Skin Cancer Symptoms: કેન્સર એક ગંભીર સમસ્યા છે, જે વિશ્વમાં કોઈપણને તેનો શિકાર બનાવી શકે છે. આ ગંભીર રોગના અનેક પ્રકારો છે, જે શરીરના વિવિધ ભાગોને અસર કરે છે અને તેથી તે ભાગોના નામથી ઓળખાય છે. જે પૈકી સ્કિન કેન્સર પણ એક છે.
સ્કિન કેન્સરના શરૂઆતના લક્ષણોને ઘણીવાર લોકો સામાન્ય સમજીને અવગણતી નાંખતા હોય છે, જેના પરિણામે આ બીમારી જીવલેણ થઈ શકે છે. આવી સ્થિતિમાં આ લેખમાં આપણે સ્કિન કેન્સરના કેટલાક શરૂઆતના લક્ષણો વિશે જાણીશું, જેથી તમે તેને સમયસર ઓળખી શકો.
સ્કિન કેન્સર શું છે?
જ્યારે સ્કિનના કોષો અસામાન્ય રીતે વધવા લાગે છે, ત્યારે તેને સ્કિન કેન્સર કહેવામાં આવે છે. સામાન્ય રીતે સેલ્સ અર્થાત કોષ જૂના થઈ જાય અને મરી જાય છે, જે બાદ નવા સેલ્સ બને છે. જો કે ક્યારેક આ પ્રોસેસમાં ગરબડ થવાના કારણે સેલ્સ વધુ પડતા અથવા ખોટી રીતે વધવા લાગે છે.
જે પૈકી કેટલાક સેલ્સ બિન-કેન્સરગ્રસ્ત હોય છે, જે વધુ નુકસાન પહોંચાડતા નથી, પરંતુ કેટલાક કેન્સરગ્રસ્ત સેલ્સ શરીરમાં ઝડપથી ફેલાય છે અને શરીરના અન્ય ભાગોને નુકસાન પહોંચાડી શકે છે. જેને તમે નીચેના લક્ષણો પરથી ઓળખી શકો છો.
સ્કિનના રંગમાં ફેરફાર: જો તમારી સ્કિનનો રંગ અચાનક બદલાવા લાગે છે, તો તેને બિલકુલ હળવાશથી ન લો. સ્કિન પર અચાનક લાલ, જાંબલી અથવા ભૂરા રંગના ધબ્બા સાધારણ નથી. આથી તેને ફોલ્લીઓ ના માનો, કારણ કે આ દુર્લભ સ્કિન કેન્સર કાપોસી સાર્કોમાને કારણે હોઈ શકે છે.
જૂના મસામાં ફેરફાર:શરીર પર જૂના મસાના આકારમાં ફેરફાર પણ સ્કિન કેન્સરની શરૂઆતની નિશાની હોઈ શકે છે. જો મસાનો આકાર બદલાય, રંગ બદલાય, તે મોટો થાય, લોહી કે સ્કેબ બનવા લાગે તો મેલાનોમાના લક્ષણો દેખાઈ શકે છે.
ઘા રૂઝાતા નથી: જો સ્કિન પરનો કોઈ ઘા કે અલ્સર લાંબા સમય સુધી રૂઝાઈ રહ્યો નથી અથવા રૂઝાયા પછી ફરી ફરી રહ્યો છે, તો તેને બિલકુલ હળવાશથી ન લો, કારણ કે તે ખતરાની નિશાની હોઈ શકે છે. આવા લક્ષણો બેઝલ સેલ કાર્સિનોમા અને સ્ક્વામસ સેલ કાર્સિનોમા તરફ ઈશારો કરે છે.
નવી ગાંઠ કે ગઠ્ઠો: જો 30 વર્ષની ઉંમર પછી તમારી સ્કિન પર અચાનક નવી ગાંઠ કે ગઠ્ઠો દેખાય, તો તેને અવગણશો નહીં. ખાસ કરીને જો આ ગઠ્ઠો લાલ, ગુલાબી કે ભૂરા રંગનો હોય, તો તે સ્કિનના કેન્સરની નિશાની હોઈ શકે છે.
સતત ખંજવાળ કે બળતરા: સ્કિન પર વારંવાર ખંજવાળ અને બળતરા પણ આ ખતરનાક કેન્સરની નિશાની હોઈ શકે છે. જો તમને તમારી સ્કિન પર આવા કોઈપણ સ્થળે અચાનક ખંજવાળ આવવા લાગે, તો તે બેસલ સેલ કાર્સિનોમા (BCC) હોઈ શકે છે, જે એક સામાન્ય સ્કિન કેન્સર છે.