર રજા રહેશે, જેના કારણે તે જ દિવસે સીધો હપ્તો જાહેર કરવામાં થોડો વિલંબ પણ થઈ શકે છે.
નિષ્ણાતોના મતે, દશેરાના દિવસે હપ્તો ન આવે તો પણ સરકાર દિવાળીના તહેવાર પહેલાં અથવા દશેરા અને દિવાળી વચ્ચેના સમયગાળામાં 24મો હપ્તો જારી કરી દેશે. ગયા વર્ષના વલણ પર નજર કરીએ તો ત્રીજો હપ્તો 19 નવેમ્બરે આવ્યો હતો, જ્યારે તે પહેલાંનો હપ્તો 2 ઓગસ્ટે જમા થયો હતો. એટલે કે સરકારે બે હપ્તા વચ્ચે 3 મહિના અને 17 દિવસનો જ સમયગાળો રાખ્યો હતો. આ સ્થિતિમાં પ્રબળ સંભાવના છે કે સરકાર દિવાળી પૂર્વે જ દેશના કરોડો ખેડૂતોના ખાતામાં 2,000 ટ્રાન્સફર કરીને તહેવારોની ભેટ આપશે.