Youtuber Jyoti Malhotra: હરિયાણાની જ્યોતિ મલ્હોત્રા પર પાકિસ્તાન માટે જાસુસી કરવાનો આરોપ લાગ્યો છે. હાલ તે રિમાન્ડમાં છે અને પોલીસ તેની પુછપરછ કરી રહી છે. પોલીસ અને કેન્દ્રીય તપાસ એજન્સીઓ જ્યોતિના પાકિસ્તાન પ્રવાસના મુસાફરીની પેટર્નને સમજવાનો પ્રયાસ કરી રહી છે. જ્યોતિના પિતાએ હજુ સુધી જ્યોતિ માટે કોઈ વકીલ રાખ્યો નથી. પોલીસે ખોટો સમય આપીને મને છેતર્યો.
પોલીસે મને દીકરી સાથે મળવા દેતી નથી - જ્યોતિના પિતા
આ પણ વાંચો
જ્યોતિના પિતાએ કહ્યું કે મેં પોલીસકર્મીઓને જ્યોતિ વિશે પૂછ્યું ત્યારે તેમણે મને કહ્યું કે તેઓ ગુરુવારે બપોરે 12 વાગ્યા પછી કોર્ટમાં રજૂ કરશે. ત્યારે તમને જ્યોતિ સાથે મળાવી દઈશું. સવારે 11 વાગ્યે બે પત્રકારો મારા ઘરે આવ્યા. તેમણે મને કહ્યું કે જ્યોતિને ફરીથી રિમાન્ડ પર મોકલવામાં આવી છે. તે કોર્ટમાં નથી. જ્યારે જ્યોતિ માટે વકીલની નિમણૂક કરવા વિશે તેમને પૂછવામાં આવ્યું ત્યારે તેમણે કહ્યું કે હું તો કોઈ વકીલને ઓળખતો નથી. મારી પાસે પૈસા પણ નથી.
મોબાઈલ અને લેપટોપના ડેટાની તપાસ
તપાસ અધિકારીએ કોર્ટને જણાવ્યું કે જ્યોતિ મલ્હોત્રાનો મોબાઇલ અને લેપટોપ તપાસ માટે ફોરેન્સિક લેબમાં મોકલવામાં આવ્યા છે. તેમનો રિપોર્ટ હજુ સુધી મળ્યો નથી. જ્યોતિ પાકિસ્તાન ઓપરેટિવ એજન્સી (POI) ના સંપર્કમાં હોવાના પુરાવા મળ્યા છે. તેના મોબાઇલ અને લેપટોપમાંથી ડેટા મેળવ્યા બાદ વધુ તપાસ થશે. આ ડેટા જ્યોતિએ POI સાથે કઈ પ્રકારની માહિતી શેર કરી છે તે જાહેર કરશે. જ્યોતિ મલ્હોત્રાએ અન્ય વિવિધ રાજ્યોના વીડિયો પણ બનાવ્યા છે જેમાં સરહદ સુરક્ષા પણ બતાવવામાં આવી હતી. આવા કેટલાક રાજ્યોની પોલીસ પણ તેની પૂછપરછ કરવા માંગે છે.