Rahul Gandhi Mimicry:ઈન્દોરમાં વિપક્ષી પાર્ટીઓના વિદ્યાર્થીઓની ગૂંજ કાર્યક્રમમાં વડાપ્રધાન નરેન્દ્ર મોદી અંગે કરવામાં આવેલી ટિપ્પણીને લઈ ભાજપ નેતાઓએ કોંગ્રેસ સાંસદ અને લોકસભામાં વિપક્ષના નેતા રાહુલ ગાંધીને લઈ આકરી ટીકા કરી છે.
રાહુલ ગાંધીએ સ્ટેન્ડ-અપ કૉમેડિયન પુલકિત મણિ સાથે મંચ પર કેટલીક વાતો કહી છે અને ઈશારા કર્યાં, જેના આધારે સ્પષ્ટપણે માલુમ થતું હતું કે વડાપ્રધાન મોદી અંગે મજાક કરવામાં આવી હતી. ભાજપના રાષ્ટ્રીય પ્રવક્તા સીઆર કેસવને આજે સવારે એક વીડિયો નિવેદનમાં કહ્યું છે કે રાહુલ ગાંધીએ એક માતાની મજાક કરીને મહિલાઓનું અપમાન કર્યું છે.
અસભ્ય સંસ્કૃતિને રાહુલ ગાંધી આપી રહ્યા છે પ્રોત્સાહન
કેશવને કહ્યું કે કોઈ પણ સભ્ય અને યોગ્ય વિચાર ધરાવતી વ્યક્તિ આ પ્રકારના અભદ્ર અયોગ્ય હરકતોને મજેદાર નહીં માને જોકે રાહુલ ગાંધીને તે મંચ પર જોર-જોરથી હસતા જોવા મળ્યા જેને તેઓ પોતાની સાથે શેર કરતાં હતા. રાહુલ ગાંધી દ્વારા આ પ્રકારની અસભ્ય સંસ્કૃતિને પ્રોત્સાહન આપવાને લીધે જ તેઓ અને કોંગ્રેસ યુવાઓ સાથે જોડવામાં નાકામ રહ્યા છે.
ભાજપના પ્રવક્તાએ કહ્યું કે એક બાજુ વડાપ્રધાન નરેન્દ્ર મોદીએ એક વૃદ્ધ વ્યક્તિ માટે ખુરશીની વ્યવસ્થા કરવા સંવેદનશીલતા દર્શાવી ત્યારે બીજીબાજુ રાહુલ ગાંધી ખુશ થતા જોવા મળે છે કે જ્યારે આ પ્રકારના વૃદ્ધ વ્યક્તિ શરમ વગર આ રીતે અપમાન કરી રહ્યા હતા. રાહુલ ગાંદી જે મસખરો અને આ પ્રકારના સર્કસ શોનું સમર્થન કરે છે તેને એક રાજકીય નેતા તરીકે ગંભીરતાથી લઈ શકાય નહીં.