Raja Raghuwanshi Murder Case Latest Video: ઇન્દોરના રાજા રઘુવંશીની હત્યાને 24 દિવસ વીતી ગયા છે.હત્યાના ગુનામાં તેની પત્ની સોનમ સહિત પાંચ આરોપીઓ હાલમાં પોલીસ રિમાન્ડ પર છે. તેમણે પોતાનો ગુનો કબૂલી લીધો છે. આ દરમિયાન રાજાની હત્યા પહેલાનો વીડિયો વાયરલ થયો છે. જેમાં પતિ-પત્ની શિલોંગમાં ટ્રેકિંગ કરી રહ્યા છે. આ વીડિયો એક પ્રવાસીના કેમેરામાં કેદ થયો હતો.
સોનમ અને રાજા ટ્રેકિંગ કરતા કેમેરામાં કેદ થયા
પ્રવાસીના કેમેરામાં જોઈ શકાય છે કે સોનમ અને રાજા ટ્રેકિંગ કરતા જોવા મળ્યા હતા. સોનમ આગળ ચાલતી જોવા મળી, જ્યારે રાજા તેની પાછળ હતો. સોનમે સફેદ ટી-શર્ટ પહેરી હતી. રાજાએ સફેદ સ્લીવલેસ ટી-શર્ટ પહેરી હતી. શિલોંગ ફરવા ગયેલા એક વ્યક્તિએ સોશિયલ મીડિયા પર દાવો કર્યો છે કે જ્યારે તે ડબલ ડેકર બ્રિજની સફર દરમિયાન વીડિયો બનાવી રહ્યો હતો, ત્યારે રાજા અને સોનમ રઘુવંશી પણ તેના કેમેરામાં કેદ થઈ ગયા હતા.
સોનમે રાજાના મૃતદેહ પાસે મળેલી ટી શર્ટ પહેરી હતી
દેવ સિંહ નામના આ વ્યક્તિએ ઇન્સ્ટાગ્રામ પર વીડિયો શેર કર્યો અને લખ્યું- હું 23 મે 2025 ના રોજ મેઘાલય ડબલ ડેકર રૂટ બ્રિજની યાત્રા પર ગયો હતો ત્યારે આ વીડિયો રેકોર્ડ કર્યો હતો. ગઈકાલે હું વીડિયો જોઈ રહ્યો હતો અને મને ઇન્દોરના આ કપલનું રેકોર્ડિંગ મળ્યું. સવારના લગભગ 9:45 વાગ્યા હતા જ્યારે અમે નીચે જઈ રહ્યા હતા અને રાજા-સોનમ ઉપર તરફ રહ્યા હતા. વીડિયો શેર કરનાર વ્યક્તિએ આગળ લખ્યું કે મને લાગે છે કે આ બંનેનું છેલ્લું રેકોર્ડિંગ હતું. સોનમે એ જ સફેદ શર્ટ પહેરી હતી જે રાજાના મૃતદેહ પાસે મળી હતી. મને આશા છે કે આ વીડિયો મેઘાલય પોલીસને કેસ ઉકેલવામાં મદદ કરશે.
દેવ સિંહે વીડિયોમાં રાજા રઘુવંશીને જોતા લખ્યું કે જ્યારે પણ મેં વીડિયોમાં રાજાને જોયો, ત્યારે મને તેના માટે ખૂબ જ ખરાબ લાગ્યું. તે સામાન્ય દેખાતો હતો જેને ખબર નહોતી કે તેની સાથે આગળ શું થવાનું છે. મારી પાસે બીજો એક વીડિયો છે જેમાં ઇન્દોરના 3 અન્ય લોકો પણ જોઈ શકાય છે, જેમણે આ બે લોકોથી 20 મિનિટ પહેલા મુસાફરી શરૂ કરી હતી અને પોલીસ દ્વારા પકડાઈ ગયા હતા