PM Kisan 24th Installment Date: દેશના કરોડો ખેડૂતો માટે એક મહત્વના અને રાહતના સમાચાર સામે આવ્યા છે. કેન્દ્રીય કૃષિ મંત્રાલય દ્વારા 23 ઓક્ટોબર 2026 ના રોજ કરવામાં આવેલી સત્તાવાર જાહેરાત મુજબ, 'પ્રધાનમંત્રી કિસાન સન્માન નિધિ' (PM-KISAN) યોજનાનો 24મો હપ્તો આગામી 30 ઓક્ટોબર 2026 ના રોજ જારી કરવામાં આવશે. આ દિવસે દેશના તમામ પાત્રતા ધરાવતા ખેડૂતોના બેંક ખાતામાં ₹2,000 ની રકમ સીધી DBT મારફતે ટ્રાન્સફર કરવામાં આવશે. નોંધનીય છે કે આ હપ્તો વર્ષ 2026ના કેલેન્ડર વર્ષનો છેલ્લો અને નાણાકીય વર્ષ 2026-27 નો બીજો હપ્તાની રકમ છે.
જોકે, સરકાર તરફથી સ્પષ્ટ ચેતવણી પણ આપવામાં આવી છે કે જે ખેડૂતોએ હજુ સુધી પોતાનું ઈ-કેવાયસી (e-KYC) પૂર્ણ કર્યું નથી, તેમના ખાતામાં 24મા હપ્તાની રકમ અટકાવી દેવામાં આવશે.
કેવી રીતે તપાસવું e-KYC નું સ્ટેટસ?
તમારું e-KYC પૂર્ણ થયું છે કે નહીં તે જાણવા માટે ખેડૂતો નીચે દર્શાવેલ સરળ પગલાં અનુસરી શકે છે:
1) સૌ પ્રથમ પીએમ કિસાન યોજનાની સત્તાવાર વેબસાઇટ pmkisan.gov.in પર જાઓ.
2) હોમપેજ પર જમણી બાજુ આપેલા 'Know Your Status' (તમારી સ્થિતિ જાણો) વિકલ્પ પર ક્લિક કરો.
3) તમારો રજિસ્ટ્રેશન નંબર અને સ્ક્રીન પર દેખાતો કેપ્ચા કોડ દાખલ કરી 'Get OTP' પર ક્લિક કરો.
4) રજિસ્ટર્ડ મોબાઈલ પર આવેલો ઓટીપી દાખલ કરતા જ તમારો સ્ટેટસ રિપોર્ટ ખુલી જશે.
5) જો e-KYC સામે લીલા રંગની નિશાની (Green Tick) દેખાય તો તમારું ઈ-કેવાયસી પૂર્ણ છે, પરંતુ જો લાલ રંગનો સંકેત દેખાય તો તમારે તુરંત આ પ્રક્રિયા પૂર્ણ કરવી પડશે.
e-KYC પૂર્ણ કરવાની 3 સરળ પદ્ધતિઓ
ખેડૂતો પોતાની સુવિધા મુજબ નીચે દર્શાવેલી ત્રણમાંથી કોઈપણ એક રીતે ઈ-કેવાયસી પ્રક્રિયા પૂર્ણ કરી શકે છે:
1) OTP-આધારિત e-KYC (PM-KISAN પોર્ટલ અને એપ પર):
જો ખેડૂતનો સક્રિય મોબાઈલ નંબર આધાર સાથે લિંક હોય, તો તેઓ pmkisan.gov.in પોર્ટલ પર 'e-KYC' ટેબ પર ક્લિક કરી, પોતાનો આધાર નંબર નાખીને મોબાઈલ પર આવેલ ઓટીપી દ્વારા ઘરેબેઠા મફતમાં ઈ-કેવાયસી કરી શકે છે.
2) ફેસ ઓથેન્ટિકેશન (Face RD એપ દ્વારા):
ગુગલ પ્લે સ્ટોર પરથી 'PM-KISAN' અને 'Aadhaar Face RD' એપ ડાઉનલોડ કરી, લોગિન કર્યા બાદ 'Beneficiary Status' માં જઈને ચહેરો સ્કેન (Face Scan) કરીને પણ સેકંડોમાં ઈ-કેવાયસી પૂર્ણ કરી શકાય છે.
3) બાયોમેટ્રિક e-KYC (CSC સેન્ટર ખાતે):
જે ખેડૂતોના મોબાઈલ નંબર લિંક ન હોય, તેઓ નજીકના કોમન સર્વિસ સેન્ટર (CSC) અથવા સ્ટેટ સર્વિસ સેન્ટર (SSC) પર જઈ બાયોમેટ્રિક (આંગળીના નિશાન) દ્વારા ઈ-કેવાયસી કરાવી શકે છે.
કૃષિ મંત્રાલયે તમામ લાભાર્થી ખેડૂતોને 30 ઓક્ટોબર પહેલાં આ પ્રક્રિયા પૂર્ણ કરી લેવા અપીલ કરી છે જેથી હપ્તાની રકમ જમા થવામાં કોઈ અડચણ ન આવે.