Travel Tips: જો કપલ્સ તેમના પાર્ટનર સાથે ક્યાંક ફરવાનું પ્લાનિંગ કરે છે તો તેમાં દુબઈનું નામ જરૂર સામેલ હોય છે. પરંતુ ઘણીવાર બજેટ ઓછું હોવાને કારણે લોકો દુબઈને બદલે અન્ય સ્થળોએ ફરવા જવાનો પ્લાન બનાવી લે છે. ભારતમાં એવા ઘણા કપલ્સ હશે, જેમણે માહિતીના અભાવે દુબઈની તેમની ટ્રિપનો પ્લાન કેન્સલ કરી દીધો હશે.
જો તમને પણ લાગે છે કે તમારે દુબઈ ફરવા માટે 1 લાખ રૂપિયાથી વધુ ખર્ચ કરવો પડશે તો તમે ખોટા છો. આજના આ લેખમાં અમે તમને દુબઈમાં ફરવા માટેના બજેટ વિશે વિગતવાર માહિતી આપીશું. આ જાણ્યા પછી તમે તમારા મિત્રો અથવા સંબંધીઓને પણ દુબઈ ફરવા જવા માટે ટિપ્સ આપી શકો છો.
કેટલો ખર્ચ થશે?
જો તમે ઓછા બજેટમાં દુબઈની ટ્રિપનું પ્લાનિંગ કરી રહ્યા છો, તો સૌથી પહેલા તમારે નક્કી કરવું પડશે કે તમારે દુબઈમાં ક્યાં-ક્યાં ફરવા જવું છે. ઓછા બજેટવાળા લોકો દુબઈમાં 3 રાત અને 4 દિવસની ટ્રિપ પ્લાન કરી શકે છે.
ભારતથી દુબઈની ફ્લાઈટ
- ફ્લાઇટ ટિકિટ બુક કરાવતા પહેલા તમારે કેટલીક બાબતો ધ્યાનમાં રાખવાની જરૂર છે.
- સૌથી પહેલા તમે ફ્લાઈટ ટિકિટ ઈકોનોમી ક્લાસમાં બુક કરવા માટે એક સારી એપ્લિકેશનનો ઉપયોગ કરો, જેમાં તમને સારું ડિસ્કાઉન્ટ મળે.
- આ પછી તમારે ધ્યાન રાખવું પડશે કે કઈ બેંકના ક્રેડિટ કે ડેબિટ કાર્ડથી ટિકિટ બુક કરાવવા પર ડિસ્કાઉન્ટ મળી રહ્યું છે.
- વાસ્તવમાં, ઘણા બેંક કાર્ડ્સ ફ્લાઈટ ટિકિટ બુક કરવા પર ડિસ્કાઉન્ટ આપે છે, જેનાથી તમને 1000થી 1500 રૂપિયા સુધીનો ફાયદો થઈ શકે છે.
- આ પછી તમારે સમયનું ધ્યાન રાખવું પડશે, જેટલી જલ્દી તમે ફ્લાઈટ ટિકિટ બુક કરાવશો, ટિકિટ પર તમને એટલું જ ડિસ્કાઉન્ટ મળશે.
- તમે મુસાફરીના 2 અથવા 3 દિવસ પહેલા ટિકિટ બુક કરો છો, તો તમારે વધુ પૈસા ચૂકવવા પડી શકે છે.
- તમને ભારતથી દુબઈની ફ્લાઈટ ટિકિટ 10 હજારથી 12 હજાર રૂપિયા પ્રતિ વ્યક્તિમાં મળશે.
- આ રીતે બે લોકોના દુબઈ જવા-આવવાનો ફ્લાઈટ ટિકિટનો ખર્ચ 40 હજાર રૂપિયા આવશે.
- જો તમે કાર્ડમાંથી ડિસ્કાઉન્ટ લેશો તો આ રકમ વધુ ઘટી શકે છે.
હોટલ અને જમવાનો ખર્ચ
- જો તમે તમારા પાર્ટનરની સાથે 3 સ્ટાર હોટલમાં રાત વિતાવો છો તો એક રાત માટે તમારે 4,000થી 5,000 રૂપિયા સુધી ચૂકવવા પડશે.
- આ રીતે જો તમે 3 રાત રોકાવ છો, તો બે લોકો માટે હોટેલનો ખર્ચ 12,000 રૂપિયા થશે.
- જો તમે દુબઈમાં ઓનલાઈન હોટેલ બુક કરો છો, તો તમને ડિસ્કાઉન્ટ મળે છે. તમને 10,000 રૂપિયામાં સરળતાથી 3 રાત માટે હોટલ મેળી જશે.
- ધ્યાનમાં રાખો કે તમે હોટેલમાં જમવાનું બુક ન કરો. કારણ કે હોટલ પર લાગતા GST અને TAXને કારણે તમારું 3 દિવસનું બિલ જ 6 હજારથી 7 હજાર રૂપિયા થઈ જશે.
- તમે જમવાનું સ્ટ્રીટ ફૂડથી ખાઈ શકો છો. તમારે દુબઈની કોઈપણ મોટી રેસ્ટોરન્ટમાં જમવા જવાનું ટાળવું જોઈએ.
- દુબઈમાં 4 દિવસ માટે બે લોકો માટે ખાવાનો ખર્ચ 4 થી 5 હજાર રૂપિયા થશે.
દુબઈમાં ફરવાનો ખર્ચ
- દુબઈમાં ફેમસ સ્થળોએ ફરવા માટે તમે સ્થાનિક ટ્રાન્સપોર્ટનો ઉપયોગ કરી શકો છો. કારણ કે જો તમે કેબ કે ટેક્સીમાં મુસાફરી કરો છો તો તમારે રોજના 7થી 8 હજાર રૂપિયા ચૂકવવા પડી શકે છે.
- જો તમે સ્થાનિક પરિવહન અથવા મેટ્રો દ્વારા મુસાફરી કરો છો, તો તમારે 3 દિવસમાં દુબઈ ફરવાના માત્ર 15,000 રૂપિયા ખર્ચ થશે.
- આ રીતે દુબઈ જનારા બે લોકોનો કુલ ખર્ચ માત્ર 70 હજારથી 80 રૂપિયા થશે.