New Delhi News: દિલ્હી પોલીસે કોકરોચ જનતા પાર્ટી (CJP) પ્રવક્તા સૌરભ દાસ અને આશુતોષ રાંકાની જંતર-મંતર પર મંજૂરી વગર પ્રવેશ કરવાના આરોપસર ધરપકડ કરી હતી. હવે આ બંને નેતાને આજે બુધવારે સવારે ACM કોર્ટમાં રજૂ કરવામાં આવશે. CJPના કાનૂની બાબતોના પ્રમુખ રત્ના સિંહે આ અંગે માહિતી આપી છે.
મંગળવારે વિરોધ પ્રદર્શનો માટે પ્રતિબંધિત કરવામાં આવેલા દિલ્હીના જંતર-મંતર સ્થળ પર પરવાનગી વગર પ્રવેશ કરવા બદલ દિલ્હી પોલીસે કોકરોચ જનતા પાર્ટી (CJP) નેતા સૌરભ દાસ અને આશુતોષ રાંકાની અટકાયત કરી લીધી હતી. ત્યારબાદ આ જ ક્રમમાં તેમની વિધિવત ધરપકડ કરવામાં આવી હતી.
આ ઘટનાક્રમ અંગે CJPના કાનૂની બાબતોના પ્રમુખ રત્ના સિંહે ટ્વિટ કરીને માહિતગાર કર્યા છે કે, સૌરભ દાસ અને આશુતોષ રાંકાને આજે બુધવારે સવારે ACM કોર્ટમાં રજૂ કરવામાં આવશે.
₹50 હજારના બોન્ડ પર મળ્યા હતા જામીન
ઉલ્લેખનીય છે કે, હાલમાં જ CJP નેતાઓ અભિજીત દીપકે, સૌરભ દાસ અને આશુતોષ રાંકાને દિલ્હી પોલીસે સાવચેતીના ભાગરૂપે કસ્ટડીમાં લીધા હતા. તે પછી દિલ્હીની સ્પેશિયલ એક્ઝિક્યુટિવ મેજિસ્ટ્રેટ કોર્ટે તેમને 1 વર્ષ સુધી શાંતિ અને સારું વર્તન જાળવી રાખવાની શરતે ₹50 હજારના જામીન બોન્ડ ભરાવ્યા બાદ જામીન પર મુક્ત કર્યા હતા.