Ayushaman Bhav: આ વર્ષે વડાપ્રધાન નરેન્દ્ર મોદીનો જન્મદિવસ સામાન્ય લોકો માટે ખૂબ જ ખાસ રહેવાનો છે. કેન્દ્ર સરકાર 17મી સપ્ટેમ્બરે એટલે કે પીએમ મોદીના જન્મદિવસે આયુષ્માન ભવ કાર્યક્રમ શરૂ કરવા જઈ રહી છે. કેન્દ્રીય સ્વાસ્થ્ય મંત્રી મનસુખ માંડવિયાએ આ માહિતી આપી હતી.
60 હજાર લોકોને કાર્ડ મળશે
માંડવિયાએ જણાવ્યું હતું કે, આરોગ્ય મંત્રાલય તમામ સરકારી આરોગ્ય યોજનાઓ દરેક હેતુસર લાભાર્થી સુધી પહોંચવા માટે આયુષ્માન ભવ નામનો એક કાર્યક્રમ શરૂ કરવા જઈ રહ્યું છે. આ કાર્યક્રમ દરમિયાન કેમ્પનું આયોજન કરવામાં આવશે અને 60,000 લોકોને આયુષ્માન ભારત કાર્ડ આપવામાં આવશે. ઉલ્લેખનીય છે કે, આયુષ્માન ભારત - પ્રધાનમંત્રી જન આરોગ્ય યોજના (AB-PMJAY) વિશ્વની સૌથી મોટી આરોગ્ય સુરક્ષા યોજના છે, જે પ્રતિ વર્ષ લાભાર્થી પરિવાર દીઠ રૂ. 5 લાખનું આરોગ્ય કવરેજ પ્રદાન કરે છે.
Centre to take up Ayushman Bhava programme on PM Modi's birthday this year: Mansukh Mandaviya
— ANI Digital (@ani_digital) September 11, 2023
Read @ANI Story | https://t.co/LBo2mMMpy6#MansukhMandaviya #PMModi #AyushmanBhava pic.twitter.com/tSHabsTVa6
2025ના અંત સુધીમાં ટીબીને નાબૂદ કરવાનો લક્ષ્ય
માંડવિયાએ કહ્યું કે આગામી દિવસોમાં અમે આરોગ્ય સેવાઓને વધુ સારી રીતે સંતૃપ્ત કરવા માટે આ કાર્યક્રમ વધુ ચલાવીશું. ગયા વર્ષે, અમે વડાપ્રધાન નરેન્દ્ર મોદીના જન્મદિવસ પર ટ્યૂબરકુલોસિસ (ટીબી)ના મુદ્દા પર ભાર મૂક્યો હતો. તેમણે કહ્યું કે અગાઉ પીએમ મોદીએ કહ્યું હતું કે ક્ષય રોગ (ટીબી) નાબૂદ કરવાનું વિશ્વનું લક્ષ્ય 2030 છે, પરંતુ ભારતનું લક્ષ્ય 2025ના અંત સુધીમાં ટીબીને નાબૂદ કરવાનું છે.
માંડવીયાએ વધુમાં જણાવ્યું હતું કે, દર મહિને પોષક તત્ત્વોની કીટ આપવામાં આવી રહી છે અને તે દર્દીઓને શક્ય તમામ સહાય આપવામાં આવી રહી છે. તેમણે કહ્યું કે, અમને વિશ્વાસ છે કે 'લોકભાગીદારી'ની મદદથી દેશમાંથી ટીબીને નાબૂદ કરવામાં આવશે.