High BP Symptoms in Gujarati: ભારતમાં દર 3માંથી 1 વ્યક્તિ હાઈ બીપી (હાયપરટેન્શન)થી પીડાય છે. હાઈ બીપી (BP)ને કારણે ઘણી સમસ્યાઓ ઊભી થાય છે, જેમ કે હૃદયરોગ, સ્ટ્રોક અને કિડની ફેલ થઈ જવું. ત્યારે આ આર્ટિકલમાં અમે તમને જણાવીશું હાઈ બીપી (BP)ના કારણો, લક્ષણો અને તેનાથી બચાવની રીતો.
શું છે હાઈ બીપી?
સાંકડી રક્ત વાહિનીઓ (ધમનીઓ) રક્ત પ્રવાહ માટે વધુ પ્રતિકાર બનાવે છે. નસો જેટલી સાંકડી થશે, તેટલી વધારે પ્રતિરોધક ક્ષમતા અને બીપી વધશે. હાઈ બીપીના કોઈ લક્ષણો જોવા મળતા નથી, જેના કારણે તેને સાયલન્ટ કિલર તરીકે પણ ઓળખવામાં આવે છે.
આ પણ વાંચો
હાઈ બીપી (BP)નાં કારણો
જ્યારે શરીરની નસોમાં બીપી (BP) વધી જાય ત્યારે હાઈ બીપી થાય છે.
- સ્થૂળતા
- પ્રકાર 2 ડાયાબિટીસ
- કિડની રોગ
- ઊંઘની સમસ્યા
- અન્ડરએક્ટિવ અથવા ઓવરએક્ટિવ થાઇરોઇડ
- આ સિવાય જન્મજાત પરિસ્થિતિઓ જેવી કે, કુશિંગ સિન્ડ્રોમ, એક્રોમેગલી અથવા ફિઓક્રોમોસાયટોમા હોવી પણ જોખમનું પરિબળ છે. ઓછી ફેટવાળા ફૂડનું સેવન, મધ્યમ વજન જાળવી રાખવું, આલ્કોહોલનું સેવન ઓછું કરવું, તમાકુ ધૂમ્રપાન છોડવું, હાઈ બીપીનું જોખમ ઘટાડવામાં મદદ કરે છે.
આ પણ વાંચો - Low BP Symptoms in Gujarati: ખતરનાક સાબિત થઈ શકે છે લો બીપી, જાણો તેના લક્ષણો, કારણ અને બચાવની રીત
હાઈ બીપી (BP)નાં લક્ષણો
- માથાનો દુખાવો
- શ્વાસ લેવામાં તકલીફ
- ચક્કર આવવા
- થાક
- ઝાંખી દ્રષ્ટિ
- ચક્કર આવવા
- આ સિવાય જો પરિવારમાં કોઈને આ સમસ્યા છે, તો તમને પણ આ રોગનો ખતરો છે.
હાઈ બીપી (BP) અટકાવવાનાં પગલાં
- ધૂમ્રપાન છોડો
- તણાવથી દૂર રહો
- દર અઠવાડિયે ઓછામાં ઓછી 150 મિનિટની શારીરિક એક્ટિવિટી કરો
- દરરોજ 7 થી 9 કલાકની ઊંઘ લો
- મીઠાનું સેવન ઓછું કરો
- સ્વસ્થ વજન જાળવી રાખો
હાઈ બીપી (BP)ને કારણે કઈ સમસ્યાઓ થાય છે?
હાઈ બીપી (BP)સ્વાસ્થ્યને ઘણી રીતે નુકસાન પહોંચાડી શકે છે. તે વ્યક્તિના હૃદય, મગજ, કિડની અને આંખો જેવા મહત્વપૂર્ણ અંગોને ગંભીર રીતે નુકસાન પહોંચાડી શકે છે. લાઈફસ્ટાઈલમાં સકારાત્મક ફેરફારો કરવા ઉપરાંત, હાઈ બીપી ધરાવતા લોકોએ તેમના બીપી (BP)ને કંટ્રોલમાં કરવા માટે દવાઓ લેવાની જરૂર છે. પરંતુ સૌથી પહેલા ડૉક્ટરની સલાહ લેવી જોઈએ.