Bhang Recipe For Shivratri In Gujarati: મહાશિવરાત્રી એ દેવાધિદેવ મહાદેવની ઉપાસનાનો સૌથી મોટો પર્વ છે. વર્ષ 2026માં 15 ફેબ્રુઆરીના રોજ ઉજવવામાં આવનાર આ પર્વ શિવ અને શક્તિના મિલનનો ઉત્સવ છે. આ દિવસે ભક્તો ઉપવાસ, પૂજા અને અભિષેક કરીને ભોલેનાથને પ્રસન્ન કરવાનો પ્રયત્ન કરે છે. મહાદેવની પૂજામાં ભાંગનું વિશેષ મહત્વ છે, અને આ જ કારણ છે કે મહાશિવરાત્રી પર 'ભાંગ ઠંડાઈ'નો પ્રસાદ લેવાની પરંપરા સદીઓથી ચાલી આવે છે. જો તમે પણ આ વર્ષે ઘરે શુદ્ધ અને સ્વાદિષ્ટ ભાંગ ઠંડાઈ બનાવવા માંગતા હોવ, તો અહીં તેની સંપૂર્ણ વિગતવાર રેસીપી આપવામાં આવી છે.
જરૂરી સામગ્રી
આ પણ વાંચો
- દૂધ: 1 લિટર (ફુલ ક્રીમ દૂધ વધુ સારું રહેશે)
- ખાંડ: 1/2 કપ (સ્વાદ મુજબ વધુ-ઓછી કરી શકાય)
- ભાંગ: 10 ચમચી (વપરાશ મુજબ બદલી શકાય)
- ડ્રાય ફ્રૂટ્સ: 1 ચમચી બદામ
- મસાલા: 1/2 ચમચી કેસર, 12 ચમચી વરિયાળી, 2 લીલી એલચી
- સુશોભન માટે: મુઠ્ઠીભર તાજી અથવા સૂકી ગુલાબની પાંખડીઓ
- પાણી: 2 કપ
બનાવવાની રીત
દૂધની તૈયારી
સૌ પ્રથમ એક મોટા વાસણમાં દૂધ લો અને તેને સારી રીતે ઉકાળો. દૂધ ઉકળી જાય એટલે તેને ઓરડાના તાપમાને ઠંડું થવા દો અને ત્યારબાદ ફ્રીજમાં મૂકો. ઠંડાઈ હંમેશા ઠંડી જ પીરસવામાં આવે છે.
સામગ્રી પલાળવી
એક અલગ બાઉલમાં પાણી લો. તેમાં બદામ, વરિયાળી, તરબૂચના બીજ, એલચી, ભાંગ અને ગુલાબની પાંખડીઓ ઉમેરો. આ બધી સામગ્રીને ઓછામાં ઓછા 2-3 કલાક સુધી પલાળી રાખો જેથી તે નરમ થઈ જાય.
પેસ્ટ તૈયાર કરવી
પલાળેલી સામગ્રીને પાણી સાથે જ મિક્સરમાં અથવા પરંપરાગત ખલ-દસ્તામાં ઝીણી પીસી લો. આ મિશ્રણ એકદમ મુલાયમ (Smooth) હોવું જોઈએ. જો જરૂર જણાય તો તેને બારીક કપડા અથવા ગરણીથી ગાળી લો.
મિશ્રણ તૈયાર કરવું
તૈયાર થયેલી પેસ્ટને ઠંડા કરેલા દૂધમાં ઉમેરો. તેમાં ખાંડ અને કેસરના તાંતણા ઉમેરીને બરાબર મિક્સ કરો.
સર્વિંગ
ઠંડાઈને કાચના ગ્લાસમાં ભરો અને ઉપરથી થોડી ગુલાબની પાંખડીઓ અને કેસરથી ગાર્નિશ કરો.
નોંધ
ભાંગનો ઉપયોગ મર્યાદિત માત્રામાં જ કરવો હિતાવહ છે.
તમારી સ્વાદિષ્ટ અને પવિત્ર ભાંગ ઠંડાઈ તૈયાર છે! સૌ પ્રથમ ભગવાન શિવને તેનો ભોગ ધરાવો અને ત્યારબાદ પ્રસાદ તરીકે વહેંચો.