Travel Tips: સપનાની નગરી મુંબઈ ફરવા જવાનું દરેકનું સપનું હોય છે. માયાનગરી તરીકે પ્રખ્યાત આ શહેરમાં આમ તો ઘણા ફરવાલાયક સ્થળો છે. તમામ આઈકોનિક સિનેમા હોલ અને ફિલ્મ સ્ટુડિયો છે, પરંતુ કેટલાક સ્થળો એવા પણ છે, જ્યાં તમે નથી ગયા તો મુંબઈની ટ્રિપ હંમેશા અધૂરી માનવામાં આવે છે. ચાલો તમને તે સ્થળોનો પરિચય કરાવીએ અને તેની ખાસિયત પણ જણાવીએ.
નેચર લવર્સ માટે બેસ્ટ છે આ પોઈન્ટ
દેશમાં નેચર લવર્સની કોઈ કમી નથી. તેઓ જ્યારે પણ ફરવા જાય છે ત્યારે એવા સ્થળો જરુર શોધે છે, જ્યાં તેઓ પોતાને પ્રકૃતિની નજીક મહેસૂસ કરી શકે. તેવા જ નેચર લવર્સ માટે મુંબઈમાં પણ એક સ્થળ છે અને તેનું નામ છે સંજય ગાંધી નેશનલ પાર્ક. આ પાર્કમાં એવા વૃક્ષો અને છોડ છે, જે દરેક જગ્યાએ જોવા મળતા નથી. આ સિવાય પાર્કની હરિયાળી દરેકનું દિલ જીતી લે છે. તેમજ આ પાર્કમાં ઘણા પ્રકારના પ્રાણીઓ અને પક્ષીઓ પણ જોવા મળે છે, જે ખૂબ જ ખાસ હોય છે.
ગેટવે ઓફ ઈન્ડિયા જવાનું ભૂલશો નહીં
મુંબઈના ફેમસ સ્થળોનો ઉલ્લેખ થાય અને ગેટવે ઓફ ઈન્ડિયાનું નામ લેવામાં ન આવે, એવું થવું અશક્ય છે. અરબી સમુદ્રના કિનારે અપોલો બંદર બીચ પર બનેલી આ ઈમારત બ્રિટિશ રાજની યાદ અપાવે છે. રોમન આર્કિટેક્ચરે 26 મીટર ઊંચા પ્રવેશ દ્વારથી ન માત્ર જીતની ઝલક બતાવી, પરંતુ તેમાં હિન્દુ-મુસ્લિમ ડિઝાઈનનો પણ સારી રીતે ઉપયોગ કર્યો હતો. અહીં જતાં ટૂરિસ્ટ બોટ, ફેરી અથવા પ્રાઈવેટ યાટ રાઈડનો આનંદ માણી શકે છે. સૂર્યાસ્ત પછી અહીંનો નજારો જોઈને મજા પડી શકે છે.
મુંબઈની જાન છે મરીન ડ્રાઈવ
મુંબઈની નાઈટ લાઈફની વાત કરીએ તો તમને ઘણા પબ અને બાર મળી જશે, પરંતુ પાર્ટનરનો હાથ પકડીને મરીન ડ્રાઈવ પર વોક કરવામાં જે મજા આવે છે, તે ક્યાંય નથી આવતી. સૂર્યાસ્ત અને રાત્રિના સમયે સમુદ્રનો નજારો અને તાજી હવા દિલને સુકુન આપે છે. રાત્રિના સમયે મરીન ડ્રાઈવના વાઈન્ડિંગ રોડ પરની સ્ટ્રીટ લાઈટ એટલી સુંદર લાગે છે કે તેને ક્વીન્સ નેકલેસ પણ કહેવામાં આવે છે.
જુહુ બીચ પણ છે મસ્ત
આમ તો મુંબઈમાં ઘણા બીચ છે, જ્યાંથી તમે દરિયા કિનારે મજા માણી શકો છો, પરંતુ જુહુ બીચ આ બધામાં સૌથી ખાસ છે. તે માત્ર મુંબઈમાં રહેતા લોકોની વચ્ચે જ પ્રખ્યાત નથી, પરંતુ બહારથી આવતા લોકોને પણ તે પોતાની તરફ આકર્ષિત કરે છે. જુહુ ચોપાટીને તો બોલિવૂડની તમામ ફિલ્મોમાં બતાવવામાં આવે છે. અહીંનું મસાલેદાર સ્ટ્રીટ ફૂડ કોઈના પણ મોંમાં પાણી લાવી શકે છે.
ખંડાલા જવાનું પણ ભૂલશો નહીં
મુંબઈથી લગભગ 82 કિલોમીટર દૂર આવેલ ખંડાલાનું નામ તમે ઘણી ફિલ્મોમાં સાંભળ્યું હશે. અહીંની સુંદર ખીણો ફિલ્મના દ્રશ્યોમાં પણ જોઈ જ હશે. જો તમે મુંબઈ ગયા છો અને ખંડાલા ફર્યા વિના પાછા આવ્યા, તો સમજી લો કે તમારી ટ્રિપ અધૂરી રહી ગઈ છે. લીલીછમ ખીણો અને પહાડો ધરાવતું આ પોઈન્ટ દિલ જીતવાની બાબતમાં પ્રથમ ક્રમે છે.